噹噹噹！Nike League 2011 五人賽 終於開始左啦！
比賽會係 8月1日 至 8月7日 期間舉行，有興趣既 各位 亦都可以到 灣仔修頓球館 觀看不同組別既賽事！
當然，你亦都可以安坐家中，留意住我地 Nike League 2011 Reporter 為大家送上既最新戰況！
每位特派員 都會分工合作報導不同組別既賽事，而我 Isaac 會聯同 Kevin 合力報導 U16 既賽事！
U16 賽事揭幕戰由 銀鷹 VS 天蝠，銀鷹穿著白色球衣，天蝠穿著紫色球衣。
銀鷹 於戰術上的講解 將由 特派員 Kevin 為大家預備！而天蝠的球賽內容則由我負責！
天蝠先發陣容為：4號李俊瑋、5號周嘉俊、10號陳偉誠、13號黃子謙、17號譚子健
（本年度 Nike League 選秀狀元 8號的 李啟政不獲首發上場，所謂何事？小記將會在稍後解釋！）
球隊主教練為：黃志明教練、曾友正教練
天蝠球員的身型比較平均，內線位置沒有銀鷹隊的大塊頭，後衛陣容亦沒有皇蜂的矮小跑衛，
但正正是如此平均的身型，天蝠球員 才能在球場上靈活跑動，適應不同的比賽節奏！
# 一眾球員於比賽前，細聽 明Sir 講解待會比賽的戰術部署、走位。
# 球賽開始啦！
首節 銀鷹隊明顯未入局，後衛多次於三分線交失波，天蝠隊員 憑著對手多次失誤，打出一段 15：0 攻勢！
於第一波攻勢完結後，隊長 8號李啟政進場，球隊亦轉打陣地戰，用 Pick & Roll 戰術剷入內線，再分球投射，
銀鷹隊亦湊機會追貼比分，以鋒線球員強壓 天蝠隊禁區重地，第一節完 天蝠隊領先銀鷹 23：10 ！
# 次節 天蝠多次於內線搏得對手犯規，犯球亦是領先關鍵。
第二節 天蝠隊 繼續乘盛追擊，先以 17號譚子健以靈活低位技巧 及 身高優勢於內線取分，
再以 8號李啟政 於外圍組織，分球予兩位三分射手 4號李俊瑋 和 5號周嘉俊，企圖用三分球擴大優勢！
基於球隊大比數領先，黃教練亦下放幾位後備上場以調節先發球員體力，第二節完 天蝠隊繼續領先 44：28！
# 半場休息時於球員通道準備下半場部署。
第三、四節 天蝠隊 改放更多後備上陣，但攻守成效始終與先發陣容有一大段差距，可能不少的替補球員比較緊張，
甫上場即因為急於表現自己而發生多次失誤，亦有球員因害怕犯錯而「綁手綁腳」，不論進攻走位還是補防皆失調，
但幸好本來已經取得領先比分，加上對手 銀鷹隊急於追分，犯規及失誤不斷，天蝠隊最終穩住勝局嬴 75：65！
旗開得勝，各球員臉上亦展現笑顏，然而他們並沒有因此忘形，於賽後又再次回到球員通道與兩位教練作賽後檢討。
而小記在球員解散後，亦遨請了主教練 黃志明教練 ---- 明Sir 作一個簡短的訪問！基於版面理由，以下為節錄版本！
皮：小記 明：黃志明教練
# 左為 黃志明教練 右為 曾友正教練
皮：「明SIR 你好啊！我留意到今場 狀元 8號既李啟政並無先發上陣，究竟背後發生左咩事呢？」
明：「哦，其實係因為雞精（李啟政花名）曾經遲到練習、另外於30號既3人賽，果場嬴左就穩陣出線，
但3時15分開始既比賽，佢亦都係3時15分先到場。所以我就同佢講，作為球員，作為一個 MVP，
呢種唔係應有既態度，我要佢知道，你一定要為球賽做好準備，唔係話你係球星你就可以遲到。」
皮：「嗯！ 我亦都留意到 天蝠呢班球員防守唔錯，究竟選秀時教練係咪以防守作優先考慮條件？」
明：「喔！無錯啊，我教波既戰術主要係靠防守同埋快攻，所以選球員既時候，都會先著重防守能力，咁
當然啦，身體質素亦都係成功防守既基礎，所以我既球員都唔會話好大舊，但一定要紮實，頂得住
同對方既身體碰撞。」
皮：「好既防守將會帶來勝利！我見你地天蝠今場守銀鷹既走位好似有ｄ特別，並唔係一般既聯防喎！」
明：「喔，我地今日既防守係有ｄ特別，我地用兩位球員去守對方既主力 蔡再懃，唔比佢拎波剷入內線，
另外我地亦都搵球員去守對方既 三分射手 陳浚鏗，減低兩個主力對我地造成既破壞，當然，因應不
同既情況，我地亦會作出不同既變陣。」
皮：「好多謝教練你為我作呢個訪問！我亦都獲益良多！」
明：「唔洗多謝！下次再見」
相信呢一個訪問，大家對於 天蝠既戰術運用、教練風格有更深入既了解！
天蝠，一隊著重紀律、態度既球隊，我相信佢地能夠係 Nike League 2011 五人賽 走得更遠！Just Do It！
