今朝  -  12:00仍然訓緊覺...3:30起身~去廳玩...有好多人玩緊呀!!!玩到五點幾六點...有d人頂唔順要訓覺~所以愈黎愈少人...大家齊齊去訓覺~我同廖威係廳訓...都幾辛苦下= =不過唔夠床...要頂硬上!!!

早餐  -  10:00我同威起身...決定煮早餐~威蒸包...我煮麵~掂呀^^10:30叫大家起身食早餐...個個都話:「又食麵。」搞到我唔知講咩好...全部人琴晚都應該知道今朝會食麵架啦!!!仲講埋哂d咁既野...搞到我無哂精神/○\

走人  -  12:00我同廖雲威走人...去到碼頭都12:45= =睇到1:30先有船...所以去m記坐~坐到1:20就過去碼頭...撞到濱濱同Mandy~佢地話一齊走...等埋佢地去七仔買野食就上船喇!!

往中環  -  上到船...Mandy問番到屋企有咩做~我同濱濱Mandy都無野做...所以Mandy約埋s1uman買個一齊去睇戲!!

電影  -  3:00番到坑口...上s1uman屋企放低哂d野就出去~決定去apm果間戲院...4:00去到間戲院~睇"不能說的•秘密"...睇到中途~d聲無端端細左勁多...等左一陣終於無事喇!!!完場果陣...有個職員入左黎~向大家表示歉意...同埋向大家補償~補償就係...三十日內可以用le場戲既戲飛換取第二場戲既戲飛~姐係免費送我地一場電影!!!"不能說的•秘密"勁好睇呀...睇果陣有d緊張!!!跟住去左滿記食野...好味!!!之後去左一間野都買野食...佢地揀左勁耐~所以買完就番屋企喇!!!一齊去s1uman屋企拎番d行李...再順路送埋濱濱Mandy番屋企~獨自歸家...8:05先番到屋企!!!

今日果埸戲!!!"不能說的•秘密"真係超掂...仲有一場免費電影~太開心喇!!!果camp完左喇...好想玩耐d呀!!!