今朝  -  我同Mandy同s!u mAN傾電話決定今日去BBQ!!!之後同李宇傾電話傾到1:10...李宇放我走^^1:15訓覺...勁眼訓!!

起身  -  9:30起身...同Mandy傾今日落雨要改變行程~傾左十分鐘...決定有無野做都出左去先= =

早餐  -  10:00我大哥既fd黎我屋企做project...好早啊!!搞到我連食早餐既地方都無= =

出街  -  10:40出街...腳步急速的(驚遲到呀!!)結果我部手機顯示11:00到...岩岩好~但係s!u mAN部手機顯示11:01...屈我遲到= =不過算啦!!11:10齊人...傾傾今日做d乜~傾到一半~Mandy拉左s!u mAN去做d野...濱濱拉左我去買野食~唔知點解s!u mAN同Mandy去左商務睇書...我同濱濱就去搵佢地~搵到再傾傾去邊...結果係香港歷史博物館= =

午餐  -  去到尖沙咀...行星光大道~我從來未去過...諗住可能有野睇添~點不知乜都無...行果時又無乜野傾~無聊中...!!s!u mAN同濱濱勁想食野~所以去左大家樂...無位~跟住去左m記...大把位無人坐~佢地三個去買野食...我睇位(因為我唔肚餓)m記咁熱氣...有病就唔好食咁多啦!!!講極都唔聽...總之自己小心啦!!!

香港太空館  -  我地係香港太空館後門入...好似原本要排隊^^入去好快睇哂d野就出黎喇...無野睇嘛= =

香港科學館  -  我地番去地鐵站傾下跟住去邊好...番地鐵途中s!u mAN話好熱!!但係我地都唔係幾覺得...s!u mAN係一個唔耐熱既人= =跟住我地決定去香港科學館...因為唔知有咩做= =去既途中...又覺得好熱呀!!去到排左一陣隊...入到去好大啊!!第一層無咩點睇就上左第二層...真係好多野睇~睇到一半就分開黎行...因為行行下分開左~我同s!u mAN慢慢睇...濱濱同Mandy自己行!!果度有d關於錯覺既野睇...都幾好睇仲影左好多相添!!之後上左第三層...有d關於電既野~最重要係有制禁...我地係咁玩果d制~每到一個有制禁既地方...就會停係度玩完先走(我地可以話係不擇手段爭取勝利^^)玩完第三層Mandy打黎...話佢地係第三層玩緊~我地去搵佢地...佢地玩緊我地岩岩玩完果d= =我同s!u mAN發現我地第二層有野未玩...所以我地兩個又去番第二層玩~勁多制禁...玩到勁搞野!!跟住我地同埋濱濱Mandy一齊去地下一層睇下有咩玩~有得度高...s!u mAN知道左勁開心咁飛過去度~佢度到...唔知呢^^我度到165cm...好矮(都唔知點打籃球= =)之後睇左一陣野就走喇!!

香港歷史博物館  -  去左隔離既香港歷史博物館...入面都好大~但係一致認為完全唔岩我地四個~不過仲有時間...又順路~無理由唔去睇下既^^睇到六點就走喇!!

回家  -  番到坑口...Mandy走先~我同濱濱送s!u mAN番屋企...送完之後濱濱同我講:「你送s!u mAN番屋企，無理由唔送我番屋企既。」所以就逼於無奈送佢番屋企...雖然我都無野做^^送埋就自己歸家喇!!!

我le幾日發覺我既習慣已經改變左喇!!以前係9:30訓覺...依家既習慣係點幾兩點都未訓~不過le個已經係我既習慣...番學果陣唔知點算呢= =今日最好玩既係科學館...好多制禁呀!!都幾好玩架...又多野睇啊!!!