上個禮拜四，ｍｉｓｓ鄭同我地講左今次出貓嘅懲罰係咩∼就係罰我地記一個缺點同埋留一個禮拜嘅行為留堂班∼其實我一早就估到佢淨係會記我地一個缺點嫁啦∼所以聽到呢個消息果陣都冇點驚訝∼
　　不過呢排就真係令到我覺得好累，累到我覺得自己好似已經唔存在咁∼唔知點解，最近係度諗，如果當初我冇入讀到王華湘，又或者冇入到１ｅ班嘅話，咁我ｅ＋又會變成點呢？或者，當初我係應該讀鄭植之∼如果我ｅ＋係讀到鄭植之，或者我就唔會遇到咁多我唔想遇到嘅事、人，或者我ｅ＋應該會開心得多∼不過都係算啦，如果真係有機會嘅話，我寧願俾我可以忘記一ｄ我唔想記起嘅事∼
　　越係王華湘讀書，我就越發覺自己並唔係咁適合讀呢間學校∼我係比較鍾意自由，王華湘太嚴格啦∼不過我知道，可以係呢度讀書，係好多人嘅夢想∼可以係呢度讀書，係我嘅榮幸∼我都唔知道，中三升中四個年，我應唔應該選擇鄭植之黎讀∼將來嘅事，就等將來先解決啦∼就算ｅ＋點講都好啦，都冇用∼

今日我又係係上中文堂果陣出事啦！陳ｘｘ叫我背書，雖然我都有背到，但係唔知點解我對住佢真係咩都唔想講呀！ｓｏ我又同佢講我冇背！跟住佢又唔知做乜，無啦啦同我講人生道理．．．其實佢根本就唔知我點諗，就係度鬧我！我就認為一個連學生點諗都唔知嘅老師，根本就冇資格鬧學生！我最憎一ｄ大人成日以為自己輩分大就可以教訓ｄ細路！我唔背書佢就同我講「耶穌」！其他人唔識背佢就算數！咁算點呀？我只係第二次冇背啫，洗唔洗咁呀？又話叫親我答問題都唔答，咁我都唔識，咁點答呀？成日都話一視同仁，咁都算咩？如果咁都算係嘅，咁我冇野好講囉！次次上佢堂都叫我答問題，好煩呀！佢究竟知唔知我好累嫁？我真係好想搵一日上堂唔返呀！睇下佢仲想點！好多同學都話佢根本就有心針對我，咁我又可以點吖？你估我唔知佢針對我咩，咁都冇計嫁．．．

（以下嘅說話就當係我同陳ｘｘ講嘅！）我就係一個咁嘅人黎嫁啦，我唔想做、我唔鍾意做嘅野就冇人可以迫我做！話我唔講道理又好、話我刁蠻任性又好、話我點都好啦，總之我就係一個咁嘅人，無人可以改變我！就好似今日呢件事咁，我係固執呀！但我都有我嘅道理，有我嘅想法！唔好以為自己係老師就可以改變我，改變我並唔係一件好容易嘅事！就算係邊個，我都係咁話嫁啦！仲話我嘅學習態度唔好，冇做好自己嘅本份！你連我諗緊ｄ咩都唔知，你憑乜野去判斷我嘅學習態度差，冇做好本份呀？如果我嘅學習態度係差，咁我小六果陣對住廖ｓｉｒ就唔會咁好態度啦∼我一早就唔「ｓｏ」佢、唔理佢啦！

以上嘅呢一番說話唔理係同邊個講都好啦，佢都係我嘅真心話，我冇講「大話」、冇「作大」！

其實今日都唔係全日都好無奈嫁，上完通識堂之後我同芬姐去左３０３室上普通話補習班！本來我以為會好無聊嫁，但點知周啟謙成班男仔全堂係度玩、講笑！搞到我同芬姐笑到肚痛呀！估唔到上補習班都可以上得咁好玩、上得咁搞笑！搞到我好期待下個星期四添！^_^

