我真係冇想像過搞去美國簽證都要搞左我成日，朝早9點鐘起身，跟住入去個美國領事館，首先要我交180美金俾吽A咁得就要搞e-bankingd 野，因為要用visa 過數，打左去銀行幾次問點樣整，之後我又唔明跟住要點搞，又打番去學校問，原來我仲要去大新銀行又要交成千幾蚊，交完又要去影相，要半打相同兩隻碟，咁就冇左70蚊，都唔知點解美國咁鬼巴閉，收咁鬼多錢!!! 

之後我又要上網填份 form，lee份真係堅野黎，冇諗過竟然填左4個鐘，真係好鬼煩呀，咩都要問，問下你除左讀小學之外仲讀過咩，即係要我寫哂兩間中學落去啦，仲唔只係寫果名，係要連電話地址幾時畢業都要，仲煩過去揾工，跟住又問你有冇同恐怖份子接觸過......無聊的問題，就算有都不會講俾你聽。份form有時間限制，時限20分鐘，唔掂的話就要重新填過，我唔知點解做果陣時種感覺好有考試feel

不過到最後，我終於睇通了，當左佢係一份問卷做，真係好鬼煩煩煩呀!!!!!

美國咁就霸左我一日既時間....美國霸權

今日都幾開心，因為最後要考果科BCH考試今日都搞掂埋，今次考完之後的感覺較上次考SA2104好好多，因為今次都算係出盡全力，用 A-Level既讀書態度去應付，所以知道自己係出哂力，就算係考出黎果成績唔太好，都總算有了個交代吧了。跟住考完試之後去左打bowling，好耐未試過啦，而且有次過100，真係不錯，下次要再去玩!!!

今天總算放下了心頭大石，連我最初有d想做的事，突然間都不想做，只想可以自己休息一下，其實已經很滿足了.....

今早突然心血來潮，用了所有時間去回顧以前所寫下的日記，突然覺得以前的自己和現在的我有很大的分別........當時的我會為了一些芝麻小事而會動了真氣，在考試前會極度緊張，不知所措，以致失去了很多嘗試新經驗的機會，又看見以前的我，真係....不可以話不成熟既，而係真是有點太細路仔，(可能而家都係)，不太懂得去思考，認識自己.......睇番以前自己所寫下的東西，真係有衝動想刪哂去......

不過當我再諗真d果陣時，其實以前的事無論是好與壞，其實都是美的，品嚐自己的歷史比讀其他人和國家的更加有感染力，體驗到自己的學習歷程，是一件幾幸福的事:

因為當自己每一次對著自己的日記傻笑時，其實已經確定了自己又再進了多一步。 不"笑"則退! haha

大提琴唔係我想像之中咁容易學，就算有鋼琴底都好難學得好...

姿勢力度一定要岩哂先至可以出到個音，真係搞到我有d失望，因為學左咁耐，我都仲未掌握到點樣先至係岩既拉法，連個音都唔岩，

今日仲拉到我隻手無哂力，食薯條陣時，連包茄汁都開唔到呀!