今日，陪左我好耐嘅「佢」，終於離開左我．．．大家唔好誤會，「佢」唔係我嘅男友ｏｒ其他人，「佢」係我由小學畢業留到ｅ＋嘅頭髮．．．

　　今日朝早１０點就返左學校補課，返到屋企都成１２點幾∼跟住係我諗住食飯嘅時候，ｂｅｔｔｙ嘅電話就殺到黎∼（講笑啫．．．）　佢約我去圖書館，我就話等我食埋飯先∼跟住我地２點半就去圖書館啦∼返到尚德都差唔多５點∼跟住我地就去左將軍澳廣場，佢話要去左漫畫店先∼ＳＯ就陪左佢去先∼係漫畫店度見左３本我未睇過嘅李牧童小說，好想睇．．．不過要＄１０先ｃａｎ借一本．．．我邊有＄３０咁多．．．！？就算有都唔會用黎借書．．．

　　跟住就去左剪頭髮，佢同我洗頭洗左３次，次次用唔同嘅洗頭水，都唔知做咩要洗咁多次．．．跟住洗完頭就叫我坐住先，點知一坐就坐左５分幾鐘．．．激死我．．．終於，有人黎幫我剪啦∼我覺得佢個樣有ｄ似林曉鋒．．．剪左一陣，就問我係咪天生ｄ頭髮就「曲曲地」，我就答佢唔係．．．跟住佢就幫我吹頭，點知佢又走左去，又得返我一個坐係度．．．佢返左黎之後，再幫我剪多一陣，終於搞掂∼佢突然又同我講，其實我ｄ頭髮係有ｄ「曲曲地」．．．之後去執好個樣同眼鏡就去俾錢∼＄５８，我覺得都唔算貴，ｏｋ啦∼剪得我覺得都幾好，短左ｄ又薄左ｄ∼ｄ頭髮係我由小學畢業留到ｅ＋嘅，對我黎講，好有意義，ｅ＋剪左，心入面覺得有ｄ唔捨得．．．跟住返左商場嘅富榮買左ｄ雪條就返左屋企∼

　　唔知點解，總係覺得今個禮拜過得好辛苦，功課又多，壓力好似係不知不覺間就加左係我身上∼可能因為下個星期五就開始考試啦掛．．．琴日又同呀媽鬧交，為左一ｄ事，佢覺得我唔啱，但我反而覺得佢唔啱在先∼佢講過嘅野冇一樣做得到∼明明應承左我一ｄ野，轉過頭就用一ｄ根本唔成理由嘅理由反口，好似好「大條道理」咁∼最唔鍾意ｄ咁嘅人，既然做唔到，咁做咩又要應承我？俾左個希望我，但係又收返．．．ｅ＋最想做嘅，就係做返一樣我鍾意做嘅事，輕鬆返，平衡返，如果唔係，我真係驚有一日我會痴線．．．

   　今日真係好開心，因為最後果堂去左禮堂睇「萬聖節時裝表演」，ｓｏ唔洗上ｄｒａｍａ堂∼哈哈∼而且，今日係冇功課做，返到屋企換完衫就上網∼（不過就無啦啦俾呀媽捉左去幫手執屋，執左差唔多成個鐘．．．）食飯果陣，又俾ｍｉｓｓ蕭點中我星期六去黃大仙．．．我唔想去呀，星期六我想去圖書館借書呀．．．唉，我諗我星期六都係要朝頭早去借書啦．．．

　　最近睇左一套台劇，叫《微笑Pasta》∼好好睇！！！係王心凌同張棟樑主演∼我覺得呢套劇好似《浪漫滿屋》，ｄ情節好似差唔多∼不過唔緊要，好睇就得啦∼由於最近睇呢套劇，搞到我ｅ＋好鍾意張棟樑呀．．．^_^不過呢套劇１１月４日就大結局啦，咁我就有排都見唔到張棟樑啦．．．遲ｄ可能睇返《天國的嫁衣》同《惡作劇之吻》∼我覺得應該都幾好睇∼

　　今日個「萬聖節時裝表演」，我覺得都唔錯∼最記得嘅，就係３ｄ班嘅表演∼佢（女仔）條裙好長，又白，唔知佢係用咩野黎整嫁呢．．．？佢個妝又白喎，真係有ｄ似．．．ｋａｍ　ｓｉｒ個ｌｏｏｋ最得∼佢穿住一件白色嘅袍（類似醫生袍果ｄ），個頭又戴住個假髮，睇落去真係好似「科學怪人」．．．哈哈哈．．．

今日就係陸運會嘅最後一日，比賽都進行得好激烈∼

　　我第一場比賽就係跳遠，試跳左２次都衰左．．．因為２次都踏界．．．之後就一路係咁睇人比賽∼唔知點解，今日好似有好多人都係跑步嘅比賽入面受傷或者跌親，仲要差唔多全部都係男仔．．．

　　之後就到左「三千米歡樂跑」嘅時候，我行左１個半圈（大概有６００米）就返左去看台啦∼見到ｄ人好好「氣」，跑足２０分鐘（學校限定左２０分鐘就要返上看台）∼重有ｄ人一路揸住一ｄ社或者係班嘅旗一路跑添．．．

　　食飯果陣，ｍａｙ姐盒飯不小心俾葉翠娟整跌左，ｓｏ佢就冇飯食∼不過後尾都食左少少零食∼

　　之後４點左右就開始閉幕禮同頒獎禮，今年嘅陸運會，仁社嘅成績麻麻，俾義、禮、智三個社搶哂ｄ風頭∼好采計埋暫時所有已經進行左嘅社「制」比賽入面，仁社排第二，俾義社「暫時」攞左第一∼不過唔緊要，重有２個學期可以追返ｄ分∼

