今日已經係年初九,我唸新年已經踏入尾升
今年應該係第二年無係屋企過年,係skype到見到父母好似好辛苦甘真係有啲心痛,
我甚至覺得自己有啲不孝,我係呢面可以話係風流快活
我牙媽為左新年拜神既野做到天昏地暗,而鋪頭又唔夠人,
明顯地,如果我係香港,一切問題都可以好容易解決,可惜我而家係呢到,真係愛莫能助
而家過完年唸番,我真係應該係呢段時間番香港,我而家真係有啲後悔,有一種錐心泣血既感覺
我希望我有朝一日可以事業有成,以報養育之因
而係新年,我亦黎左一個新既嘗試,我獻出左我既第一次 - 染髮
而家我變左一個啡毛仔,雖然我點染都係甘柒,不過我唸睇落係無甘呆既
我希望呢個小小既改變可以變下我既心情,變下我既性格
呢排放假時間多,我終於實踐我兩年前既一個目標,煲糖水
雖然就未如理想,不過頭幾次係甘嫁啦,我相信經驗係可以累積既
我以前總係有無數既藉口推三推四,我唸我曾經應該許下過無數個諾言s
Apparently,我亦有無數個理由s將佢地延遲,不過我唔可以再係甘
因為有三個女人令我感到好羞恥,三個令我感到無地自容既女人
我希望我真係可以有所善,真正成為一個男人
係過去既一年,我做左好多令我好後悔既事
我唸衝動係主要既元兇,其實我性格係唔係真係甘古怪
其實我既思想係唔係甘traditional,其實我係唔係真係比其他人唸得太遠太多
無論如何,一切都已經過去,
我希望我既衝動可以令我變得勇敢,而唔係後悔
呢排睇新聞,發現中國有意廢除廣東話
作為一個香港人,用廣東話為我母語,我當然唔希望佢發生啦,
其實一直都相安無事左甘多年,而且兩者又並唔係唔可以共存
何必去到甘盡呢?其實我認為學普通話真係係國際上及前途上有好大幫助,
而且中國用普通話為官方語言甘多年,有好多野,唔可以話改就改,
但係亦都唔洗廢廣東話掛,我捍衛廣東話,但係無意排斥普通話
我希望我啲仔女既母語仍然可以係廣東話啦
唔知由幾時開始,我想搵番我個童真,因為我並唔係有一個太開心既童年
係細個因為種種原因,我有好多野都唔可以得到,唔可以去嘗試
而家,我好想去搵番我未擁有過既回憶,岩岩新年去harrods,我真係差啲忍唔住手係Toy zone到汁幾件番屋企
不過,我係無內之前又的確上網買左部電子琴,因為呢個可以話係我細個時候既一個夢吧
不過自學真係有啲辛苦,而且部琴對我黎講有啲細,禁得有啲辛苦
but anyway,我會努力既,我而家已經可以雙手彈晒差唔多一隻歌嫁啦
我希望我可以保持我既熱情,去追回我未擁有既回憶
其實由唔知幾時開始,我已經無左興祝生日既習慣
但係我唸卻從果時開始,時間好似過得變快
真係話甘快我人生已經踏入左另一個年頭,真係快到唔知發生咩事
感覺上我有好多野都未準備好去迎接呢個挑戰
轉眼間,我既大一生涯就已經過左一半,甘樣落去,我唸幾秒後我就已經畢業啦
我好快就要踏入社會,過自己既生活,但係一切對我黎講,好似黎得有啲太快
我本身係鐘意計劃未來既人,但係而家事情快得有點令我手足無措,束手無策
既然毫無頭緒,我唯一可以做既,就係令自己過得充實吧
最後,不管想如何計劃,怎樣過,
我希望我能夠學業進步,身體健康啦
|
