精神病  -  生活教育堂MissYeung講起精神病...講最容易有精神病既人既特徵~我諗...我遲早都死梗架喇/○\

午餐  -同威PC去買飯盒番黎食...PC幫埋佢地買~我地食完PC佢地去打排球...我同威上去溫書!!!

放學  -  最後果堂視覺藝術堂超哂時...上到去班房既時候戴sir已經上緊飛躍~叫我地快手d...我就快快手搞掂哂d野~跟住仲有d人岩岩先番到班房...戴sir唔比人入~話會阻住佢上堂...話左十幾分鐘戴sir出黎saySORRY!!!同埋比佢地入去拎野~佢地搞掂哂d野就同金林+行番屋企!!!

調頭  -  行到厚德商場拎部手機出黎睇...siuman打過比我喎~跟住打番比佢...佢叫我即刻停低調頭行~叫我陪佢同Mandy濱濱去圖書館還書...咁岩我同金林+行到坑口地鐵站~咁我就叫佢地搭地鐵番屋企...跟住我就行去siuman屋企樓下~當時係4:50...等到siuman話開始落樓下既時候係5:00~佢落到樓下已經5:05...跟住同佢行到連理街係5:15既事~點知Mandy濱濱話依家先出...咁就同siuman行多陣先去坑口地鐵站~5:30先齊人行去圖書館..濱濱Mandy遲左15分鐘呀!!!

玩出水  -  去到佢地還左書先...跟住就係果d書架行黎行去~係度玩...係圖書館玩~好彩無比人鬧姐...之後去左寶康~siumanMandy打千秋...跟住Mandy去玩滑梯~siuman跟住玩...原來條梯底果度有灘水~佢中哂招呀...siuman同Mandy都係用同一條梯~點解Mandy哂事都無...但係siuman條裙濕哂/○\

回家  -  玩完之後去新都城買雪糕食...跟住就番坑口~Mandy話走先...我同濱濱送埋siuman番屋企~之後陪埋濱濱番屋企...自己就回家喇~番到屋企都7:50= ="

今日見無事做先陪佢地去還書...我諗以後都無乜le個機會架喇!!完美係精神病既成因之一...咁未死得= =