　　不過原來成日「最精彩嘅事」係放左學之後先發生∼件事就係咁嘅：係我地搭巴士返尚德嘅途中，有幾個唔識嘅女學生，（好似）整「寫」左一個我地學校嘅女學生嘅杯麵，仲整到佢同佢隔離嘅同學嘅袋污糟左（俾個杯麵ｄ湯整）∼佢仲喊左出黎∼之後果個女仔（喊緊果個）隔離嘅「巴士呀叔」睇唔過眼，將果幾個搞事嘅女仔鬧左一餐，佢地同左喊緊果個女仔對歉，之後就用紙巾抹地下杯麵嘅湯，之後就到我地學校嘅領袖生「出場」，安慰好喊緊果個女仔同佢朋友，跟住就帶左佢地去後面坐∼之後（唔知ｗｈｙ），整喊人果幾個女學生（好似）內訌．．．

　　之後等呀等，等呀等，終於都返到黎尚德∼行都門口果陣，珍姐就叫我，我就望去後面，點知就俾我見到一個「類似」王金趙嘅「物體」．．．珍姐仲話，「王金趙」係咁望住我．．．！？真係夠哂「驚嚇」．．．

今日就係我學校嘅陸運會第一日，咁我就會一連兩日打日誌話俾大家知呢２日嘅陸運會嘅情況∼

　　 今日７點幾，我就同珍姐一齊搭車去到「鄧兆堅」（年年都係去呢度，真係冇ｄ新意∼）∼係我地等緊車嘅時候（７：３０ａｍ），我地就見到陳國鈞啦∼好耐都冇見過佢，佢同以前都冇咩改變∼原來佢係７：３０ａｍ先返學．．．

　  去到果度，差ｄ冇／搵唔到／位坐∼好采見到ｍａｙ姐，如果唔係我都唔知要企係果度幾耐．．．坐左一陣之後就要落去點名，點知點完名之後都見唔到糖姐同方小伴，仲以為佢地會唔黎∼好采佢地最後都趕得切點名∼

　　之後就返左上去睇比賽，一路睇，周公就一路急ｃａｌｌ我∼唉．．．一直係咁睇，睇，睇，睇到１２點幾先有飯食∼果時成個人都精神哂∼今年我諗仁社會贏唔到全年總冠軍，因為我覺得其他社今年嘅氣勢都好好，由其係義社∼

　　仁社今年個男社長好勁，手同腳都咁長，唔理係跨欄、跳遠，定跑步都咁勁∼係現場，我發現左好多搞笑野：今日咁熱，莊偉龍重戴帽，又穿褸，又戴太陽眼鏡，好似驚死會曬黑咁∼另外，我都發現ｄ人跑步果陣好「型」，一ｄ就一口氣跑到終點之後就成個訓左係地下，旭都唔旭；一ｄ跨欄嘅就跨跨下成個人跌左係地下「翻滾」左幾個身之後起身再跨過∼真係「型」都冇得再「型」∼

　　之後５點左右就走得，等埋珍姐就去搭車∼點知成架車迫滿哂學校ｄ人，搞到成架車好似變成左學校嘅校巴．．．我地成班人成程車就企係度，之後糖姐話想嘔，點知冇嘔到．．．（唔知佢係咪好唔舒服．．．）之後係商場行左一陣就返屋企啦∼

　　唔知點解，一路睇緊ｄ人跑步，我就一路諗返起以前小學六年級果陣嘅陸運會，諗起６ｄ班男仔（因為係六年級入面，最令我有深刻印象嘅係ｄ男仔同陳志華，廖ｓｉｒ鬥嘴果陣）跑步果陣∼一路諗緊以前嘅時候，心入面就有種唔捨得嘅感覺，始終，六年級果陣係我成個小學生涯過得最開心嘅一年∼如果你問我最想返去以前邊一年，我一定會答你：六年級果年∼因為果年過得最無憂無慮，最開心，亦都係最難忘嘅一年∼　

（因為冇乜新圖片，ｓｏ呢排嘅網誌可能會冇相∼）

　　返左學已經有成一個月啦∼ｅ＋就等我講下自己嘅一ｄ感受啦∼

　　係呢個９月，令到我感到最大壓力嘅，就係功課∼日日ｄ功課都多到好似做極都做唔哂嘅咁∼而且，我覺得每逢上英文堂、ｄｒａｍａ堂同數學堂，我都覺得好唔鍾意∼ｅ＋上數學堂果陣，呀ｓｉｒ講書都講得鬼死咁快∼我都仲未搞清楚一ｄ野，佢就已經講緊下一個課題啦∼我根本就跟唔上．．．上英文＆ｄｒａｍａ堂，我都覺得好悶，勁想訓覺．．．

　　講完一ｄ關於上堂嘅事之後，講下一ｄ課外活動啦∼今件就入左跆拳道同「交安」∼上左２堂跆拳道之後，我覺得都幾好玩，不過會唔會繼續參加，都仲係一個未知之數∼暫時黎講，我都幾鍾意玩跆拳道∼「交安」就唔洗講啦∼一句講哂：ｏｋ啦∼

