當我既聖誕節假期開始之後
每日都過著漫無目的既生活
每日唔係打機睇戲,就係做下功課,溫下書
見得最多既,就係自己,
鏡,像擁有魔法一樣,總係將人最真實既一面反映出黎
望下望下,唸下唸下,
於是就坐在椅子上思考
嘗試去思考著....何謂人生
我睇既電影,由動作科幻,到喜劇抒情都有
每套電影,總有自己既故事
每個故事,總有自己的意思
然後,我就開始唸,究竟我既人生係一個點既故事呢?
故事背後,我自己又能否領略到思箇中既意思呢?
究竟邊個係呢個劇本既監製呢?
究竟....我係邊個呢?
究竟....何謂人生呢?
每個問題,總會為我帶出另一個問題
究竟....問題背後,有否答案呢?
人生二字,思索左好內好內,我重未有任何頭緒
但係,我從X-MAN, AMERICA PIE 1~4 ,桃姐,及女王的教室中,得到了少許啟發
X-MAN縱使科幻,卻十分真實
X博士同萬磁王從朋友到敵人
X博士想盡辦法阻止萬磁王既惡行
萬磁王近乎想毀滅一切但卻從未打算去傷害朋友
即使將其利用,但仍對X博士既死而感到痛心
每套戰爭,打鬥片,總有正邪兩方
但事實上,正邪如何方辨?,誰對?誰錯?
AMERICA PIE 雖然色情搞笑,卻十分感人
頭四集內既主角們,年紀跟我相約
但文化卻極到不同,但我睇到既重點係佢地既關係
總有人令人感到討厭,感到憤怒,感到同情,感到無奈
我地一直認為,人與人既相遇,總會有一刻要分別
電影中有一幕在我腦海中久久也揮之不去
就係第四集主角重逄,時間馬上跳過十三年
重逄,永遠最令人感動,
劇情中所發生既事,記憶猶新
最難以忘記,就係同學聚會,及舉杯暢談既一刻
然後我好似領略到一樣野
其實,人與人既分別,總會有一刻再重逄
而我真係真係真係好期待既一刻
桃姐十分真實,卻令我好迷茫
故事十分平淡,但係我完全唔明白
但係,點解我會唔明白呢?
係戲入面,我對一句話印象深刻
"有所經歷既人,先懂得去安慰別人"
我缺少既,可能係一份經歷,
再過十年,廿年,未知這部戲又能否安慰我既心靈呢?
女王的教室不但令人感動,且極具啟發
其實我早係幾年前睇過一次
最近番睇,別有一番感受
當中既幾句對白,沖擊著我既心靈
"小孩總想去成為大人,但係遇到問題,
只會逃避,希望大人去為你解決呢個問題
當遇到麻煩既時候,總會將責任推到家長,老師,朋友身上
從來唔會將其承擔係自己身上
當被人要求做一件違背良心既事,係事實公開之後,
就哭訴被人迫害,甘點解當初唔去拒絕,清醒吧!"
劇中既小孩,從互相猜忌,攻擊,背叛,
到團結一致,成為好朋友既同時
老師為達成呢個目的而付出沉重既代價
小孩後悔當初卻無力挽回
這就是現實
這個聖誕,如果大家有空
或者想尋回自己可能忘記左好內好內既東西,
建議大家睇睇X-MAN, AMERICA PIE 1~4 ,桃姐,及女王的教室
雖然要用上大量時間,但我認為仍有佢既意義
曾經,我地不斷去思考,究竟有雞先定有蛋先嫁呢?
而家,我地應該去思考,究竟人生如戲定戲如人生?
定係.....人生如夢呢?
|
