今日miss朱冇返,英文堂只係做份作文,

會計今日又唔洗小測,中文又唔洗默書住,太好啦!!!

之後我同飯兜都係視藝室做野,

途中我地幫左藍社做野,會唔會有點兒過份呢??

我本身係黃社,飯兜係紅社,我地都冇幫自己社手,

反而幫藍社(而且我係黃社幹士.....)

不過冇所謂啦,之後娟姐仲請左我地食野,

後尾到左6點幾個時,D野差唔多做晒,

我地就開始晒班友玩起黎,比起奈佢地除衫,

不過之後聽到某d我唔係咁鐘意既說話,

第一係話寵物,當我地係咩呀,有點兒唔滿意,開玩笑?????

咁又未免開得大得濟,可能係我唔玩得,但唔好意思,

我就係唔鐘意,唔知道相反既話會點 ?

第二係咩女權當道,又係我討厭既,正如個d大男人主意既男人話

女人唔識野一樣咁討厭,大家平等咪好囉,洗咩邊個當道....嗚呼....

不過算啦,我諗都玩下同講下姐,同飯兜8點就走人,

聽日陸運會!!!!!!加油,努力!!!!!!!!!

今日有兩件事係超不幸既,第一件係我踩單車個時,

竟然係平路度抄左(原因不明),不過只係擦傷左,冇事,

之後係我手提既耳筒壞左一邊,因為踩單車個時聽歌,

點知耳筒掉左車輪度,就咁LOOK一LOOK,其中一邊就聽唔到.....

今日踩單車既目的係要去鄧肇堅運動場練習,

途中遇到起奈,陳大姐,高佬,跟住一齊練~~~

之後又去左學校幫藍社整野(唔好以為我真係黃社,我係藍社卧底~~)

最後送起奈去柏麗,途中起奈發起脾氣,都係我唔好,

對唔住~~~~~~~!!!!!!!!!!!

最後就踩返單車返去元朗.......

題外話:今日都係家長日既日子,我呀媽終於都見到miss余,

之後我返左元朗同我呀媽食野個時,我呀媽講左D爆笑野,

佢話 MISS好鬼醜樣,著衫又唔好睇,做老師都唔識得打扮下...

笑到我死!!!!!!!

今日係yuki生日,我地成班同學就決定去打邊爐,

大約十多個人(有兩位係唔係同學:屎坑兄,同今日既女主角既王子:金豬兄)

我係會計補課之後就先返左屋企沖涼再出門口,

其實都趕,因為約左6:30,我搞掂晒D野出門口已經6點10分,

去到目的地遲左5分30秒左右,還好有人遲過我,

等緊鄧仲良個時,班女仔話我身上陣香味又出現,

個陣味應該係d潤膚露散發出黎,因為我冬天個時皮膚好乾燥,

所以一定要查D潤膚露,真係咁香咩???(註:LEE d唔係洗衣粉味....)

遲到既係鄧仲良同顏SIR,因為佢地去剪髮,但睇落好似冇剪.....

我地玩得幾開心嫁,不過後段就有點失儀,因為飲左少少酒,

而且加埋西哥D膠話,話同我隻秋可以將我打倒,整到我有點失儀,

真係唔好意思~~~~~~最後玩到10點幾就返歸......

今日學校同上年一樣搞左鬼屋,

不過今年叫做冒險屋,因為話鬼屋唔多吉利,

咁要玩夠5個印仔先可以玩啦,

到我玩夠5個印仔,搵左好耐先有人陪我玩,

係李寧同張嘉豪(又好似係何家勇.....)

因為我行到最尾,所以我行到有鬼出既地方個時,

d鬼就已經番晒入去,有D就企左係度所以都有嚇下我,

之後出到黎我再極速玩多一次儲5個印仔,

之後好在基基比左張夠印既紙我,我再不停咁搵人陪我玩,

左求右求顏生肯陪我玩,但係去到門口個時,

守門個兩位唔比顏生玩,因為佢有d印重復左,

最後我自己一個入去,沿途一路既鬼都冇咩驚嚇感,

反而有點無奈感,只係佢地彈出黎既時候都係呆左望住佢地,

有個一張大個口哇一聲個時就有一陣咖啡味.....

仲有一個就問:點解又係你既~~~~~~~~~?????

總結:今次玩鬼屋感覺:無奈,唔開心.....

聽MISS講話有人嚇暈左,唔係下哇......

今日天氣真係凍左好多,

而且發生左件黑仔既事,就係比人收電話,

我係上堂開左機之後放左係枱櫃入面,

唔記得左放番入書包,之後英文堂比個死人側田見到,

我一定會咒死佢,要佢落地獄!!!!!!

不過都係自己腦裝屎之過........

今日西哥又有西野呀!!!!!!

條友仔同我去7-11買雪糕食,我地一路食一路吹水,

之後佢西左,將佢笑個時D雪糕噴晒係我塊面呀!!!!!!!

我以後都唔會係佢食雪糕個時行近佢!!!!!!!

今日都去左睇藍球比賽,個布偉光當正自己隊長又話高佬,

又話鄧仲良,高佬見佢好似好辛苦,如果真係隊長就唔應該罵人,

應該鼓勵隊友先係!!!!!!搞到成盤散沙咁!!!!!!!!!!!

最後好似輸左.....唔通係我d黑仔力量傳比人!!!!

睇黎我唔應該去.......