琴晚竟然獨自迎接自己的生日．．．

仲以為佢地會忘記我的生日，怎料，十二點的來臨，一個個的SMS就隨即傳達到我的手機．．．

真係好多謝你地！

玩下FB，再同AR維+子龍傾下計，咁就搞到成3點先訓，等陣仲要返大陸，都唔知起唔起到身．．．

十點起身．．．

又玩下FB，然後就SD封求職信去三聯同中華，希望佢地會俾個機會我面試，然後就請我，NE個係我今年最大的生日願望．．．

十一點．．．

Daddy返大陸先，然後我就執下野，清潔下，再煮野食．．．

一點．．．

大姨過左黎，然後我地就出發．．．

三點幾．．．

到深圳，坐大巴返東莞，車上都係得幾個人．．．

本黎個幾鐘的車程，搞到成兩個幾鐘，原因係塞車．．．

塞車個陣，大姨竟然嘔，真係嚇親我！

五點幾．．．

終於返到屋企．．．

唔知點解，心情好低落．．．

六點幾．．．

去寶芝林食飯．．．

個度竟然連蝦都冇，好想食炸蝦呀！

個度D餸都OK，但係都唔係我想食的餸．．．

食完之後，同MAMI､DADDY､婆婆､大姨､細姨､思琦､BB行路返家．．．

十點幾．．．

去細姨家，大叔叔買左個TCBY的生日蛋糕，好耐都冇食過TCBY啦！

然後就唱歌食蛋糕，唔知點解，好似少左D野，可能係DADDY､MAMI､家姐都冇一齊慶祝，心情有D難過！

不過，好難得可以係大陸慶祝生日，下次都唔知幾多年之後．．．

而且可能過多幾年，都唔會再同屋企人慶祝，而係同FD慶祝，所以我應該要珍惜！

仲有，我覺得TCBY的雪糕蛋糕好似好難食，可能細個貪新鮮所以覺得好食！

十二點．．．

生日就咁過去啦！快樂的時光總係咁短暫！

之後大姨話腰酸背痛，我就幫佢塗藥油．．．

諗起之前MAMI腰痛，痛到連行都行唔到，而且我淨係幫佢塗左幾次藥油，都係好求其！

而且唔係幫大姨塗油，我都唔記得MAMI腰痛事件，真係不孝！