呢幾日訓覺仲多過打機

電腦開住真係無乜野做

溫書係屋企真係無乜心機溫

特別係英文,考oral 剩係要練讀

真係好唔鍾意考英文oral , 好憎呢一部份

寫同埋閱讀,聆聽都起碼唔洗出聲

以自己甘九流的英文水平去搞呢d野....

好似出去掉架甘....

四字形容:無與倫比

若<序>令到部份人感到失望,<破>會令你完全改觀
超華麗戰鬥畫面
TV版完全無法收媲美

開頭部份:全新五號機出場,以真希波與蛇骨使徒的戰鬥作序幕,可惜的是畫面較為昏暗,難以看的清楚,而且戰鬥好快便完結,五號機與使徒一起自爆,全片唯一美中不足的地方

中段部份:全新時鐘使徒出場,明日香駕駛二號機華麗地一閃使徒.接著三部EVA一起對抗隕石使徒,使徒變形過程超華麗,由隕石形變成眼鏡使徒.最後由二號機以振動粒子刀解決.綾波麗開始對真嗣打開心扉,並為了希望修補真嗣與源堂的關係而下廚舉行派對.起初明日香對真嗣呈抗拒態度,但逐漸被真嗣的溫柔打動,正當她認為自己並不是孤單一人的時候,駕駛三號機令她再次失去一切,真嗣更變得完全抗拒EVA.與三號機的戰鬥時的插曲並不是The Beast,而是用了一首以朋友為主題的歌曲,淡淡憂愁的旋律與血腥畫面成強烈對比,完全表現出真嗣對好友受到傷害而無法阻止的心情.令人覺得傷感.

後段部份:最強使徒紙巾使徒出現,真希波駕駛二號機與使徒對抗, 面對強大對手,真希波以人性換取二號機的獸性,即使加上零號機的合作,使徒仍絲毫無損,更把零號機吞噬,真嗣看見這情況,再次駕駛初號機,TV版中電源耗盡後初號機的靈魂覺醒殲滅使徒,<破>中真嗣以自己意識喚醒初號機,並從使徒體內拯救綾波麗,最後以渚薰駕駛EVA MK-VI 用長槍貫穿初號機作完結

個人感想:
三號機與紙巾使徒的戰鬥是<破>的高潮,明日香與真嗣關係開始轉好,真嗣卻親手摧毀了明日香,雙手被DUMMY SYSTEM固定,連阻止都做不了,只得看著三號機被破壞得支離破碎
真嗣再次駕駛EVA的理由並不是為了人類未來,而只是為了綾波麗一人
[把綾波還給我!!!]---這一句令初號機覺醒擊敗使徒,[沒有代替品,綾波只有一個]-----真嗣不理自己的生命安危,只希望可救活綾波麗,令真嗣獲得綾波麗的絕對信任,這一幕叫人感動,加上插曲用了一首類似Komm,Susser Tod的歌曲,更可表現出兩人之間的心意.這一幕類似soul eater中soul救出狂氣瑪嘉的一幕,當然<破>感動得多
TV版中綾波自己不清楚她對真嗣的感情,<破>很明顯,她清楚自己對真嗣自己抱有愛的感情,兩人相擁的一刻真的好感人,但這應該只是一埸短暫的夢,因為SEELE與源堂的私心.

日本很出名的童謠...

最近真係好混亂

成個人都唔知點好

生活究竟要係點先至係正常

本來今日約好左一大班5F同學去「通頂」

但係好多人都「放飛機」,唔知點解愈行愈少人

同上次謝師宴走個時差好遠

今次完左之後,應該都無乜機會大家成班5F 再次聚埋一齊去玩

我同峰哥、梓龍、球哥、小明、志鍵、金魚、守浩就去食野

本身自己諗住去番上年同ZERO成班一齊食個間,因為個到送個杯野飲真係好好味

但係峰哥就唔想食熱氣野,去左食泰國野

我自己唔係甘鍾意食泰國野,而且知道食個D應該都好貴,又好少

去到真係不出我所料,又貴又少,食到「火」都黎

搞到成個人無晒心情去玩

最後得番梓龍、球哥、守浩、志鍵佢地去唱K

我同埋其他各自各番屋企

經過九龍灣個時,真係好懷念上次謝師宴完左之後成班人一齊去食野,去玩

今日之後,我真係覺得就算好有錢,都未必買到快樂

一個人生活,無晒朋友,就算再有錢.....買幾多遊戲..用幾多去玩...買幾多食物

個人都唔會覺得有些少快樂...

而且快樂呢樣野,我覺得可遇不可求

例如你好想成班人再聚埋一齊 玩, 就算你逐個打電話叫佢地出黎

人地都未必有時間,或者佢自己本身唔想去...

再過多幾年之後 , 大家仲會有上次謝師宴個種感覺咩? 大家仲會即興甘話去睇電影...去打桌球咩?

有時候好想放低一d野, 但始終都係放唔低

睇番都係有少少心酸

近排睇番新世紀福音戰士 , 個作者好比心機去作呢一個故事

套野都有唔少值得人去思考ga地方...

不想再記起任何有關2A和3A的回憶.....

放假已經放左好耐,其他都無乜點溫過書同埋畫畫

畫畫好似已經放棄左甘,可能因為無人迫,所以完全唔想畫啦

不過就黎要交ive個份野,可能都會上下顏色甘啦

因為之前有幅畫未上完顏色

6月幾就要考英文口語,呢一個真係好難

自己英文已經係九流之輩

本身討論五分鍾都仲可以話亂甘講下

但係最後個一分鍾,真係無乜膽去講

希望到時候個d人唔好太過凶啦

我諗今日都要去上下顏色好d

成日甘樣hea,始終唔係甘好

個種心態好容易搞到自己以後乜都唔想做...