今日嘅心情真係好複雜呀．．．唉．．．

星期四係放假之前嘅最後一日，心情覺得好輕鬆∼

星期四係上英文堂果陣落左去禮堂度睇表演！（本來英文堂果陣要默書嫁，又可以逃過一劫啦！哈哈∼）係澳洲果ｄ交響樂團同合唱團黎表演！學校果ｄ中、西樂團、精英合唱團全部都落哂去表演，搞到上頭果幾堂果都冇哂人，班房好空咁．．．

落去睇表演之前我覺得好無聊咁！但點知睇完表演就覺得好精彩！佢地（澳洲果ｄ交響樂團同合唱團）真係表演得好好！學校果ｄ都唔差！澳洲果ｄ交響樂團入面果ｄ拉小提琴同吹單簧管嘅人好勁！搞到我ｅ＋好想去學小提琴同單簧管添！哈哈！真係「大想頭」呀！

睇完表演都差唔多一點啦！跟住學校就俾我地食飯同午息到１：４５！又唔洗上陳道謙堂上咁耐！真係好過癮呀！雖然上陳ｘｘ堂果陣俾佢叫左起身背書，雖然我都識背，但係我都費事「采」佢啦，所以我同佢講話我冇帶書返屋企ｓｏ冇背到書！其實我都估到佢會叫我起身背書嫁啦！都唔知佢係咪有ｄ問題，上親堂都叫我答問題或者叫我留心ｄ！真係好煩呀！我ｅ＋超憎佢呀！

跟住上數學堂果陣，我前面果個先返（楊景霖）！一返黎就係度「哂命」！話自己啱啱去左食自助餐＆同澳洲果ｄ人傾計！又話佢地好熱情，又話臨走果陣同佢地「擁抱」！真係俾佢「吹脹」．．．成堂數學堂佢都「聊」我同陳子賢傾計，搞到我上唔到堂！但係同佢傾計都好好笑！哈∼

星期四果日我都過得好好，好開心！聽左咁多好好聽嘅歌，真係人都開心ｄ、放鬆ｄ啦∼

我今日好開心呀！因為我見到一個我好耐冇見嘅小學同班同學呀！－－－佢就係陳國鈞！

係咁嘅，我今日就同左ｂｅｔｔｙ去左圖書館，咁我地去完圖書館就行返尚德啦∼正當我地行到往東港城＆圖書館方向嘅交叉口（再行上一ｄ！）果陣，我突然前面有一個踩緊單車嘅人嘅背面好熟，咁我就即刻諗到佢係陳國鈞！正當我重諗緊佢係唔係陳國鈞嘅時候，「佢」就「令」轉面同我地微笑，我同ｂｅｔｔｙ都見到「佢」係陳國鈞！ｂｅｔｔｙ就細細聲咁講：「嘩，係陳國鈞喎！」陳國鈞同我地微笑完之後就「令」返轉面繼續踩單車！（重踩得好快添！）

係小學果陣，佢都算係我地班嘅「搞笑大王」黎嫁，上親咩堂都好啦，有左我地班男仔都會好好笑，好好玩∼總之，今日見到呢個「驚喜」就令到我今日都好緬懷以前嘅小學生活！

以前成日都好想時間過得快ｄ，可以快ｄ畢業！但點知ｅ＋畢左業之後又好想可以返返去以前果ｄ無憂無慮嘅日子∼都唔知呢ｄ係咩心態．．．不過我淨係知道我真係好掛住小學嘅生活呀！

