尋晚去謝師宴,都好早準備下
整個頭整左好耐,本身都無乜問題,跟住去左kai傑屋企噴左少少野
個頭好好反光,好似好濕甘,不過謝師宴誇張少少無乜所謂..(笑~)
本身自己諗住塔的士去,同埋肥軒佢地
不過佢地full左人
所以最後都係一個人塔巴士去
好彩一去到就有15號塔去富豪東方酒店,間酒店平平地都幾好
去到唔係太多人甘早黎到,早黎到個d男仔都去左打「麻雀」
甘我自己就拎左肥軒部psp黎打gvg2
基本上都係打住等,6點幾 好多人都到左,但係d老師就未到齊
最遲個個就係miss孫囉,差唔多成8點鍾先黎
本身諗住佢地個個6點半到左, 就開始講下野,做下節目甘
點知佢地甘遲黎, 好多時間都甘白白浪費左
更大問題係校長都好遲先走下 ,校長係到唔可以講野甘大聲 ,又唔可以講太粗俗ga說話,都幾麻煩下
不過阿侯又真係幾大膽嫁,原本我自己講話著「老系」,跟住佢竟然大大聲甘樣講呢兩個字
跟住成班老師望過黎, 個下我地成班西裝友都話佢係咪痴線(苦笑~)
食野方面, d野食真係唔係話太好味, 就算好味都食唔落甘多
兩個鍾,剩係食到一粒鍾左右啦 , 個肚飽到痴線 ,番到屋企都仲飽緊
食野就無乜所謂, 只不過係唔知點解無刺身...壽司囉
演講方面,阿許講到喊左出黎, 全班得佢一個人喊
我地班男仔都覺得好怪,睇住李蛇個樣真係已經完全喊唔到
跟住我本身期待峰哥講野,點知無啦啦比嘉森亂入
結果峰哥講到一半就無講到啦
阿許同埋肥so 唱歌個到又係,佢又無啦啦亂入
搞到都唔知唱緊乜啦....
不過係因為佢支咪 係神神地,所以我個時都廢事係個心到「小」佢啦..
等到校長走左之後,我地開始玩啦,同埋影相
我地班男仔都係企係到等人地影..(笑~)
謝師宴唔知大家影得多唔多相呢
淫關係甘令佢部超級大碌炮影相
不過佢自己又唔係成日走去同人影
本身想佢同峰哥影相,但係峰哥無啦啦又走去同其他人影
峰哥真係硬膠膠
全部老師走完之後,我地成班男仔係個到唱劉華d哥
因為個部野傻傻地的,所以我地都係到清唱甘濟
肥軒唔知點解對劉華d哥特別熟啦
有d 真係唔係甘出名的佢都識唱
我地唱到11點幾左右就走左
跟住班女仔去食糖水,等左好耐下
因為個時都成三十幾個人左右
我同埋阿侯、負能量 叫左個布丁
個布丁乜味都無,收左我地14$
食完野,本身諗住去睇戲,不過班女仔唔知係咪腳痛,全部走鬼晒
剩番我地班男仔, 我地成班係個到係甘傾去睇電影定係打桌球
甘最後我地睇戲的去睇戲,打桌球的去打桌球啦
塔的士去「maga box」 去到甘岩就收檔
不過都無戲睇, 得番套葉問2
跟住諗住成班去唱k , 神手浩佢地先走佬去觀塘打桌球
但係ceo 個到唱k真係好貴,成2xx
我地就惟有各散東西,zero佢地去觀塘打桌球
我地就行路去德福個到打機
用左10$黎玩「吊馬機」, 差唔多無輸過甘濟
玩到2點鍾, 無車番屋企, 去左m記個到坐同埋打psp
坐到4點幾 ,買左個早餐黎食
跟住劉料同埋光頭佬起左身,就即刻走
我同埋狗才、負能量 行路番去觀塘
點知行到成5點幾,都仲未有小巴塔
去到甘岩撞到守浩、金魚、梓龍同埋峰哥
佢地岩岩打完波,但係無車番屋企
我地成班係個到吹水,吹到成6點幾先番屋企
我番到屋企就差唔多散甘濟,但係沖完涼又幾精神
開左電腦係討論區到討論左一輪,再睇下新monday
跟住就頂唔順訓教啦~
尋晚都好開心下,其實我覺得中學時期,最開心真係4f 同埋 5f 呢兩年
個個lunch 都新奇有趣,係甘比賽.....同自己周圍d 人又好吹wo
5f 上堂成日同淫關同埋麗華吹水 ,係甘9 up 一大輪
唔知自己係咪天生鍾意9 up ,係唔係到 up一大輪廢話先開心...(笑~)
不過點都無可能番番去4f 同埋5f 呢一段時間到
惟有永遠記住呢一段美好回憶啦.....
希望第時大家有機會再拎番個個key 扣 出黎砌番5f 出黎
呢份禮物都幾有心思, 就算用左好多錢都係值得....(笑~)
6月5號, 再黎多一次「通頂」!!!!!!!!!!!!!
|
