彈了這麼多年鋼琴，講真的: 真係幾悶，同埋已經唔可以再怎樣發洩自己既心情。 學了兩個月的大提琴真係令我重拾對音樂的興趣，而且音色沉穩。

真是正如我一個最好朋友講: 大提琴就好似男人咁，有d野係唔會講出黎，有野發生都扮到冇野，很多野都會收收埋埋咁......去用音樂表達出佢既情感， 今日去練大提琴，當我拉果陣時的時候，唔知點解這種特別的感覺來得如此強烈..........

當我右手把弓拉個低音C時，弦線的急燥彈跳卻變化成沉重的音色，低沉的聲線令成個大提琴震得很厲害，震到連我胸口都感受得到，徹徹底底觸動人心......

今日的星期二檔案講的是末代會考，拎10~13分的人可能是最尷尬的一羣，因為上唔到中六，repeat 又係廢，轉讀新高中二又讀少人地1年，真係幾為難......當佢講到10~13分時，突然令我回想自己個會考成績: 如果我係今年會考生，咁就好大穫.........今年的會考生確實承受了更大的壓力

今日再一次體現到香港係咁細的......我今日係ELC印完IELTS Execrise之後，係門口竟然出現了一件十分熟悉的columbia 橙色褸，當初我都不太留意，但佢係朝著我行緊過黎，原來係羅sir 石內卜呀(FORM 6 班主任)，真係極度驚訝，估唔到係CITYU都會見到佢。我同佢吹左一陣水，佢第一句就問我係唔係黎左LEE度讀ASSO，佢真係講錯野，成日得罪人，不過我算，咁耐冇見，不計較啦。

之後，我真係覺得佢講D野真係好廢，佢問我而家讀緊咩科，我答佢讀緊環保，跟住佢諗都唔諗就問我: 你係唔係想係環保LEE方面發展呢......? 我笑左...真係想問佢唔通唔係咩?

跟住佢仲問我UE拎咩GRADE，我同佢講E，之後又無理到我答咩，就再問我FORM 7係邊個教UE，佢簡直明知故問，之後佢同我講佢知道邊個，而且仲知佢請左好耐病假......之後佢對我講: 好彩我有係FORM 6教你地D skills，你先合格度咋........

完全唔想再理佢，同佢講有堂走先......

今日嘗試了入大學第一次interview 的滋味，感覺到有些緊張。但是卻真的學到很多東西，而且亦都大開眼界。 Interview 過程一般，沒有什麼太過特別，自己亦不是太勇於發言，不過我認為是一個很好的學習過程.......因為我不會是最差果個。

我in 的這個programme是關於english的，到最後interview part 係問一下在座咁多位對這個interview有什麼opinion，有條友仔竟然咁膽講左d唔經大腦既野，佢話今次這個programme根本就不需要有interview，這是不需要和不重要的，可能他想希望能夠給interviewer一個果敢的印象，可惜卻冇諗到自己的一番言論係胡說八道，一派胡言......這位人兄真是不知道為何能夠上到大學!!

有機跑.....上莊留下的活動，真是很麻煩的，整個過程令我明白到hea 人係可以咁hea，覺得佢已經落左莊就唔駛再搞，要我幫佢執手尾。去拎衫約人所有都係我搞，而且佢俾果份參加者list...竟然冇佢地既contact method，都唔知佢地俾人報名陣時搞緊d咩!

跟住同左個friend入馬場，人生的第一次，見識不少，人性表露無遺

1.輸左馬係kfc度鬧人地打尖，但......根本果個女人就冇打......

2.賽馬時，d人不約而同地齊心協力講粗口，好似有人暗暗地講1,2,3 :'' xyz呀!!!"

3.有位人兄唔知係唔係長期輸得太多，男人，但係一把好似人地唱粵曲果隻聲講:''笫8場好野!''.......賭到有神經病

4.自己買左4號果隻馬，跟住d馬出場時，佢對住1號呀 2號呀......對住逐隻d馬係度講:'' 1號， 你x 街啦'' ''2號, 你xyz'' ''3號......''........

5.馬場係禁煙的，但我係連係馬場站月台都聞到煙味

..........

到底馬場係一個咩地方，我果陣時係突然間覺得去左大陸旅行lor

再者，當我回望看台時，10蚊飛果度的露天位污煙障氣的時候，再望上d坐係玻璃窗入面d 人係度上緊網，享受緊杯咖啡，唔知點解覺得係度反映緊一個社會問題: 貧富懸殊