　　唉，今日又要交通安全隊ｇｅ步操啦∼好累呀∼成身「散」哂啦．．．我由朝早９：４０到返到ｓｃｈｏｏｌ當值，到左１２：５０ｐｍ到就同左珍姐、思琪姐＆珊珊去左將軍澳中心ｇｅ「ｍ記」（麥當勞）食飯∼到左１：３６ｐｍ到我地就返左ｓｃｈｏｏｌ步操啦∼珊珊＆珍姐就係３：４０ｐｍ就走左∼（佢地要去電視城幫手做野！）得返我同思琪姐２個∼跟住就到左５：１０ｐｍ到我先返到屋企∼我本來係要去返尚德買飯食嫁，但點知又比珍姐「引誘」左我去食「ｍ記」∼唉，我本來淨係諗住用＄１１嫁咋，但最後都係用左＄２２．３∼唉，我就黎「破產」嫁啦∼成日想慳錢，但係又成日亂洗錢喎∼都唔知點算啦．．．

　　今晚係「慈善星輝仁濟夜」，我地班有好多人都可以入電視城幫手做野，又可以睇埋明星喎，我都有ｄ想去，但係今日步操步到咁累，我都唔係好想郁啦∼就算我有得去，我可能都會唔去嫁啦．．．但事實上我都冇得去．．． 都唔知呢ｄ算唔算好彩．．．

　　唉，聽日重要去圖書館做中史功課呀∼我想搵埋ｂｅｔｔｙ去，但我又唔知佢去唔去喎．．．又係一個煩人ｇｅ問題．．．唉．．．

　　總之今日就好累啦．．．好想ｓｌｅｅｐ＆沖涼呀．．．

唉，好慘呀∼今日９：３０ａｍ同左珍姐、糖姐＆芬姐去左清水灣，上小巴個陣聽到有３個男仔講野，好好笑！！！ 我地係清水灣個度不斷「行山」，不斷行山路，仲要係斜路＆樓梯！好高呀．．．亦好累．．．又曬喎．．．

後尾我地問左一個伯伯先知原來去東龍洲係要去「筲簊灣」搭船（我地想去東龍洲炮台！），嘩，我地即刻放棄左∼ 冇計，我地跟住搭返小巴返將軍澳中心「ｍ記」（麥當勞）「醫肚」∼（個時已經１２點幾ｐｍ啦∼）跟住我

地決定左去銅鑼灣天后廟∼但點知我地問左個車站職員先知原來銅鑼灣係冇天后廟嫁∼要去返天后先有天后廟嫁∼ 唉，我地足足「混左２個吉」啦．．．去到天后廟好似都已經成２點啦∼我地影完相就走∼唔，我仲發現左原

來銅鑼灣同天后好近嫁，真係好似「隔條街」嫁咋．．．去返天后地鐵站之前，我地去左「惠康」買ｄ野∼我買左 「益達曬駱駝_士多啤梨味香口膠」，珍姐買左支水，糖姐買左「益達曬駱駝_薄荷味香口膠」，芬姐就冇買∼

我地去比錢個陣，果個收銀員ｄ服務態度超衰＆冇禮貌呀∼跟住我地就搭地鐵返寶琳站！（我地要去圖書館∼）我同 珍姐就去左曬相，糖姐＆芬姐就去圖書館「ｂｏｏｋ電腦」∼（個陣都好似４點啦．．．）我同珍姐返左圖書

館之後先知今日係冇得「ｂｏｏｋ電腦」嫁∼都唔知點算．．．我地就係圖書館抖下＆借書∼之後搞到５點幾就各散 東西啦∼糖姐＆芬姐就返左屋企∼我同珍姐就去左攞相∼之後大約７點幾就返到屋企∼珍姐叫我今晚出去倒數

０６年∼其實我都有ｄ想去啦∼但呀媽＆呀哥都唔比出∼冇計∼我沖完涼之後都已經唔想出啦∼因為我真係好累呀∼ 唉，我唔講啦，我要去ｓｌｅｅｐ啦∼早抖∼（我都唔知同ｗｈｏ講．．．恐怖∼）HAPPY NEW YEAR∼

