上ELC Spoken Language，知道原來大學都有d騎呢人，講野大聲冇禮貌，同佢講左幾句，佢就會扯到佢自己既問題，為人過份緊張，其實我覺得佢初頭冇野，點知今日miss 教點樣用電腦submit 野時，我發覺佢有d病，當電腦down 完野之後既聲，條友好似冇聽過咁，聽到之後佢好鬼驚，跟住仲要係個位入面耍太極拳(攬着尾果招)自衛，

tutor download左 4次，佢耍左4次，我O左4次，笑足4次.......

琴日同同學係canteen食lunch，終於明白mainland 唔單只會講 carbon dioxode da，而係佢地d生活方式真係難以理解，下午1-2點的時間, canteen 內有勁多人, 因為有畢業典禮, 要搵好耐位先至有得坐，正當我剛剛找到位子坐下時，看見一個着了很多衫的mainland ，竟然冇着鞋, 赤腳在我身邊經過去，仲要係成隻乞衣腳......我實在對不起自己碟頹飯, 因為我確實吃不下去......

不得不承認, 我對部份mainland 的生活方式, 文化實在存在一些歧視

今日係陳sir的結婚大日子，我當然會出席la。1245係大埔美心快餐同manfung食飯，再等埋阿b之後就出去tst，第一個地方就係去阿b間公司度，係harbour city的寫字樓"英國保誠"，上到去第一個感覺就係pro，之後就過去文化中心同陳sir影相。

跟住就同manfung&阿b到一間日本式的快餐tea，阿b除左同我講一d保險的東西之外(有少少sell的性質)，同我講左一d幾有智慧的theory，例如佢講左 人就係一盤生意，而 生意 就有三個解法: 1.生命 2.生存 3.生活，即 1.保住自己的生命，保衛自己  2.適應社會，要有目標  3.講求生活質素 。 lee個就係做人的指導.....另外的是，我覺得他很值得我學習，因為佢可以有很遠的眼光，eg佢看到保險業的潛力，係香港都幾好，因為保險的對象係d高學歷人士如生意人等，因為他們會明白保險的用處，容易明白其他人的意見和採納其concept，而且現在334學制會令d人教育水平提升，因此而家做保險係好時機，因為未太成熟，機會較多，通常最成功的人士都係有洞息先機的想法，如蓋池invent windows(computer)，令佢成功，食煙人士一定識萬寶露等等的例子，阿b真係令我佩服，因為佢俾我的感覺係識好多野同識吹水，講咩話題都得，諗野同說服人地又掂，即識得用好多的有力的例子，真係好鬼勁呀!!!!!!!佢仲話唔好同d冇dream的人做朋友，因為會令到自己都變埋同佢地一樣，...........555好似講緊我咁tim ^^，...........................無論如何，佢講d野我真係幾buy，佢令我思考到要計劃未來eg財務計劃，咁我而家點解仲唔去認認真真溫埋剩番果三個月書，仲係到卦住睇one piece，做埋諗埋d毫無建設性的東西，真係冇機入大學!!!!!!

今日係學校旅行的大日子，雖然沒有預算有幾好玩，但係響朝早陣時已經發生一件我意想不到的事。.....早上我同漢一起去百佳買碳，之後係火車站撞到同班的女仔，跟住就一齊行。

點知係架火車差唔多到大埔墟陣時 有個女人無端端問我地係唔係去燒野食，佢冇等我同漢回答陣時又對我地講:「哥哥，你地燒野食玩得開心D呀!!!!」我地兩個即係呆哂，而隔離班女仔見到之後笑到佢地死，果個女人見到佢地笑之後，又講:「姐姐，你地都玩得開心D下!!」......我即刻打冷震囉，火車即將打開門陣，我即刻同佢講BYEBYE，漢都有，跟住條友仲KAI到大大聲係火車度講:「你地兩位哥哥好靚仔呀............」頂佢......條友勁弱智!!!!!!!!!!!俾班女仔笑到咩面子都冇!!!!  ~~~撞邪!

繼琴日同漢一起係lunchtime踩單車去大中吉野家食

今日便諗住自己踩去科學園鬆下，點知係廣福對面又撞到漢，跟住一齊踩去。佢部單車真係好細部，坐上去踩果陣時完全唔駛用力，勁舒服......唯一唔好就係同我果部距離好遠，快過佢勁多....容許我打一個比喻，就係一架綿羊仔同一部寳馬的分別....哈哈!!