　　跟住就講下其他野啦∼唔知點解，總係覺得以前比ｅ＋好∼以前嘅每一樣野，我都好鍾意∼包括六年級同中一∼每一樣野，都係我腦入面留低左好深好深嘅記憶∼同埋呢，呢排唔知做咩，好想中四果陣轉校∼雖然我知道，留係「王華湘」讀中四可能會係好ｄ，但我真係唔知點解好想好想離開∼「王華湘」俾我嘅壓力好大，大到我好想離開∼離開呢個環境，呼吸一下新鮮嘅空氣，就係我ｅ＋最大嘅心願∼

（仲有一樣野要講嘅，就係我遲ｄ可能會冇咁多時間打日記嫁啦∼可能一個星期一次，或者２個星期一次掛∼睇情況而定啦∼）

今日係正式上堂嘅第一日，不過我覺得就憑今日，就可以知道黎緊呢年嘅日子並唔會好過∼

　　今日上英文堂果陣，ｍｉｓｓ杜又要我地自我介紹∼我真係好討厭開學果頭幾日，因為個幾日通常都要自我介紹∼好彩嘅就企係個位度講，唔好彩嘅就要企出去一個人對住全班講∼第二堂上通識堂，ｍｉｓｓ蕭算係今年任教我地最好嘅老師∼大家咁熟，ｓｏ就唔洗講咁多廢話∼第三堂中史，我唔ｌｉｋｅ呢個新黎嘅ｍｉｓｓ陳，因為我覺得佢講野好悶，又對ｄ書嘅內容唔熟，成日都要睇返本書∼我都係覺得ｍｉｓｓ鄭教得好ｄ∼第四堂數學，之前我都講過，我唔鍾意呢個呀ｓｉｒ，ｓｏ我覺得佢教得麻麻地．．．最恐怖嘅係最後一堂嘅中文堂∼莊偉龍，真係好得人驚，佢話以後剪報評論要最少３５０字，作文最少４００字，閱讀報告最少５００字，重話下個禮拜一開始，每堂都要有２個同學出去匯報，２分鐘，每個學期都有∼我覺得呢個簡直係殘酷過「滿清十大酷刑」呀∼咁對於我呢個咁驚出去對住全班人講野嘅人，簡直就係奪命過「奪命狂呼」呀．．．死啦，我諗中文堂會我今年最難過嘅難關呀．．．好恐怖呀！！！

　　重要對住ｄ我唔ｌｉｋｅ嘅老師一年呀！咁捱過去呀？都唔知ｗｈｙ今年咁多新老師同埋本來係教其他級嘅老師教我地F.2∼有機會嘅話，我真係好想問下校長∼唉．．．．．．．．．．．．（除左一個「唉」字之外，我都唔知重有ｄ咩形容詞可以用黎形容我ｅ＋嘅心情．．．）　　

　　今日派左校曆表同上課時間表啦∼不過我睇完之後好唔開心∼因為中文係莊偉龍教，咁即係唔可以欠交佢ｄ功課同上堂要「醒定ｄ」啦．．．數學仲衰，係我好憎嘅陳耀光教∼我最唔鍾意嘅老師就有佢份∼講野「陰聲細氣」，成個女人咁∼唉，救命呀！其他科嘅老師都ｏｋ啦∼本來我想數學係馮ｓｉｒ教嫁，但我估佢今年應該唔會做太多班嘅科任老師，因為佢今年係１ｃ嘅班主任，應該會將ｄ時間放係ｄ一年級度∼

　　體育堂嘅時間我覺得安排得唔好∼因為ｅ＋體育堂係食飯前果堂，咁即係得５分幾鐘換衫，但我個課室係６樓，咁換衫嘅時間又少左好多．．．唉，星期五就係第一堂體育堂啦∼星期三又有我以前好鍾意（因為係馮ｓｉｒ教），但ｅ＋好討厭嘅數學堂啦，仲有我以前好討厭（因為係陳ｘｘ教），ｅ＋更加討厭嘅中文堂啦∼F.2嘅日子好難捱呀！果２個班主任我又唔係咁鍾意喎．．．唉．．．

　　之前返暑期補習班果陣個預感真係中左呀∼就係我估今年F.2嘅日子將會好好好難捱呀．．．咁算？？？？

　　　　　　　　　　　　　　　（因為琴日冇上到網，ｓｏ我係時間方面改左做２４號∼）

　　今日係ｂｅｔｔｙ生日，ｓｏ我就陪左佢去海洋公園玩當係慶祝佢生日∼我地食左早餐之後就搭地鐵去到金鐘，之後出到站要搭專巴先去到海洋公園，來回要＄２１．２，好貴．．．搭專巴搭左２０幾分鐘，算快，但好暈∼跟住我地就黎到一個叫「深灣」嘅地方∼俾我發現左一個好得意嘅野∼就係我發現係「深灣遊艇會」隔離嘅就係水警署，唔知係咪特登∼入到場之後我地就去到「山上機動城」玩∼（１０：２０ａｍ到）

　　首先我地就玩左２次「飛天鞦韆」，之前未玩過，ｓｏ第一次玩果陣有ｄ驚∼但個鞦韆飛到上面嘅時候真係好正，ｄ風吹過黎好涼，好舒服，唔高又唔驚∼好好ｆｅｅｌ！！！跟住就去左玩「摩天輪」，高高地，但有海風吹過黎，好舒服∼跟住就玩好恐怖嘅「海盜船」，我地坐中間但都好驚，由其係由高處衝落黎果陣，好驚，個心好似有ｄ「壓住壓住」咁∼之後睇到人地玩「過山車」同「跳樓機」，覺得如果有人玩呢ｄ果陣唔舒服，咁咪隨時「魂歸天國」囉？咁呢ｄ機動遊戲咪變左係「天國的階梯」囉？