唉，呢排好悶呀∼日日都要趕住做功課，但ｄ功課好似做極都做唔完咁∼好悶呀．．．希望到左農曆新年個陣會好ｄ

啦．．．日日做功課做到想ｓｌｅｅｐ呀∼但係起碼有ｄｉｃｋｙ陪我∼因為我上網ｄｏｗｎ左ｄｉｃｋｙ套《齊天

大聖孫悟空》∼好好睇呀∼雖然我係睇完又睇，但我對ｄｉｃｋｙ　ｄ戲係「百看不厭」嫁∼^,^ 哈哈．．．

５，今日係學校ｇｅ聖誕聯歡會∼朝早最好睇ｇｅ表演一定係仁社男社長表演跳舞啦∼背景音樂就係ｔｗｉｎｓ　ｇｅ女人味∼嘩，估唔到我個社（仁社）男社長跳舞係咁勁嫁∼好ｇｏｏｄ呀∼但係返到課室開聖誕聯歡會都唔錯啦！楊景霖就唱古巨基ｄ歌，連馮ｓｉｒ＆鄭ｓｉｒ都「大開金口」唱歌∼勁！可惜ｍｉｓｓ鄭就唔肯唱．．．根住我、珍姐、糖姐、方小伴、羅麗芬、利詠珊＆一班老師、同學就去左坑口ｇｅ德澤樓探訪ｄ獨居老人∼感覺好新鮮！之後我同糖姐、珊珊就走先，我地行左好耐先返到尚德村．．．好累呀．．．

總結今日黎講呢，時間都過得好充實ｇｅ∼不過唔知ｗｈｙ，個心總係唔係咁舒服．．．唉．．．

今日，我同珍姐＆珊珊去左太古ｇｅ吉之島百貨睇聖誕卡！結果咩都冇買到就走左！（去太古「混吉」．．．）之後又返左黎尚德商場睇！去左「麗星」睇，睇完又揀，揀完又睇，「搞」左好耐．．．最後買左廿幾蚊，廿幾張（有ｄ係一ｓｅｔ，有ｄ係一張張！）返到屋企拆開左果一ｓｅｔ黎睇，原來係比人搵「笨」！因為入面有幾張（成５／６張）都係重覆左，有ｄ重係ｐｏｓｔｃａｒｄ添．．．搞到我好鬼嬲呀∼唉，比人搵「笨」ｇｅ滋味好難頂呀∼

我出街ｇｅ呢段時間入面，我見到好多小學同學呀！包括：王金趙、佘佳毅、陳振威、何敬豪、劉嘉康、許麗寶、黃崎倚等等！（排名係依據我見到佢地ｇｅ先後次序黎排嫁∼）見到尾個幾個女仔都話「還可以」啫，但見到頭個幾個男仔就真係唔多想囉．．．（我見到ｇｅ個幾個男仔，有幾個係睇我唔到嫁∼）

唉，我下星期一ｅｎｇｌｉｓｈ要默書呀，我ｅ＋重好似有ｄ感冒添．．．唉．．．好「黑仔」呀．．．

今日要上ｍｒ．「龜」堂＆ｐ．ｅ堂呀！好累呀！ 不過今日有得落去睇戲都幾好，上ｐ．ｅ堂果陣都有得打羽毛球，好開心呀！！！

唯一唔開心ｇｅ就係ｄｏ家政ｇｅ功課呀．．．好鬼煩呀！！！聽日又要對住個「死肥佬」上英文堂！唉，悶到嘔呀！ 唉，仲要對住ｄ男仔，煩到想死．．．都唔知幾時先調位．．．

好掛住ｄ小學同學呀！亦好期待１２月２２日呀，因為個日我約左ｄ小學同學去打羽毛球，好開心！

我唔講住咁多啦，８８６∼

唉．．．今日下午２：００返左ｓｃｈｏｏｌ呀，因為要步操呀！（交通安全隊）我步到成５：００幾先可以走！但我同珊珊（利詠珊）去左班房睇＆ｐｌａｙ∼後尾又去左ｐｌａｙ韆鞦∼好好玩！搞到成６：２０先返到ｈｏｍｅ．．．好鬼累呀．．．個膊頭好酸好痛呀∼

