琴晚兩點幾先訓﹒﹒﹒
家姐叫我教鬧鐘﹐五點幾叫佢﹒﹒﹒

今朝五點幾﹐我叫左佢一次﹐但因為太攰﹐SO冇再叫﹒﹒﹒
到左六點幾﹐佢BF打黎﹐佢先知醒﹒﹒﹒
原來佢要七點九返到學校幫人開LOCKER﹐唔怪得知要咁早起身﹗﹗﹗

九點幾﹒﹒﹒
起身﹒﹒﹒THEN玩電腦﹒﹒﹒

十二點﹒﹒﹒
訓覺﹒﹒﹒

一點﹒﹒﹒
玩電腦﹒﹒﹒

五點幾﹒﹒﹒
煮飯﹒﹒﹒

七點﹒﹒﹒
去KF的7-11搵莫莫子﹒﹒﹒
去到個度﹐見到好多李兆基GE人﹐不過係唔熟個D﹗﹗﹗
原來有好多人黎買野﹐好忙啊﹗﹗﹗
之後問莫莫子拎表﹐點知要問另一個﹐佢個樣好似好串咁﹗﹗﹗
THEN就填表﹐填完就走LU﹗﹗﹗

之後就去大姨家拎袋﹒﹒﹒
原來穎妍個袋真係靚D﹗﹗﹗我個陣先知波浪係咁﹗﹗﹗同我想像GE都唔一樣﹗﹗﹗
早知買波浪啦﹗﹗﹗

九點幾﹒﹒﹒
大姨陪我去巴士站﹒﹒﹒

十點﹒﹒﹒
返到HOME﹒﹒﹒

十一點幾﹒﹒﹒
諗住訓﹒﹒﹒點知有人狂按門鐘﹐原來係家姐﹐嚇親我啦﹗﹗﹗
佢個樣好似好驚咁﹗﹗﹗我問佢咩事﹐佢話飛蟑螂﹗﹗﹗
THEN佢就同佢BF傾電話﹐佢話好驚﹐仲喊左出黎﹗﹗﹗
為左隻蟑螂驚成咁﹐而且仲喊埋出黎﹐完全唔似家姐GE作風﹗﹗﹗
佢平時成日打蟑螂﹐冇理由會咁﹗﹗﹗
THEN我就問佢﹐原來佢聽左鬼故﹐係關於琴日響九龍塘有人墜軌GE事﹒﹒﹒
唔知點解又關隻蟑螂事﹖我本想問多D﹐但係家姐話越講個記憶越深﹐而且我聽左肯定會好驚﹐SO不再追究﹗﹗﹗

之後家姐話唔夠膽沖涼﹐要我響廁所陪佢﹐個鬼故影響咁深﹗﹗﹗
THEN同家姐講番以前GE事﹐越諗越激氣﹗﹗﹗
我真係好討厭佢地﹐有咩事就識得返大陸﹐留番我地兩個係HK面對﹗﹗﹗
我真係好憎佢地﹗﹗﹗佢地無論做咩野﹐都補償唔到我GE童年陰影﹗﹗﹗
如果我將來出黎做野﹐我會搬出去住﹐唔想再見到佢地﹗﹗﹗
點解我GE老豆老母係咁﹖咁自私﹖有冇諗過我地兩個GE感受﹖
成日話為左我地兩個先搞成咁﹐點解要將D責任推晒係我地身上﹖咁點解要生我地兩個﹖
越諗越想喊﹒﹒﹒點解我係出身響咁GE家庭﹖

THEN阿珊打黎﹐問我同家姐SUNDAY做唔做HELPER﹐要凌晨五點至早上十一點﹐人工有百五蚊﹗﹗﹗
雖然有錢賺﹐但係要咁早起身﹐SO唔想做﹗﹗﹗

十二點幾﹒﹒﹒
諗住訓﹐但係好肚餓﹐訓唔著﹒﹒﹒

一點﹒﹒﹒
煮野食﹐因為家姐都肚餓﹒﹒﹒
點知我煮完出黎﹐佢竟然訓左﹐真係好想打佢﹗﹗﹗
唯有自己食晒﹐我肯定重幾磅啦﹗﹗﹗