　　之後１１：５０ａｍ到就去左食飯（ｍ記），買ｄ一盒麥香雞同一杯可樂，都用左＄２７，貴貴貴！！！食完飯就行下「海洋館」，見到ｄ魚超大條，好搞野∼之後１點幾就搭纜車去返山下玩ｇａｍｅ∼坐緊纜車果陣好舒服，好寧靜，淨係聽到ｄ機器聲，下面個海景超靚，大個之後買屋都希望可以買到間望到海嘅屋∼係山上玩左一陣就再搭纜車上返山∼我地排隊玩左一次「海盜船」同「飛天鞦韆」∼之後就再搭纜車返山下走∼返到屋企就６：１５ｐｍ，好累．．．

　　不過今日有２樣野令到我覺得好遺憾，就係：買唔到紀念品，因為ｄ野好貴呀！同埋３次搭纜車都係搭紅色車身嘅纜車，我好想搭紫色車身嘅纜車呀！！！不過今日都幾開心嘅，玩到好多機動遊戲同睇ｄ好靚嘅海景∼
　　

今日同左ｂｅｔｔｙ去左新都城買野∼（其實係佢陪我去買野∼）用左＄７４．６．．．

　　咁我地就搭地鐵去，行到去Crazy  Room就入左去，我就買左１個藍色嘅青蛙筆袋，用左＄３０，算平，又靚∼跟住我地上左去中華書局睇左一陣就落左去電器街∼行到去百佳，ｂｅｔｔｙ就「衝」左入去，原來佢見到有＄２件嘅散裝壽司賣∼最後我用左＄１６買左８件，ｂｅｔｔｙ就用＄１０買左５件∼佢就即買即食，我就拎左返屋企∼再行多一陣就去左３期，行左一間精品店（「OLALA」）就走左∼跟住我地就搭車返尚德∼

　　返到尚德，我地又去左「大眾」買熒光筆，我買左４支，＄２３．６∼跟住又去左「得寶」買野飲，我買左＄５嘅「雀巢蜂蜜柚子茶」∼幾好味，有ｄ似「柑桔檸檬」∼跟住我地就各自各返屋企ｌｕ∼

　　唉．．．會考上個禮拜放左榜，雖然就唔關我事，但關我呀哥事∼佢得１０分，呢排係咁打電話，又成日出去，搞到屋企得返我一個，悶死人．．．佢就報左「IVE」（職業訓練局果ｄ課程掛．．．），１６號就知結果，到時佢又有排煩啦∼唉．．．希望我遲ｄ考會考果陣會好ｄ啦．．．

　　今日又要返學，我７點幾就醒左，訓唔著∼８點幾就返左去學校，補課補到１２點到就走得∼行返屋企嘅時候突然記得要去買野，跟住又走返去商場買，買完返屋企果陣係大門口見到２個衰人－方增梁同吳港城，我估佢地都係啱啱去完蘇嘉棟屋企∼激死我，一日嘅好心情就咁就俾佢地破壞哂．．．真係「黑仔」．．．

　　咁樣嘅補習仲要維持多２日呀．．．真係煩、煩、煩呀！！！仲有一大疊暑期功課未做．．．真係好想好想可以返返去６年級果陣呀∼功課又少，上堂又好笑好玩，不過我都係知無可能嫁啦∼唯有希望快ｄ讀完中五跟住就出黎做野啦∼有機會我都想試下讀「IVE」，我睇到「IVE」有個課程都好似幾啱我∼
　　
　　唔講咁多啦∼下次先再打啦，好累呀．．．=_="　T_T　=_="

　　今日我就同ｂｅｔｔｙ去左荃灣愉景新城睇183  Club嘅簽唱會∼我就有７分開心，３分激氣∼

　　我地１２：５０ｐｍ開始搭地鐵，１：４０ｐｍ就去到∼都係同上次去青衣城一樣，用左＄５．１∼一入到愉景新城，淨係見到有好多人迫埋一齊，本來我地諗住去到果度都仲有好多位可以睇到183  Club，但點知．．．（我地實在係太低估左183  Club嘅「魅力」啦．．．）

　　跟住我地就落左去地下睇，結果終於都搵到一個算係ｏｋ嘅位，不過都係離舞台好遠，ｓｏ我個日記題目就叫：「遠」距離接觸183  Club簽唱會　啦∼跟住３點嘅時候，司儀就話183  Club大約１５分鐘後就到∼但唔知ｗｈｙ，後面個堆人係咁係度叫，唔知做咩．．．２０分鐘後（３：２０ｐｍ），183  Club終於都上到台上面啦∼但最令我激氣嘅事就發生左啦，就係企係前面嘅果ｄ人企高哂，又舉高哂ｄ　ｂａｎｎｅｒ，搞到我地後面果ｄ人勁唔ｈａｐｐｙ，叫佢地落返黎又唔采我地∼激死我！！！

　　我係好多人都企高哂，又有好多ｂａｎｎｅｒ阻住視線嘅情況下，用盡氣力咁企高．．．終於．．．我睇到明道佢地啦！！！果時嘅心情，簡直就開心過中六合彩呀！總之就係勁開心啦！！！佢地好有型呀∼183  Club入面，顏行書就冇黎到∼得返最受歡迎嘅明道同王紹偉（紹偉），唱歌最好聽嘅黃玉榮（玉榮）同祝釩剛（Jacky）有黎∼不過照我睇黎，明道就係全場最受歡迎嘅，紹偉就係全場最講得多野嘅，玉榮就係全場最冇聲出嘅，Jacky就諗唔到點形容佢∼

