琴日真係好唔開心．．．
因為我覺得自己真係好無用，搵左差唔多成個月都仲未搵到工，而且又唔夠膽自己一個人去搵工．．．
我真係好想好似莫莫子佢咁有勇氣呀！！
今朝9點左右起身．．．
因為約左妍+嫺去唱K．．．
十一點去到TW NEWAY．．．
原來唔駛BK都有位．．．
我地3個人只可唱到1點，初時仲以為應該唔止唱到1點，因為都冇咩人唱，點知．．．
唔知點解唱得都唔係好HIGH，可能因為揀左隨機播放，所以有D歌唔啱自己．．．
我地3個都點左叉燒粉，點知咁啱我個碟竟然有條菜蟲，仲要好似煮左好耐，因為佢已經變晒色，所以我地3個見到之後都唔再食．．．
一點．．．
佢真係到一點CUT我地，未試過LO！！通常都有得唱多半個鐘，而且都冇咩人，好激氣呀！！
可能係因為GREEN BOX執左，所以．．．
最重要係我都仲未發洩我D情緒，真係好想繼續唱呀！！
之後我地就去新之城行下．．．
兩點．．．
去MK．．．
去到MK，首先去中銀入數，因為嫺又上網BID野．．．
等左差唔多半個鐘，先到我地．．．
入完數後，我地就去信和．．．
嫺話有個雜誌送的ANGES B袋幾靚，見到個樣真係幾靚，但係要成$148，而且冇拉鍊，所以諗住等嫺個袋寄左黎，睇下點GE樣，到時先再決定買唔買．．．
行完信和後，我地就去買野食．．．
妍買左個香芋雞蛋仔，但係要等成10MIN，而且個度有賣芝士雞蛋仔，陣味真係．．．
而我同嫺就去阿升面線買野食．．．
我買左碗麻辣面線+鹽酥雞，仲送一杯飲品，只係$29，都算平，嫺就買左碗大腸面線．．．
個麻辣面線真係超辣，而且超多味精，我下次都係唔好嘗試新野．．．
食完野後，我地行左莎莎、卓悅、BODY SHOP、COLOUR MIX，因嫺要買潤手霜．．．
四點幾．．．
去朗豪坊．．．
妍想買鞋，但係行左幾間都係冇心水．．．
之後見到有間鋪賣家姐的銀包，一直都好想買，但係仲以為得沙田先有得賣，原來MK都有得賣，早知一早黎買啦！！
我就睇中左個白色銀包，嫺就睇中左個粉紅色綿羊銀包，而妍就睇中左2款，諗左超耐先揀到，我諗個SALEA都覺得我地好煩！！
終於買到銀包啦！！差唔多成2年都冇銀包用啦！！好開心呀！！
 
六點幾．．．
搭巴士返家．．．
七點幾．．．
到家．．．行左成日真係超累！！
之後就食飯．．．
九點幾．．．
睇鐵馬尋橋．．．
十點幾．．．
睇地海傳說，一開始真係好悶，我覺得唔似電影，似動畫多D．．．
正當我想認真咁睇的時候，點知嫺話妍個銀包個LOGO的方向同佢唔一樣，我真係O晒嘴！！
唔通咁啱佢個款出左問題？最衰個陣又冇睇清楚！！
嫺同我講話NE個品牌都唔係日本的，NE個更為令我O嘴，我有D後悔買左，早知買POLO好過！！
之後就上網搵下有冇妍個款銀包的圖片，可能咁啱妍個款係咁，唔洗聽日白行一趟！！
搵左成個鐘，搵到個係另一款的銀包，同妍個款的方向係一樣，證明左某一D款的方向係咁！！
分類: DIARY |
