一連五日都冇打日記，原因係要考試，

第五日考完之後我同鄧仲良，飯兜，李寧去食早餐，

另外仲有兩位，就係吳仲亮都西哥，佢地食完之後就即刻走，

因為佢地要考生物，而我地係視藝就唔洗考，

但係唔好以為好好，我地仲有１個月時間，

做咩呢?係要交７件作品比人會考評分，

交唔到D好既就要交d垃圾作品，到時就大獲.........

食完野之後我同佢地去左睇魔間傳奇，

套野．．．．．唉．．．有點龍頭蛇尾既感覺，

前半部都幾好睇呀，夠緊張，又可以表現到韋史密夫既孤獨，

隻狗死個時夠感人，但到後期無啦啦多左兩個配角出現，

死剩兩個配角搞到部戲評分變差，本來一人一狗做晒咪好，

或者死隻狗都唔緊要，但係都唔好比個感既結局......

今日到左粗口日,不過都係同平時冇咩分別,

平時爆開既一樣照爆,冇爆既都係冇爆,

而我為左保持自己既風格所以一樣唔會點爆(有時唔小心爆小小)

今日係教師發展日,所以早放我地,只係上6堂,

其實個6堂都冇咩點上,之後去左食午飯,

十幾條友一齊去食野,食完之後就返屋企

今日無啦啦多左個5b班既獨有日,無粗口日....

好似話係飯兜製造出黎,好似話講一次粗口要罰十元,

聽聞呀蚊罰既錢已經夠請幾個人食飯,

之於我,對於有冇lee個節日根本冇分別,

除左係比人話我所謂發癲之外,不過,由而家開始,

唔會再有任何野令我發癲,就由今日開始.......

反而最麻煩既係聽日又有個咩粗口日,要不停爆粗,

唔好意思,聽日我就會係罰得最多個個,

呀sir話要同西哥整一個應援團,我地一班人都開始策劃,

唔知同時係咪真係搞得成呢........

夢を持て,忘れない,その翼―――俺にもくれよ.....自由の翼.......

今日起奈送左幾張mm既相比我,真係多謝佢,

今日九分鐘行跑,跑得個15個圈,死得啦,20都唔到,

今日上堂個時真係訓左好耐,發夢都發左好耐...........

今日同一大批人出左去mk,有9條友,

成員有:我,飯兜,李寧,吳仲亮,羅威龍,顏生,鄧仲良,lo+,yuki,

(顏生同鄧仲良係去左mk之後先會合)

我地約左11:00係m記等,中途有事所以到12點幾先出發,

不過完全冇問題,我地到左mk之後,行左一陣,

我地去左信和中心,我終於買左mm隻mikan大碟,

(我買既係初回版B:送一本書仔,封面特別D,仲有張卡)

之後仲買左本叫KINDAI既雜誌(今期MM做封面:送MM file)

雖然本雜誌係日文,但入面8/10既藝人我都識,冇咩問題,

yuki因為有網聚,所以要先走一步.......

之後去食野,個間鋪員工超唔掂,比又比錯野,做野又慢,

飯兜叫牛肉,佢比豬肉,咁都算,但佢仲要未熟呀!!!!!!!

跟住行多一陣,本來話去金魚街,但最後冇去,之後就返去左~~

題外話:顏生話鄧仲良成鬼日係度問:你D魚死左未呀!!!!!!

激到顏生死死下~佢話真係死左就入鄧仲良數~我就笑到死死下!

大碟送既書

大碟送既卡(隨機抽中):第七期成員,久住小春

KINDAI既封面

KINDAI送既FILE