　　跟住我同ｂｅｔｔｙ影多幾張相之後就行過左去另一邊，個邊雖然就遠左ｄ，但都算冇太多人∼183  Club就唱左《完美情人》、《甜蜜約定》同《I'm so hot》∼好好聽，而且，我仲發現左一樣野，就係明道唱歌果陣係會同（佢嘅）左手邊嘅人揮手嫁∼好親切呀．．．！！！（仲係一路笑一路揮手嫁添∼）明道真係「電死」唔少人呀．．．∼跟住就開始抽人上台俾183  Club嘅人幫佢地戴「真愛介指」啦∼趁住司儀問緊ｄ「幸運兒」問題嘅時候，183  Club就入左後台休息！後來就有２個人「簡」左明道，１個人「簡」左紹偉，１個人「簡」左Jacky幫佢地戴介指，最後果個人就唔知「簡」左邊個∼（最後果個人好似冇上台）我就覺得佢地好好彩囉∼不過如果我咁好彩俾佢地抽中，我都唔會上台∼上到台又驚又怕醜，都唔知點算∼不過我都唔會咁好彩嫁啦∼戴完介指就又開始唱歌，呢個時候我就冇乜點留意到啦∼

　　５：１５ｐｍ我就同ｂｅｔｔｙ走啦∼因為果個時候都冇咩野睇，183  Club就簽緊名，冇咩好睇嘅，再影多張相就走啦∼返到尚德就６：１０ｐｍ到啦∼返到屋企就６：３０ｐｍ啦∼

　　琴日同左譚譚＆ｂｅｔｔｙ去左青衣城行街，好開心又好搞笑∼（因為唔想咁麻煩，ｓｏ我跟住落黎嘅日記都係用『今日』黎記錄∼）

　　１：４０ｐｍ到同左ｂｅｔｔｙ去ｔｋｏ地鐵站等譚譚，搵到佢之後就落左去月台搭地鐵去青衣∼（１：５０ｐｍ）我地就２：２５ｐｍ去到青衣站，本來我估呢程車都要用十幾蚊嫁啦，但點知淨係用左＄５．１，實在係．．．平！由青衣地鐵站一出去就係青衣城，好方便∼行左幾間精品店都俾ｄ售貨員望實，好似驚死我地會偷野咁．．．跟住我地再行多一陣就落左最低層嘅「ｍ記」，我就買左一個餐（＄２４．８），譚譚就買左一杯「意式新地芭菲」（＄１０）∼食完我地就返左去地鐵站，諗住搭地鐵去鑽石山嘅荷里活廣場影貼紙相∼點知我地搭左車，由青衣去左欣澳．．．（本來我地係去荔景），去到欣澳之後發現果度好靚，有海又有山∼咁我地用譚譚部手機影左幾張相∼跟住就搭返去荔景∼入車廂果陣發覺成個車廂冇乜人，好得意，之前都未試過搭地鐵果陣個車廂係冇咩人嘅∼咁我地又用譚譚嘅手機影左幾張相∼不過返到青衣站就唔可以玩啦，因為多左好多人∼

　　去到鑽石山地鐵站都已經５點幾啦∼影完貼紙相之後就攞左＄１去過膠，都幾靚∼再行多一陣就諗住搭地鐵走人，點知ｂｅｔｔｙ突然發現唔見左我借俾佢嘅書，但因為譚譚趕時間，ｓｏ佢就走先，我同ｂｅｔｔｙ就跑返去貼紙相鋪搵書∼好采都搵得返∼不過ｂｅｔｔｙ就話覺得好對譚譚唔住，因為要佢自己一個搭地鐵走．．．

　　跟住我地就返去ｔｋｏ，我地就去左街市∼（因為我要買魚∼）（７：１０ｐｍ）買完返到屋企都７：２０ｐｍ∼
　　
　　今日都玩得好ｈａｐｐｙ，希望下次再約出黎都係咁開心啦∼

　　今日１：３０ｐｍ同ｂｅｔｔｙ去左書展∼

　　大約２：２０ｐｍ到去到灣仔站，一出到去果陣勁熱，又要行多一段路！ｂｅｅｔｙ就去左附近嘅「ｍ記」買野食∼一路行就一路食∼我又一路「偷」佢ｄ薯條食∼好好味∼^_^

　　２：５０ｐｍ到入到「會展」嘅ｈａｌｌ2，睇下ｄ書∼去到其中一個攤位果陣，見到有好多ｄｉｃｋｙ嘅ｖｃｄ／ｄｖｄ買，搞到我好ｈａｐｐｙ∼再行多一陣之後就去返ｈａｌｌ1睇∼一入到去入面，就見到「博益出版社」個攤位，我地就衝入去睇下∼最後ｂｅｔｔｙ就買左一本赤川次郎嘅新書∼佢話聽日佢家姐都會同佢黎多次書展，佢家姐仲會幫佢買多一本書∼我就冇買到∼咪因為琴日嘅「大出血」囉．．．唉．．．我決定左出年嘅書展一定要買書！！！

