相信依家大家都好希望拎到入場劵與球星見面！咁依家就先留意一下我地既文章！

前兩日同大家分別為大家介紹左「蜂王」Chris Paul 既球員生涯同埋「甜瓜」Carmelo Anthony 既球鞋，

而今日將會再次同大家分享一下「蜂王」Chris Paul 所屬球隊 新奧爾良黃蜂隊 以及 呢個城市既特色！

黃蜂隊 於1988年成立並加入 NBA （National Basketball Assosiation），

但原來呢支球隊成立初期，座落既城市並非 現今既 新奧爾良，而係 夏洛特！

而黃蜂呢一個隊名，亦都係因為 黃蜂 係夏洛特城象徵而黎，夏洛特 區旗上面亦都印有黃蜂圖案！

黃蜂隊 終於係 2002 年遷移到 路易斯安娜州 既 「新月城」新奧爾良，爵士樂發源地 、以音樂聞名既城市！

各位讀者千萬唔好睇少 新奧爾良 呢一個 相比下無咁出名 既城市，佢係 路易斯安娜州 第一大城市，

每次主場比賽，黃蜂隊都會得到呢個西岸城市內55萬居民支持！！

或者會有人記得 新奧爾良係 2005年曾經發生左一場世紀大風災，

颱風卡特里娜 吹襲 新奧爾良，造成超過400人死亡，新奧爾良 以及鄰近城市 接近100萬人受災難影響痛失家園。

當然，所在地為新奧爾良 既 黃蜂隊 亦受到極大既影響，球館受破壞被迫關閉，不能夠舉行賽事，

於是於2005年至2007年期間，黃蜂隊 亦都曾經轉到 奧卡拉荷馬市，亦即係現今 雷霆隊所在地。

拿！講起所在地，相信有睇開NBA既讀者們都會知道，NBA球隊係根據所在地黎劃分球隊 所屬分區，

咁考考各位，究竟 新奧爾良黃蜂隊 又係邊一個分區架呢？無錯！呢隊波就係 屬於 西岸 西南組，

同佢同一組既仲有 「德州三雄」達拉斯小牛、侯斯頓火箭、聖安東尼奧馬刺 以及 「黑八傳奇」曼菲斯灰熊！

或者你會問 Reporter你講左咁耐，咁 黃蜂隊 同 新奧爾良 又有乜關係呢？

心水清既讀者應該仲記得上面提過 新奧爾良 係爵士樂既發源地，

我認為 黃蜂隊 既球風 與 爵士樂 既風格 十分相配！進攻 和 樂曲 同樣講求能隨意改變節奏！

新奧爾良 既 爵士樂，能夠隨意從 二拍子節奏 轉變為 更平滑更流暢既 四拍子節奏；

亦如 新奧爾良 黃蜂隊一樣 可快可慢，能夠打 小球戰術（註一）、亦都可以打 慢節奏既半場陣地戰。

兩者異曲同工，果然 新奧爾良 盛產 節奏兵團！

唔知道，你又點睇呢一隊 新奧爾良 黃蜂隊呢？

註一：籃球戰略一種，以較矮小球員作陣容，用快速移位、賭博防守換取更大量進攻機會。

本日問題： 黃蜂隊 既所在地係邊一年由 夏洛特 轉成 新奧爾良 架呢？

答案就是上方日誌 的 密碼！