琴晚好有決心，諗住聽朝起身打電話搵工．．．

今朝十點起身．．．

玩下電腦，睇下狼羊物語．．．

記得之前睇狼羊物語，已經係4、5年前的事．．．

之後諗住打去個間教整蛋糕的鋪頭，但係諗諗下又冇膽打去，而且都唔知有幾多人工．．．

十二點．．．

約STEP出去，想主動出擊去搵工，唔再做被動．．．

一點幾．．．

出門口．．．

兩點到荃灣．．．

我地就開始搵工．．．

見到MTR STATION間mrs fields cookies請人，於是就想試下．．．

但係真係好驚，未試過係我自己講，之前都係佢地講，真係冇膽講呀！！

於是擾攘左10MIN左右，我就決定鼓起勇氣講︰唔該係唔係請人？

之後個店員就俾左張FORM俾我填，仲問我有冇讀書．．．

拎左張FORM後，我就行左出去填，真係好緊張呀！！覺得自己真係好勇敢！！

填完之後，我就俾番張FORM俾佢，佢話︰要等一個禮拜通知．．．

之後我講左聲唔該，就匆匆離開！！我的第一次就咁結束！！真係好希望佢可以請我呀！！

三點．．．

去食吉野家．．．

四點．．．

去尚書房睇下，原來附近真係仲有賣四仔！！

本黎諗住去MK的SONY個度整手機，但係STEP驚貴，所以就去南豐中心個度整．．．

行左幾圈，見到有間鋪的女人幾和善，於是就去這間，點知．．．

個女人連開蓋都唔識，真係俾佢激死，於是佢就CALL左個男黎整．．．

問佢整要幾多，佢就話$230，咁貴？！早知去其他鋪頭格下價，但係都係答應左．．．

四點幾．．．

去買鏡．．．

之後買完鏡，STEP話不如去機鋪，這提議真係唔錯！！

我未試過去機鋪，真係好緊張！！

入度去，仲以為會即刻俾人check身分證，點知冇，而且仲以為會有人食煙，都係冇！！

於是我就買左$10玩下先，見到有太鼓，真係要試下！！

$2玩左3首歌，唔知算唔算抵？其實個度勁嘈，D音樂都淨係聽到少少！！

本黎STEP淨係睇住我玩，但係後黎都加入．．．

正當我地諗住玩的時候，就有個講台灣話的人彈出黎，原來係工作人員，佢問我地夠唔夠年齡！！如果唔夠都唔會入黎啦！！

俾佢問完之後，我地就開心的玩！！玩得太差啦！！輸左俾STEP．．．平時玩NDS，我好少用筆玩，所以唔慣！！

玩完太鼓，我就去玩頭文字D．．．

張椅太後啦！！我隻腳都唔夠長，只能坐張椅GE一D，其實可能張椅有得調較前後．．．

真係正！！我覺得賽車GAME一定要有軚盤先好玩，先有手感！！

之後諗住玩射擊，但係姨丈打黎，於是急忙出去聽電話．．．

原來姨丈唔俾STEP去CAMP，要佢返大陸．．．

但係CAMP的錢都俾晒，都唔知點算．．．

之後我地就繼續去玩，玩射擊，真係超難，完全射唔到，真失敗！！

玩完後，我地就去拎番部手機，終於整好左！！

本黎諗住去MK的時候，點知STEP發現部手機塊野甩左，於是又去返間手機鋪，真係覺得佢地不負責任！！

去到，個女人話個男出左去，要我地等15MIN，明明唔係我地錯，點解仲要我地等，真係離譜！！

這女人，一開始就好好態度，有問題就好似唔關佢事咁，下次都係要去返專門店整好D！！

15MIN後，我地到左，個男真係返左黎，仲以為佢會要我地等多陣．．．

於是佢就用左D唔知咩白色水黏番上去，都唔知會唔會又整壞．．．

六點幾．．．

去MK．．．

一去到MK，就去買野食．．．

我就買左包炸雞粒食，而STEP就買燒八爪魚丸食．．．

食完之後，我地就去朗豪坊．．．

其實去朗豪坊最主要的目的係買BRA．．．

去左間bla bla bra，D人都唔同左，D款就次次都差唔多．．．

STEP揀左幾款，就陪佢入去試下．．．

佢試緊的時候，我就背對住佢，本黎唔知做咩好，但係突然聽到出面D sales講番D客人遭遇，佢地講得勁大聲，我諗整間鋪都聽得一清二楚．．．

之後STEP試得差唔多，個sales就入黎教下佢+幫下佢．．．

揀到心水之後，我地就俾錢走人．．．

行完朗豪坊，我地就去卓悅買下野．．．

九點幾．．．

我地就搭巴士返家．．．

十點幾．．．

去惠康買左D紙巾、零食、米粉等，咁就洗左$120．．．

十一點．．．

返到家，勁累！！