唉......

今日Kaka無番學，問過佢個妹，佢話Kaka病左喎!

等我仲等佢咁耐，係咁等係咁等，等到就快遲到，先至好無奈咁上課室

一路上樓梯，我仲一路係到想，無理由佢唔番架，唔番佢實話俾我知架，今次佢都無講......

每次有人行入課室，都好期待個個係Kaka，無奈唔係......

本來想同佢對下D功課，俾佢抄考下D功課添......

真係就快遲到啦!只好落去當值，一直想，Kaka會唔會見唔到我，以為我無番或者係到等我呢?

所以，我就一路當值，一路睇下佢係唔係等緊我，順便睇下佢有無去當值，但係我完全見唔到佢

都算數啦!

第3堂(中文堂)既時候，我前面個位(張xx)、後面個位(x子x)都無人，1個去左朗誦比賽，1個去左參觀奧比斯飛機醫院......

嘩!不過死啦!曾生其中2個愛將要去參觀奧比斯飛機醫院，好采今日只係得1堂曾生堂姐，仲挨得住既!希望無特別事發生啦!

兩個勁人都走左，唯有靠自已啦......

好采!張xx之前已經預先借左D堂課俾我抄姐!XP

今日問頌頌，你幾時還番本書俾我呀?佢竟然話聽日，太開心啦!雖然佢已經睇左好耐 ......

我地班D人真係痴痴地架!

佢地竟然又話我同張xx襯喎，仲話我係張太，張xx係張生，問我地哂唔哂買樓，佢幫我地睇喎!痴痴地

各位，請問今日係唔係青山開放日呀?

我地班好似尼左好多青山病人同青山『Kind』子!

姓張個位仲痴線......

佢俾人話完之後，話要發泄，跟住係我完全無準備之下，打左我幾拳，係同一位置，瘀左，超痛  ......

放學前，有堂English，係班主任教，佢話佢知道有人寫邊個鐘意邊個，因為佢撿到張紙......

原來係青山『Kind』子李xx寫架!估唔到佢咁衰......

總知，今日就係一個2『Un』日(Unhappy,Unlucky)啦!

死人頌頌，借左本書俾佢咁耐都未睇完，我要借俾人架嘛!衰人......