如果世上既人都有完美和不完美之分
我會認為我係十分完美,一個完美地不完美既人
我已經放棄去探究別人如何看待自己
我怕別人既答案令我無法承受
我由細都大都係到唸同一個問題
我一直都好想知點解我要出生係呢個家庭
我唔想要金錢,唔想要權力,唔想要大家族
只想同大部分人一樣,有一個平凡既家,
一個令你覺得溫暖既家
也許平凡既我性格更開朗,
也許平凡既我唔會如此令人討厭
也許平凡既我可以平凡甘過
當我隨著時光既步伐慢慢向前推進
儘管一路上荊棘滿途,但我此刻卻不感到難過
因為,好多既人同我一樣,身不由己
隨著高度既增長,我對事既角度亦有所轉變
我發現,既然已經發生,何不好好地活
從小我既文筆就唔係甘好,難以表達我心褢既說話
可惜我既說話技巧再好,我卻無勇氣,甚至唔可以講出心褢既說話
我有時會唸,點解我要做一個好人,點解我唔能夠將自己放係第一位
點解我總係為左別人而搞到自己唔開心,
點解我父母偏偏要教我做一個寧天下人負我既人
係我既圈子中,我既角色也許是可有可無,
但係係家族中我卻要成為一把爭權奪勢既矛
為了社交,為了關係,為了朋友,為了家人
隨和及堅強係我繼續生存既必要條件
我就好似一大舊變形膠,變化,係我既一項引以為傲既技能
但人像氣球,總會有爆既一日
但故事教訓我,爆開既氣球,係會傷害好多好多既人
而我,唯有將氣球外加上一層又一層既金屬
而家球內既氣壓再高,傷害既亦只有自己
從此社會又會多左一份和諧,我,身不由己
當我不斷回想自己既人生
我發現有數幕刻骨銘心,卻竟只有一人能清楚記起我們相遇既一刻
但佢對我黎講,係一個黑色既杯,杯內既東西完全看不清,摸不透
可惜我對佢黎講,或者只係一杯可有可無既水
每個人都有一些想去完成,想去追逐既夢想
可惜,我,身不由己
有人會認為只係我並無嘗試去作出改變,嘗試去擺脫命運
呢句既說話十分有道理,但係如果命運真係如此容易改變
怎會有宿命難違,身不由己之說
也許,能改變既命運係命運本身既一部份
我而家明白,我既遭遇的確比很多人糟糕,
但係我卻一定比更多人幸福
有得必有失,縱使我身不由己,但我領悟到不少既道理
人生即將踏入一個新既年頭,我亦將有一個新既開始
既然身不由己,係下一次自我介紹既時候,我會甘講
「我係一位堅強開朗既人,性格極度低能白痴幼稚,
我既缺點既係太多缺點,我既家庭非常幸福,多謝大家!」
如果我有得選擇,也許我亦會再次走上同一條既道路
|