都唔知ｗｈｙ，Dicky隻碟都出左咁耐囉，但係我係「大眾」又搵唔到，係「影碟廊」（好似係．．．）都搵唔到呀！唉，天呀，您係唔係咁玩我呀？唉．．．

唉，ｅ＋上英文堂，個老師調左我同糖姐（唐燕玲）個位！調位都唔緊要，但係佢將我地調左去「佢」＆何文傑後面呀∼（我坐「佢」後面；糖姐坐何文傑後面）我真係好好好好唔想坐「佢」後面呀！「佢」好賤格呀！唉，我以後都唔知點面對「佢」啦．．．ｈｅｌｐ　ｍｅ，ｐｌｅａｓｅ！！！唉．．．．．．

唉！今日去旅行呀！好累呀！ 今年我去“烏溪沙青年渡假村”呀∼個度冇乜野好玩，但係我後尾去左海邊吹風！好舒服呀！舒服到我想ｓｌｅｅｐ！！！唉．．．今日我都幾唔開心嫁，係因為．．．算啦，講左出黎都冇用，都係唔講啦．．． 不過唔緊要，下個星期一，Dicky（張衛健，我最ｌｏｖｅ　ｇｅ偶像！ ）就出唱片啦！好興奮、好ｈａｐｐｙ呀！！！佢已經有３年幾冇出唱片嫁啦，ｓｏ我好期待呀∼ 唉，我唔講啦，８８６！

我偶像　張衛健Dicky　佢又有新歌啦，叫“工作狂”！好好聽嫁！

呀，重有呀，Dicky佢１２月５日出新唱片啦！我好想買呀！唉，要儲錢啦！無論點都好，我都一定一定一定一定要買到嫁！我係絕不放棄嫁！哈哈哈！！！ 因為我真係好“ｌｏｖｅ”Dicky嫁！！！哈∼^,^

今日呢，我就同我個舊同學去左圖書館借書！呀，好鬼凍呀！ 我聽日好唔得閒呀！我要做埋個ｃ．ｉ．ｔ

簡報呀！救命．．．

今日ｇｅ心情都幾差呀！今日考中外歷史呀，我有幾題唔識做呀．．． 　 　唉，下星期一要考ｉ．ｓ呀！我一定「肥佬」啦．．．

重有呀，今天差ｄ比人捉左落街呀！佢係我ｇｅ舊同學，係男仔黎嫁！佢打電話黎我屋企，想叫我陪佢去圖書館！但係我都冇陪佢去，一方面因為佢係男仔，我係女仔啦．．．；另一方面，我又驚我又見到「佢」呀！你地都知係邊個嫁啦！我好驚我又見到「佢」呀！就係因為以上果幾個原因，ｓｏ我比佢「鵝」足我１個幾鐘呀！唉．．． 我好慘呀！！！

救命呀！！！唉．．．

我今日好開心呀！我朝早返學果陣，見到２個好耐冇見的舊同學呀！係１男，１女呀！ 我呀，今日呀，為左１個男仔呀，冇食飯呀！嗱，你地唔好諗其他野呀，我同佢冇野嫁！ 只不過係我想去買ｄ野食果陣我見到佢係後面，我唔想見到佢呀！ｓｏ我就冇ｂｕｙ到．．．搞到我鬼咁肚餓．．． （唉，都唔知ｗｈｙ，我出親街都會見到佢．．．）但係呢，我都有ｄ開心嫁，因為我今日同１個好耐冇見的舊同學傾電話，我地傾左成個鐘呀！都幾ｈａｐｐｙ啦！

　 　 唉，我唔講住先啦！我要溫 呀！聽日考中外歷史呀．．．ｈｅｌｐ　

ｍｅ！