今日好悶呀...今朝去左利宛日式茶餐廳食拉麵...好味...

跟住分別去左百街同萬寧買野~~

返屋企途中...見到張子希踩單車...個樣有d唔開心...

佢好似見唔到我...咁都好~~

今日一d特別ge事都冇發生~~

返到屋企做功課...玩電腦...有件開心事...

就係我已經做曬d功課lu(其實根本冇咩功課)~~

今日本來好悶架...玩下電腦...上下網~~

兩點幾ge時候...我做緊功課ge時候...有人打電話黎...

係子欣呀!! 我有d驚訝點解嚴子會打黎~~

原來...本來嚴子今日做project ge...點知俾人放plane...

打電話俾我...睇我得唔得閒...倍下佢~~

既然我都幾悶...又係好朋友...唔幫唔係人...哈哈~~

我地去左大埔中心行街...扭左個比卡超扭蛋機...

係雪拉比黎架...如願以償~~

子欣買左一本髮型書...佢都如願以償~~

我地仲去左冒險樂園玩左一陣...好開心~~

今日係我地恩主教書院ge第一屆舞蹈比賽...

今日...我發現一樣野...就係陳仲青同鄭文俊好乞人憎~~

咁陳仲青同鄭文俊坐係我正前面...子欣坐我地前幾行...

我地之間o個幾行冇人坐...我可以話一眼就見到子欣~~

咁我同子欣就做口型頃計...佢地兩個就特登庶住曬...好乞人憎~~

比賽lu...我地跳得好鬼差呀...我又緊張...又唔記得拍子~~

其他班不知跳得幾靚...我覺得我地ge功夫好似白費曬~~

2E,2D雙亞軍...1C冠軍...

不過...我地d啦啦隊都有啦啦隊獎...但係都唔關我地跳舞ge事...

好似只係"滔"啦啦隊光...早知做啦啦隊算啦~~

ms chu & ms chung 都請我地食珍寶珠...好開心~~

聽日放假lu...ke...ke~~