　　４：２０ｐｍ到我地就走左∼因為個度太多人啦，又噪又逼∼都係走快ｄ好ｄ∼行多２０分鐘左右就行到返灣仔地鐵站∼搭地鐵返黎果陣超多人，不過返到北角地鐵站之後就好ｄ，冇咁多人，又有位坐∼

　　返到將軍澳地鐵站之後，我去左「美心」買左一個＄５嘅栗子飽食∼（好采我八達通仲有ｄ錢）幾好味，甜甜地∼跟住就返左屋企啦∼（５：３５ｐｍ）

今日１１：２０ａｍ補完習之後就返左屋企食飯＆睇電視，之後２：００ｐｍ就同ｂｅｔｔｙ去左旺角買衫∼

　　係今日返學補習果陣，發生左一件好奇怪嘅事∼就係係我地準備走嘅時候，珍姐突然大叫，之後成班人都開始大叫，又走出門口∼咁我就好好奇咁望向後面，跟住我就睇到芬姐（芬姐坐係我後面，珍姐坐芬姐右邊）後面突然爬出一隻昆蟲（因為唔知佢係咩，ｓｏ叫佢做「昆蟲」），咁我當然行前左一步，但我冇大叫∼（或者因為我係一個比較冷靜嘅星座 - 處女座掛）跟住珍姐就提芬姐後面有野，咁芬姐就一手將隻昆蟲撥左落地下，隻昆蟲係地下就爬黎爬去，我地就「拿拿林」走出班房∼不過有樣野我就唔知ｗｈｙ，ｗｈｙ無啦啦會有隻昆蟲係班房，仲會係芬姐後面？

　　去到旺角之後（３：１０ｐｍ左右），我地就入左「新之城」睇衫∼可能因為今日係星期五，ＳＯ冇咩人∼我地就行得好輕鬆，唔洗同人逼∼行上１樓之後冇幾耐，我就睇中左一條星星頸鏈，不過我唔識形容，如果唔係就可以形容俾你地睇∼條頸鏈就＄３８，都算幾平∼（又靚喎∼）果間舖頭仲有得賣《愛情魔髮師》嘅「Cherry髮夾」，本來我地都想睇下嫁，但點知佢話已經賣哂啦∼（激死我．．．）希望下次再黎旺角果陣可以睇到啦∼再行多一陣，我就係一間舖頭入面睇中左一件衫，要成＄４０∼本來我都諗住買嫁啦，但ｂｅｔｔｙ叫我睇又陣先買，我見有時間，咁就行多陣先∼上到２、３樓都冇咩野睇，ｂｅｔｔｙ就係２樓買左一包糖，睇見佢又心痛又想食個樣，我都唔知好嬲定好笑∼之後就係２樓一間舖頭見到ｄ衫幾靚，咁我地就入左去睇∼睇睇下果陣見到林敏鳴，就同佢ｓａｙ左一聲ｈｉ之後就冇理到啦∼之後我就睇中３件衫（其中一件係我之前係１樓果陣睇中嘅），１條褲，如果買哂佢，就要＄１６０，我果陣都唔夠＄＄，ｓｏ我就唔買之前睇中左嘅果件∼埋單要＄１３０呀！！！好貴呀，亦都好心痛呀．．．不過ｄ衫真係幾靚嘅．．．佢就送左一隻戒指俾我，話係買２件衫就送一件小飾物∼我就將隻戒指俾左ｂｅｔｔｙ∼（４：２０ｐｍ）

　　之後我地就搭地鐵返黎（５：１５ｐｍ），出地鐵站果陣，我地去左「７-１１」買聽日書展嘅入場券∼之後去左商場「大眾」睇一陣野∼ｂｅｔｔｙ就係「ｏｋ」買左一杯芒果布甸新地食∼係「大眾」門口仲見到一個小學同學 - 王金趙，見到佢果陣，唔知點解，ｂｅｔｔｙ簡直就想佢口入面嘅新地噴哂出黎．．．入到去睇多一陣又見到王金趙，咁我地就等佢走左我地先走∼之後就返左屋企試衫∼（５：４５ｐｍ）

　　我試哂ｄ衫之後，覺得最貴果件衫同果條褲，襯埋條頸鏈就最好∼（雖然條褲有ｄ緊．．．）我諗住聽日就著呢套衫去書展∼
　　
　　本來我帶左＄１７０幾去旺角，諗住應該有＄５０幾淨，但點知ｅ＋只係得＄２個幾∼ｅ＋終於知咩叫「大出血」啦．．．唉，好慘呀，冇＄＄啦．．．ｗｈｏ　ｃａｎ　ｈｅｌｐ　ｍｅ？

      今日好多野做，９：００ａｍ－１１：００ａｍ要返學補數學，跟住４：００ｐｍ－５：００ｐｍ又要返黎補英文．．．煩死我啦．．．（仲要咁夜都上網打埋呢篇日記佢，琴晚又ｓｌｅｅｐ唔著，好累呀．．．）

　　我今日全日都係自己一個人返黎，一路上感覺到嘅野，除左悶之外，都仲係悶．．．

　　終於都等到放人嘅時候啦，我就同珍姐、糖姐、珊珊落左小食部果度睇分班嘅結果∼果陣好奇怪，我果陣諗緊嘅，竟然唔係我入左邊班呀？有冇ｆｄ同一班呀？咁嘅野∼就連珍姐同我講我同佢一班嘅時候，我都冇咩反應∼我果陣，諗嘅，反而就只係關心「一個人」嘅分班結果∼（至於果「一個人」係邊個，我係一定唔會講，因為我知講同唔講，其實都冇咩分別∼）

