尋晚1點幾先訓,今朝10點幾起身,今朝都好晏了,

日日都晏架喇,冇咩分別~,今日我返到公司前食左飯先,因肚餓

之後先上番公司做野, 唉 大感冒, 唉  今日心情返工算精神喇,

好過尋日,尋日返工簡直係大眼訓, 唉 做做下都可以訓覺,

因為D藥, 今日卞文下午走左人, 早放, 而我們就好努力咁工作~

今日差唔多6點先走, 今晚約左文同LOK佢地食飯,

送哂禮物架喇, 今日我6點幾到, 自己一個行地帶,

同小倫傾陣電話喇, 今晚好耐冇見阿文, 但係我完全冇同佢傾計,

只係,都係,向PIZZA時,佢只問我想食咩,飲咩,同多謝, 之後其他就不說,

靜哂, 我從來未試過,分左手後,又再次見面, 原來,分左手再見,個感覺原來係咁

好似,唔想做朋友~,同做番朋友之間既感覺,都好特別~

好似,見到佢就知佢有雙面感覺, 好似把佢同我講既野,同阿LOK再講番佢真心說話

再事情放係佢身上到,就睇穿呢個人,非常非常假, 好假, 同埋,一D風度都冇

正所謂講一套做一套, 真係好難做番朋友~  完完全全,了解哂佢為有咁仆街,

坐佢隔離~,我都仍然有壓力, 可能佢對我無感覺,可能係我諗多左, 又或者我把事情更加更加復雜

唉~ 食完飯後,我都拿拿聲喇,而佢地,都自己行街,  我都估佢實會同佢地行,

因為,我太清楚佢了, 所以~,所有野,我真係放低了, 過左去就算,

今晚,講起做JOEY,睇CONCERT~ 12月開SHOW~  點知阿LOK又問阿文去唔去,

個一刻, 我真係勁唔想去, 個一刻,你地三個去, 我唔係小氣, 只係, 不嬲,你地都係三人行,

有冇我都冇咩所謂~ 不過後來,我打阿LOK~ ,最後,阿LOK,揀同我去,都唔預阿文,

好衰可, 搞到好似小圈子咁, 鬼咩,  朋友~重要過情人, 佢教既,

同佢拍拖,就睇得出,佢好重視阿LOK~ 咩都係阿LOK 咁依家,我為有同阿LOK好好好好好好既朋友喇

唔係咩,  佢成忽略我架喇, 我真係心淡,  經過今晚之後, 我都會,仍然支持自己繼續單身,

單身對我黎係順風順水, 戀愛,就是丟金錢落海, 冇咩既, 只係,幸福~,同傷心, 就係咁簡單

今晚返黎前, 去左,維園睇燈色影左好多相, D公仔好靚, ^^今年,算係我人生,又另一個境界

好耐冇試過喇,一個人靜靜地欣賞~美麗的燈色, 今晚返黎,拿拿聲帶哂狗仔,洗哂野去,

等父母~可以輕鬆D做少D野,,最開心係老豆喇, 因唔使佢做,同跟手尾,

唔~ 今晚又冇睇劇喇,  陣間先睇, 依家係,12點39分,

天日又返工喇, 喔~精彩~,下星期一就辛苦喇,忙到暈底左,HELP~