一如以往,一到放假,
我就會思索下我既人生,我既問題,
其實本身今次唸完就算,不過近期睇開youtuber HigaTV,
今日再睇埋FHProductionHK出既我來自YouTube之後,
我就有種好想講下我而家點唸既沖動,so here we go
每個人總會有佢既夢想,當然,小弟亦都有我自己既夢想,
不過都已經係好耐之前既事,一切我唸都要由我小學開始講起
係小學段時間入面,我無exactly甘思考過我大個想做咩呢個問題,
但係有一樣野我而家好肯定既,就係我細個果時好多好多好多,I mean真係好多既講,
(或者而家大家都可能覺得我都係甘,不過我唸而家只有當年既三分一)
同時,我亦好中意表現自己,我唸呢樣野應該同我既自信有少少關係,
我小學幾乎成日”露面”,風紀隊長啦,童軍隊長啦,IT TEAM啦,幫學校拍過幾段片啦
and believe it or not,我係當年都算係english drama既主將,
我唸當時無一個老師唔識我嫁啦,至於我既自信呢,亦都係當時比老師train出黎,拍片啦,presentations啦,比賽啦,
果時我既自信應該係我整個人生中最高既時候
而家唸番,如果當初條路一直甘走落去,我應該會係中學參加左極多學會,甚至join埋drama club,
而且應該係到發緊明星夢or that kind of stuff
不過唔知好彩定係唔好彩啦,everything changed at form 1
係岩岩入中學既時候, 我由145,54KG,(無錯,係54KG)變到中七既181,68kg,
可惜,我既自信同我既體重一齊暴跌,同我既身高呈現完美既反比
(所以我完全唔明點解人地話瘦D,高D可以有自信多D)
我唸係可能”家庭教育”方面既唔同啦,至於有幾唔同,我就廢事講啦,
還店又唔係一D幸福,風光既經歷 (又或者….我比人拒絕既經歷及次數!?LOL)
所以somehow啦,我既自信就開始插水,我就變得愈黎愈寡言,面上既笑容就愈黎愈少,
而家同人一齊去街,去玩,都會比人問我係唔係唔舒服,係米邊個激嬲我等等
其實我唸好多人都同我一樣,都有唸過要做名星,想要出名,因為呢件係一件好型既事
但係當人愈大,我就發現左一個事實,想要係人前成功,成為萬人迷,首先,你就要好樣,
well,我唸我係呢方面係totally fail嫁,
而我亦唔覺得我唱歌有天份啦,事關我聲帶因為細個大聲講野講得多,出左少少問題啦,
至於做戲方面, well,米玩啦,第一個條件都符合唔到,想做戲? (at least我當時係甘唸)
除左自信之外,家族都係一個影響得我好深既因素,
雖然我家族就唔係咩名門望族啦,又唔算出名,係得個大字,
不過我D牙叔就好有錢啦,所以希望大家明咩叫”家族因素”啦, 唔明我都無唸住再解釋嫁啦,
so…就係因為甘,我就被思想植入,從商,係唯一成功之路,什麼拍片,youtube,做明星,果D邊搵到食嫁(at least佢地係甘唸)
所以我既明星夢,我既夢想,可以話係澈底幻滅
至於我點解想做明星? 個答案應該同我點解甘鐘意睇校園片,劇情片一樣,
就係因為我超級鐘意果種朋友間相處到好似家人甘既感覺,I want to be part of a team, a family,
(我都唔想甘講,不過唔知點解好似又有少少關我家庭事,我重視朋友,重感情,唔多唔少都同我係細個係家庭入面永遠感受唔到既野有關)
就好似american pie, grown up, 等等,主角間係畢業後見面,聚埋一齊,回憶往事,重演瘋狂事, 像家人般生活既情節,真係令我”欲生欲死”,wow!
(我唸個phrase應該唔係太岩用黎形容呢個situation, but anyway)
又例如近年變得流行既youtuber現像, e.g HigaTV,
係片段中,唔難留意佢地雖然只係拍片,但係大家住埋一齊,一齊做野,一齊玩,一齊旅行,一齊…鬧交..!?等等
果種can’t live without you既感覺,又係令我感到妒忌同埋嚮往 (我不是gay的)
我想帶出既重點係,佢地都係追夢者,當初就係為左一個念頭,一個夢想,幾乎放棄所有,
我都好想好似熊仔頭甘,能夠有甘既勇氣去踏出第一步,能夠有甘既機會同老豆講比一年時間我,
當佢地好努力甘去為佢地既夢想打拼既時候,
我就向左現實低頭,好似一條咸魚甘係死海中發臭,
不過,其實我都無得揀, 我真係輸唔起,事關我唔可以再輸嫁啦
而家唸番,我係中學既頭幾年真係混混噩噩甘過,其實我係中學既頭4年,我都無一班好close好close既fd,
所以我就沉迷左係電腦世界入面,呢樣野連鎖反應甘改變左我一生,(I mean in a bad way)
有好多野我而家都唔可以番轉頭. 幸好既係,我唸我既夢想都達成左四分一,
事關我而家有一班好close既朋友, 雖然無得一齊生活,一齊住,一齊做野,但我唸我地都見叫有一齊瘋狂過…掛..
雖然我為自己感到好可惜,到而家其實有D後悔,但係我唸呢條係我唯一一條路,
但係如果你比我幸福,你重有得揀,你重有機會,有能力,有勇氣,重可以輸一次既話,
你應該去追一次你既夢想,好多出名既youtuber,好多事跡都證明,追夢,唔一定要好有錢,但你一定要有勇氣,
請容許我呢個懦夫係呢到為各位追夢者打打氣,同時亦為佢地既勇氣致敬!
|
