琴晚十二點就去訓， 因為聽朝有件好重要的事要做．．．

但係到左點幾先訓得著．．．

今朝八點幾起身．．．

上網CHECK清楚佢地幾點開始，之後九點左右就落去．．．

希望樓下的7-11有FAX啦！！

7-11真係有faxr呀！！太開心啦！！thx God！！

但係依家FAX竟然要$6，但係值的嫁！！

返到家，即刻開收音機，真係好緊張呀！！希望抽中我啦！！

九點半，終於開始，緊張的時刻終於來臨．．．

點解咁耐都唔讀我個封? 唔通太多人所以睇唔到我個封?

正當我祈完禱的時候，就聽到兩個字．．．急件！！

我諗應該係我個封，應該冇人同我一樣用這兩個字掛？

點知佢講完李兆基這三個字的時候，竟然話冇時間，要去廣告先繼續，不過抽中我已經好開心，唔應該計較這些事！！

等廣告完的這段時間，我真係既興奮又緊急，真係好耐都未試過咁興奮，好似開心到中六合彩咁！！

廣告之後，我緊張到就黎爆炸！！ 但係佢竟然講天氣報告這些廢話，真係好唔耐煩呀！！

但係有人抽你都算好，唔好再嫌3嫌4！！

內容如下︰

我想點唱俾曾經係李兆基度讀或者依家係李兆基讀緊的人，特別係以下的幾位靚女，排名不分先後，

輝姐、怡姐、呀二、菜心、呀ANN、文慧、寶儀，你地要俾心機打好LI場仗，我等緊睇住你地讀大學嫁！！

本黎仲有後文，但係可能太長，所以俾人CUT左！！ 而且佢錯處有二︰

第一︰我係寫靚女，但係佢就讀左朋友

第二︰我係寫文慧，但係佢就讀左文儀，對唔住！ 文慧！

聽完之後，真係太開心啦！連搵工都冇心情．．．

唔知佢地聽完之後的返應如何呢？？

十一點幾，怡姐打黎，話去KF食野，點解佢好似冇提listening的事，唔通佢冇聽？！

到左KF，原來我係第一個到，等左一陣，怡姐黎左．．．

同佢行下聖安娜、優之良品，睇下有冇請人，之後就傾下計，但係點解佢冇提，唔通佢真係冇聽到？！

之後我就同佢講，點知佢話︰廣告個陣被要求除耳機，所以淨係聽到李兆基這三隻字！

真係好HURT我呀！點解會咁嫁？！一心諗住為佢地打氣，點知佢地竟然聽唔到．．．

仲要係佢地竟然估係張SIR，NE個最HURT我！

之後輝姐黎左，問佢，佢都話聽唔到，不過有聽MARY講過，所以估到係我！太感動啦！

雖然唔係當事人，但係佢都有講俾當事人聽，仲要估到係我，真係好開心呀！

好彩的是輝姐話可以上網聽番，早知當時就唔錄音啦！

之後怡姐幫我打俾其他人，叫佢地上網聽番，THX！！

十二點去M記食野+吹水．．．

同佢地傾下搵工、考試情況等．．．

一點幾．．．

TSE KA YAN同另一個女仔加入吹水團，同佢地唔熟，傾計都要就住就住！

兩點幾．．．

輝姐要返家整紅豆糕，而我地就去大眾睇掌相書．．．

去完大眾，我同怡姐去搵工，終於可以分頭行事啦！

三點幾．．．

雖然見到好多鋪頭都請人，但係大多都係賣衫，冇興趣！

於是我地就各自歸家．．．

本黎諗住買六合彩，但係冇帶身分證！

四點幾．．．

返到家，上FB睇下，點知竟然冇人講點唱的事，可能知道唔係講佢地，所以都廢事提！

於是就繼續開始搵工，今日都係冇心水，點解冇人打電話叫我IN？唔通我真係咁差？唔通連個天都唔中意我？

之後就上下D討論區睇下，點知睇到好多人都係咁，真係越睇越痛苦！

八點幾．．．睇唐伯虎．．．

九點幾．．．睇鐵馬尋橋．．．

太恐怖啦！下一集個個人竟然想咩呀雁，真係好憎睇NE D戲！