呢個禮拜，我覺得過得都ｏｋ∼

但係就開始有ｄ緊張，因為下個星期二就係跨科嘅第一日∼

諗起上年第一年做跨科，真係有ｄ覺得無奈∼

因為上年第一年入黎讀，「唔知頭唔知路」，做乜都係傻下傻下咁∼

不過就真係過得好開心∼

但今年開始，無數嘅功課、測驗、口試好似排山倒海咁湧過黎∼

壓力係無形之中就加左係自己身上∼

唔知咁樣係咪預告左俾我地知，下年嘅生活將會比今年更辛苦！？

不過無論下年嘅日子會係點，我都要開始適應∼

期待下年暑假，可以同ｄ　ｆｒｉｅｎｄ一齊去度假村玩∼

算係彌補返六年級果年嘅遺憾∼

返埋下個禮拜同下下個星期１至３，就可以放新年假啦∼

但係通識仲要返去補課．．．

唉．．．．．．

越黎越覺得，有ｄ野過左去就永遠冇得追返∼

原來有ｄ野，係會隨住時間而消失得無影無蹤∼

就好似快樂嘅時光咁，只要一過左去，就冇辦法再追返∼

所以我地更加要學識珍惜∼