真係好呀 唔洗番補習 記得尋晚好大雨呀 我都冇咩心機 落到好大雨 都冇咩心機訓 不過最後都訓得著 朝早一起身 都幾好天 於是我開電腦 打下機咁 跟住就同去BBQ既人傾下點 跟住傾左好耐 最後就約左一點半(依個昤間係男仔約 因為要買定野先喎 佢地話唔想D女仔等) 到左之後 我地就去左大昌買野 跟住就去惠康買野 嘩 係惠康買野都用左180蚊 買完既時候得番20蚊 正當我地冇錢既冒候 終於有個女仔黎呀 咁我地又去番大昌買野(因為要去惠康買野 所以我地就攞番頭先睇既野去俾錢)緊係唔係我地男仔俾啦 係個女仔俾 嘩又買左13幾蚊 總共3百幾 真係貴 我地買完野就去左7-11搵埋其他女仔 跟住就行上去 D女仔就好輕鬆 男仔就行到死下死下咁 個個都一袋二袋咁 行到上去 係冇人既(可能係尋晚落雨 所以D人唔去燒 比起平時位都冇呀 真係以為去錯左地方呀)我地就揀左近廁所既燒烤場 跟住就緊係男仔起爐啦 點知冇買報紙 咁我同第二個男仔去買啦 買到番黎 就起火 起緊火既時候 我地係到玩好變態既野 就係火燒螞蟻 跟住男仔就食野 女仔就坐埋一面傾計 當大家都食完野既時候 女仔話玩水彈 其實係佢地一早諗既 我地男仔係冇預備既情怳下俾女仔掉到濕晒 不過我地男仔即刻去買氣球 買完之後 D女仔俾我地掉到個個件3都濕晒 佢地攞左3黎 期間有個女仔要走先 所以另外一個女仔就送佢 我地玩到6點幾 就落番去新翠既m記飲野同傾計 傾到大約7點幾 我同另外一個男仔去左搭巴士 跟住就番屋企lu
|