　　直到我終於都睇到果「一個人」嘅名嘅時候，心入面，竟然有一種失落∼原因係咩，我亦都冇咩必要要講∼反正一ｄ都唔重要∼我果陣唯一嘅感覺，就只係覺得升上中二之後，上堂果陣一定會好悶，更何況，係我果一班嘅人，最起碼有１／３嘅人我係唔識嘅∼唔好話上堂果陣會悶啦，就連我嘅中二生活都一定會過得好無聊，好冇樂趣啦．．．唉．．．

　　都係唔講啦，講咁多做咩吖，都冇用啦．．．都係算啦．．．唉．．．

　　係講今日賣書單野之前，講ｄ琴日嘅事先∼

　　琴日下午我第三次自己整野食呀∼今次就係整馬蹄糕啦∼成個過程都幾順利嫁∼點知第一次蒸完出黎之後發覺唔熟，咁我就再蒸多幾次，之後好唔容易終於等到底個層熟∼呀媽返黎之後一睇，終於知道左蒸左咁多次都唔熟嘅原因係咩，就係太「希」啦∼倒左一ｄ之後再蒸多一陣就熄火，我就試左一ｄ，發現都幾好味∼之後呀哥食完仲話好好味添．．．（佢簡直就想食多ｄ．．．）呀媽食完都話唔錯∼之後我就等到老豆返黎叫佢試下，點知佢睇左一眼之後就話唔係幾好睇啵（=_="），佢食完就話幾好味道，算係咁啦∼我諗今次整得都唔算太差啦，雖然個樣麻麻，但係勝在「唔好睇但好食」吖∼（^,^）
　　
　　今日我就１：３０ｐｍ去左同糖姐＆珍姐去左明德商場一間叫「大中」嘅書店度賣書，我就賣到＄７０，糖姐賣到＄９０，珍姐就一本都賣唔出（好慘）∼之後我地就返左東港城睇左一陣  ，珍姐就話要去吉之島買淡奶，買完就去左安寧花園一間叫「啟泰」嘅書店度睇下可唔可以再賣埋其他仲未賣得出嘅書∼點知都係賣唔出，佢地話ｄ書今年改左版，ｓｏ唔要∼（激死我）　　　
　　
　　之後我地就搭地鐵返黎，返屋企之前仲買左２包紙包野飲∼

　　好累呀．．．　　

　　（俾大家睇下一樣野，http://img.igogo8.com/igoogle8/showimg/0/17/%E2%98%86%E6%B5%81%E6%98%9F%E5%82%B3%E8%AA%AA%E2%98%86.gif）

　　今日派左成績表，有ｄ進步又有ｄ退步，整體黎講都比上次嘅成績有ｄ進步啦∼都算係咁啦，自己都滿意啦∼

　　不過今日第一次體驗到一樣野，就係第一次覺得個結業禮係唔屬於自己嘅∼點解我咁講呢？就係因為今日成日都冇入過禮堂度進行結業禮∼冇計啦，自己係制服團隊嘅成員，要當值吖嗎∼

    　由８：４５ａｍ（差唔多）就開始去大門當值，當到９：１０ａｍ（差唔多）∼果度又熱又曬，簡直就係攞命呀．．．之後洪彩明就帶左全部交安女仔上左禮堂門口站，因為多左我出黎，ｓｏ我就要去左紅十字會果邊站，負責俾名牌ｄ老師戴∼等到ｄ嘉賓入哂場，就可以走得∼跟住我地成班人就俾黃維列老師帶左入會議室入面涼冷氣∼好爽．．．期間有人叫我地去４１３室，不過我地都冇人去∼之後就同左思琪姐＆家宜上返課室拎錢去買野飲∼順便幫沙玲買埋∼

   　 再係會議室坐到１１點幾就出返去走廊等個結業禮完，完左之後就上返班房等班主任派成績表，派完就走得啦∼跟住聽日就要返去註冊＆訂書∼

　聽日就派成績表啦，唔知自己有冇退步到呀．．．希望今次ｄ操行分可以冇咁難睇啦．．．

　　但係要到１３號返黎註冊先知自己入到咩班，希望可以同一ｄ朋友一班啦，最好就唔好有一ｄ我憎嘅人同我一班∼不過我諗都係冇咩可能嫁啦，都係算數啦∼

　　啱啱家宜打左個電話黎，佢話昭儀唔知係邊度搵到我個網上日記，問我有冇打ｄ咩「打老師」嘅野落日記度，但我都好耐冇打過日記嫁啦∼如果問我有冇打過一篇係關於「老師」嘅日記，咁我會答你「有」∼就係關於之前上中文堂果陣果ｄ野∼如果咁都俾老師睇到而罰我嘅，咁我就冇野好講啦∼我都只不過係將我係果日發生過嘅事、我嘅感受打落我嘅網上日記度啫，我又冇人身攻擊，又冇講粗口，點解咁都要罰我？我又冇犯法，唔通打自己對果個老師嘅感覺落自己嘅私人網上日記度都有罪？如果係咁都有罪嘅，咁我會好唔服氣．．．

　　琴日鄭ｓｉｒ返左黎同我地班開ｐａｒｔｙ，佢好似都冇咩點變到，但唯一變到嘅，就係我覺得佢好似「大隻左」∼唔知係咪因為太耐冇見到佢，所以有ｄ「錯覺」．．．佢話因為有屋企人係美國病左，又要照顧佢，所以咁耐都冇返黎教我地∼希望佢果個屋企人快ｄ好返，唔洗鄭ｓｉｒ咁擔心啦∼

