銜接  -  7:30起身...8:45出門口~踩單車番去...上左兩堂勁無聊!!!

午餐  -  同李金PC俞Toby去食野...佢地去五十嵐~我同李都唔想去...所以買冷麵去五十嵐同佢地一齊食~食完都1:10...我急步行番屋企!!!

團契  -  1:40係屋企出門口...見到唔係好對路就跑~由屋企跑到學校無停過...番到去勁流汗喎/○\三點幾落去打波...同中四五果d打全埸~每場5分鐘打左7場...第八場賢卓安佢地三個黎左~我同李同佢地三個再同中四五打多場...我打到四比四果陣竟然抽筋~係咩筋都抽哂...搞到被迫換人/○\拉左勁耐先好番少少...跟住打左一陣排球就同順踩單車番屋企!!!

陪伴  -  食完飯洗完碗...我既小學同學Lily竟然打比我~佢話想搵人陪佢食飯....所以九點鐘落去陪佢=]去左尚德商場間健康工房食...我竟然未食過= ="可能因為好耐未溝通過...所以勁多野傾喎~不過Lily依然係咁靚女...佢一路食野我一路同佢傾計~佢食完野廢事阻食人地無位坐所以就一路行一路傾...真係好心地喇=]行行下都係去番樓下傾...次次都係果度^^佢又睇我部手機...比佢睇都無所謂啦=]可能真係同佢太熟...同埋反正都唔同學校!!

同中四五打籃球真係好開心...勁好玩喎!!!Lily搵人陪佢...竟然會搵到我~仲記得我呢...友誼永固=]