今日早放喎,咁我就同左lo+,起奈,陳x敏大姐,同Dr.高佬,

一齊去四圍遊來遊去,之後Dr.高佬脫隊,

我地4個人就諗住行去書軒啦,本來起奈有想走既意思,

但因為陳大姐,所以冇走,咁行多一陣,

陳大姐話眼訓,跟住就極速閃人,向屋企狂奔而去,

咁就留底左起奈一人,起奈變無奈............

去左書軒買完漫畫之後,lo+閃人前就叫我送起奈返歸,

起奈話唔洗又叫我追番lo+同佢一齊返歸,但佢已經唔見人影,

行到屯門圖書館前面既我呆左咁企係度,咁我應該做咩呢????

好無奈地走左去屯門公園度坐左成個鐘睇漫畫,

你話我無聊,咁都冇法,屋企太多人,我又唔想返去,

佢地又閃晒,咁我一條友仔可以做咩呢.........

睇睇下突然遇到"saburu",佢同我講左一陣野,

話而家佢做緊清潔,傾傾下佢要返工所以走左,又剩底我一個,

坐坐下個得個度幾靜,都唔錯(有點兒好似呀伯,但一個人無法啦..)

之後就好無奈咁返坐車屋企...............

今日成班5b一齊去赤柱度玩,

其實赤柱係我一直好想去既地方,因為個度夠靜,

而且生活夠晒悠閒,老左真係想去個度住(有錢既話),

咁參觀完美利樓個D景點,終於可以自由活動,

即刻衝出去自己一個行,自己一個係個度行係一件唔錯既事,

行行下又於到顏SIR佢地,成班人行都算一件唔錯既事,

咁之後去左食野啦,行多一陣就要走(真係掃興)

咁上到車呀起奈就唔係咁開心,咁我問高佬咩事,

高佬又話我後知後覺,但係我真係完全唔知發生咩事,

起奈就話冇講過比我聽所以冇野啦,突然比我一種感覺又係好無奈,

不過算啦.......還掂我本來就係咩都唔知......

此日,lo+之壽辰也,卻不利近人,

起奈,胃痛也,吾,pp屠龍時冇電之~~~

嗚呼~~但祝lo+生辰快樂~~~~

冇錯,今日就係lo+生日,另外同時又係陳浩良生日喎,

咁係咪即係同年同月同日生呢?????

pe堂個時,我同起奈同呀蚊打藍球,

但係打打下竟然同數學拉上關係,走去計入球概率,

之後仲發現到學校原來有成10幾20個新波,

哇,攞就只係攞D舊波比我地打,你話學校對我地幾好~~~~

放學視藝補課個時,陳X敏小姐就畫左d唔知咩既關係圖,

可能係又有個隻似豬既生物既偷窺狂係入面,我就冇得睇....

尋日我老媽既親戚黎左香港玩,

佢地會係我屋企住一個星期,

佢實同佢地講野都幾煩,佢地6個之中得一個識英文,

其餘幾個就識少少,其他就講泰文(我唔識講呀)

所以講野就只係搵一個人講,

個位大姐以前做教書,而家做文職,英文好我好多(當然啦)

同佢講野算係可以溝通啦~~~~

講返今日,朝早問佢地識唔識golf&mike,

佢地有D雖然唔識英文,但係聽到我講佢地就即時點頭,

果然,唔單只日本,係佢地自己國家都一樣出名~~~

仲有一件事,又係關於西哥,今日放學既時候,

我地一班友係度睇住西哥,睇下佢會行係邊個隔離,

結果係鄧仲良,我地即時大笑,因為西哥好似鄧生條"令",

最後西哥唔跟鄧仲良,跟左吳仲亮走,

佢放學只係會跟兩個人走(係必定)

一個鄧仲良,一個吳仲亮....西哥真係.....癈事話佢.......

今日有個講座,其中一個標目係性病,

我諗應該叫高佬上去講仲好,

而西哥腦入面D屎sparking左!!!!!!

首先係佢既生物小測,之前呀SIR昆佢,

話上次個話劇多左兩張飛,可以去換本地歌手既演唱會飛....

西哥真係信,呀SIR話佢小測高分過吳仲亮就比佢,

佢仲好有自信咁話一定可以高分過佢!

結果得兩分,吳仲亮就有7分...............

之後佢係旅遊補課個時呀SIR問佢問題,

有咩因素令一個地方成為熱門旅遊景點....

我地比晒提示佢,指住個天(氣候),佢答左天堂,

再比佢提示佢,叫佢講長洲有咩......

佢答左去長洲睇故宮......天呀!!!!咩人黎嫁!!!!!

呀SIR原本要佢答5個,最後要佢答2個都答唔到

同佢一齊吹水既鄧仲良反而輕鬆答到......

最後呀SIR爆發......發棄左西哥......一走了之......

西哥!!你玩完啦!!!!