　　好啦，今日就打住咁多先，遲ｄ先再打過啦∼

今日係我第二次整芒果布甸，整得好味過上次∼算係有ｄ進步啦∼

　　上次整得唔係幾好味嘅原因，我諗係因為：第一：ｄ魚膠粉落得太多（因為驚太少會凝固唔到．．．），搞到成個布甸都有硬硬地嘅感覺；第二：ｄ淡奶可能落得太多，，整左出黎之後有好重淡奶嘅味；第三：個食譜話要加ｄ蛋白泡沫落去，點知我搞唔「雲」ｄ材料，ｄ蛋白泡沫就係哂個布甸上面，唔好睇又唔好食；第四：可能落得太少糖，搞到個布甸好淡，唔甜，冇咩味∼不過唯一值得自己讚自己嘅地方就係揀芒果揀得唔錯，個樣好靚，又大又甜∼

　　今次整布甸果陣，我都比上次改善左好多野∼１：今次我落少左魚膠粉，成個布甸都冇咁硬；２：ｄ淡奶我都落少左，冇咁重淡奶嘅味；３：今次我冇加蛋白泡沫落去，成個布甸都靚哂，個表面都平滑哂（其實我都唔知做咩要加ｄ蛋白泡沫落去．．．）；４：今次落多左糖，甜左又好味左∼不過唯一我覺得唔係做得幾好嘅地方就係今次ｄ芒果唔係幾靚，好貴，不過都好甜∼（上次買左１５蚊３個，今次就買左１８蚊３個，貴左３蚊）呀，重有一樣野係上次冇今次有嘅，就係我加左ｄ椰果落去，口感都幾好∼

　　好啦，講完芒果布甸之後，就講下其他啦∼今次考試，我都覺得自己好似都冇俾過心機落去溫書∼或者係我都唔知應該同可以溫ｄ咩掛∼不過聽日就一定要溫書啦∼因為星期二考「中史」，唔溫書我就一定唔合格嫁啦．．．上個禮拜五考「通識」，不過我諗今次都唔合格嫁啦∼因為我又未做完，又唔係咁識做．．．唉，三個學期「通識」都唔合格，真係好慘呀．．．

　　呢排又聽左一首好好聽嘅歌∼叫《找我》，係「梁漢文」唱嘅∼呢首歌係根據一本書其中一個故事黎創作嘅，就係Wasabi嘅《只能談情　不能說愛》 - 《請不要愛我》∼唔止呢首歌好聽，連呢本書、呢個故事都好正，好好睇∼如果有機會，你地都睇下呢本書、呢個故事，同聽下呢首歌啦∼

    好啦，唔打啦，部電腦都開左好耐嫁啦，要「識」機啦∼８８６∼

　　呢首歌係我睇《愛情魔戒》果陣聽到嫁，係由一個叫Corrinne  May嘅美國女歌手唱嫁∼首歌嘅內容係講一個女仔離鄉背井去到一個陌生嘅城市做野，好掛住佢嘅屋企人∼每當佢睇到個月亮嘅時候都會諗起佢以前同屋企人一齊睇月亮嘅日子。

　　呢首歌好有意思嫁∼叫做Same side of the moon，中文解釋就係月亮的同一邊∼你地有興趣都可以ｄｏｗｎ黎聽下∼真係好好聽嫁∼　

　　歌詞：I'm looking out the window
Where we sat to watch the stars
There's a chill within the air
It makes my heart long for your touch
You may be miles away
But as I kneel to pray
I see the same side of the moon
That we'll be looking on
when the world turns blue
And know that time and space
can't come between me and you
We share the same side of the moon
And though you'll never see all the tears shine through
I know I can't be that far from you
If we're both looking on the same side of the moon
I picture you across the ocean
In your corner of the world
I pray the wind will blow my voice
And gently whisper in your ear
Your night may be my day
And though the seasons change
It's still the same side of the moon
That we'll be looking on
when the world turns blue
And know that time and space
can't come between me and you
We share the same side of the moon
And though you'll never see all the tears shine through
I know I can't be that far from you
If we're both looking on the same side of the moon
I know I can't be that far from you
If we're both looking on the same side of the moon

我看著窗外
在我們從前坐著看星星的位置
空氣裡充滿寒意
讓我的心想起你的碰觸
你可能已經離我好遠好遠
但我還是為你祈禱
我看著月亮的同一邊
當世界改變時我倆都會同樣地注視
我知道我倆在不同的時空裡
但我們仍分享著同樣的月亮
雖然你再也看不見我流淚

我看著月亮的同一邊
當世界改變時我倆都會同樣地注視
明白時間和空間無法介入我們之間
我們仍分享著月亮的同一邊
雖然你再也看不見我流淚
我知道我再也無法與你接近
但我們仍然看著月亮的同一邊

我描繪著你跨越海洋
在屬於你的世界的一個角落
我希望風能夠傳遞我的聲音
在你耳邊溫柔的呢喃著
你的夜晚也許是我的白天
雖然季節改變

仍然是在月亮的同一邊
當世界改變時我倆都會同樣地注視
明白時間和空間無法介入我們之間
我們仍分享著月亮的同一邊
雖然你再也看不見我流淚

我知道我再也無法與你接近
但我們仍然看著月亮的同一邊
我知道我再也無法與你接近
但我們仍然看著月亮的同一邊