今日學校放假......
唔知係學校昨日做左票站定係昨日有PTA旅行呢?
不過，唔緊要啦!有得放就得啦!
咁放假無理由只係留係屋企架!
咁我呀媽就帶我去Disneyland玩下啦!
唔哂錢入場，因為識人係Disneyland入面做!XD
入到場，首先去左美國大街小鎮先
跟信去玩左1次飛越太空山，仲係入左Disneyland入面玩既第1個遊戲添!
唔知係唔係太早既關係呢?全場都係得我同我Mummy玩......
跟住我地就去左玩巴斯光年度玩，玩左4次到
之後就去左明日世界其他既地方玩啦!唔講咁多，費是悶親你地，無人尼我個Blog度睇......XP
我就梗係無去幻想世界個個城堡啦!你當我低能既咩?
之後就去探險世界啦!
玩到差唔多5:30p.m.，又去番巴斯光年度玩，今次玩左2次
玩完之後，就去睇下D紀念品，超貴囉!一枝筆都要$35，咁我當然無買啦!
玩完、睇完野之後，都差唔多6:30啦!
咁我地就去城堡前面度睇煙花啦!
番到屋企，都幾想訓覺  ......
因為由朝頭早玩到夜晚......
以下有DD溫馨小提示，只係我既感覺
溫馨小提示:
1.個火車每個站都停好耐，而且，唔會經探險世界!
2.你可以係個花園度同D卡通人物影相，如果你無帶相機，都唔緊要，因為Disneyland入面D員工就算你有帶相機定無帶相機都會幫你影!
3.個泰山樹屋，只係行樓梯上同落，途中都有少少野睇下既，不個真係少得無得再少，而且，唔哂驚，個度有Toilet既，記住要搭木筏過去呀，唔好遊水過去喎!XP
4.D戲都幾好睇，尢其是3D，幾好笑，幾逼真!
5.幸會史迪仔，有分中文、普通話同英文，記住睇清楚呀!不過都幾無聊......
6.搭船可能會令你個身濕，準備多一件衫或者外套
7.如果你係傷殘人士，唔哂驚無得玩架，有好多遊戲傷殘人士都可以玩架，仲好安全添!
|