回校  -  7:00同威行番學校...7:20都到左~坐一陣...傾下計先開門!!!

收功課  -  le個小息都唔係小息黎既...我連洗手間都去唔到~一小息d數學家課係咁放係我枱面...問題係好多本都有問題~對到我傻...最衰既係小息預備鐘響左先有十幾本一齊黎~我跟本就點唔到數向梁sir匯報...世史堂我繼續對簿~竟然上左堂一個字仲有簿黎...佢地係咪想欠交呢= ="對左世史堂半個鐘先搞掂...之後上十五分鐘世史堂= =

午餐  -  我同威去街市...佢買粥我買麵包~去公園食...食完番學校換衫~換完衫出更衣室竟然有幾個F.2係度等我= ="跟住拎數學家課比梁sir...點知又唔係度~睇左d人打波睇左十幾分鐘梁sir先番黎...同佢交代完d野就上番班房~個午息已經完結喇!!!不過都無抵既...我小息無搵佢/○\

拔尖  -  放學因為英文做得唔好所以要去205室拔尖...金都黎左學野~因為我平時無聽書...所以我覺得學左好多新野= ="搞到4:45就放人=]

關係  -  因為我同金都無野做...所以諗住等埋排球隊放先走~所以去左打排球...打左一陣見到KKT佢地打籃球~問佢籃球練波佢點解可以打...佢話係靠關係= =打一場排球隊放左...成個場都係少年警訊既=]

BBQ  -  因為佢地無人打籃球...所以我地打多場~跟住李卓都黎左...一齊打~打打下竟然siumanMandy話我地可以一齊BBQ...佢地d團員唔介意~入去飲左杯野食左d乾糧...跟住繼續打~打打下我地都發覺有得免費BBQ梗係入去食個飽佢啦...所以入左去食乾糧~跟住係度玩同吹水...Mandy叫我地入少年警訊~所以我同李都入...因為佢每次活動都唔定時=]之後去左打排球...打完番去清場!!我地一路清場一路玩水...最後話邊個無濕既都要整濕佢~當然果個受害者係我啦...玩完我見到siuman無濕到~所以狂射佢...咁就濕哂=]

回家  -  清完場因為Mandy話要等裙乾先可以番屋企...所以我地都去左對面果個公園陪佢等裙乾~一開頭係度唱歌...之後Mandy同濱濱發生左d事~都係搞到我...希望佢地無事啦!!!玩到10:30就走...一齊送Mandy番屋企~跟住送siuman同李番屋企...之後我同金行番屋企~因為我既時間唔許可...所以金都要陪我急步行番去~唔該哂...去到我屋企樓下我同佢企係度傾左幾分鐘之後就番屋企!!!

家中  -  番到去沖涼整野食...都搞到11:45~跟住一路食野一路打日記!!!

今日拔尖學到好多野呀...多謝哂MissLim=]無啦啦入左少年警訊...仲玩到成身濕哂~真係超好玩...不過Mandy同濱濱件事真係傷腦筋呢/○\