今朝  -  傾電話傾到2:45~訓覺!!

起身  -  11:10起身...同李msn到12:20出街

出旺角  -  12:30同李搭地鐵去旺角...搭港島線~唔知快左定慢左呢= =一去到就搵間珍珠奶茶...買左+$5有格仔餅~好味啊!!!跟住去通菜街揀我將會用既番學袋...好快就睇到~我同李只睇得上一個袋亦是同一個袋...證明我既眼光都唔算太差^^買果陣李幫我講價...講講下又平左少少講講下又平左少少~最後連$5都唔放過...總共平左二十四大元啊!!之後去睇眼鏡...我同李去完le間又去個間(因為d人係咁派眼鏡傳單= =)途中見到大家樂...咁就大家樂吧~食左個叉燒米粉^^跟住繼續我地既眼鏡之旅...辛苦的~搞左成個幾鐘...終於揀好喇!!去驗眼...悲慘的~比上年多左成一百度近視...真係唔知點解~傷心呀...接受唔到le個事實啊/○\搞掂哂我地去旺角既目的...就做d無聊野喇~都是去睇手機呢~最重要都係冷氣...係旺角街上行會熱瓜我地兩個架^^

新都城  -  6:35搭地鐵去寶林...兩人既目的都係要買條牛仔褲~一開頭去到都係無睇路咁行...姐係傾計~行行下就拎番我地既目的出黎...之後就齊齊去揀褲!!一入間鋪就比d人望住哂...大約都有兩三個= =搞到我地唔想揀...之後去第二間~$99一條...$168兩條~le個價錢岩哂我地兩個...好快就揀左兩條(其實牛仔褲都唔駛點揀...)試完就比錢喇!!跟住再兜多兩個圈...8:30就慢慢的一齊行回家!!

兩個人出去行街太好喇!!揀d野又差唔多...所以做既野都好一致^^行街既時候個口都無休息過...幾時都有野講~行足咁耐就傾足咁耐...很好呢^^收獲都唔差...兩個都揀到眼鏡(別笑啊!!)同我買左一個袋!!