我既人生,好多時間都用左係懷緬過去
小學既時候,懷緬幼稚園既學習方式
中一二三既時候,懷緬小學既空閒
中四五六七既時候,懷緬往幾年既瘋狂
此時此刻,
我懷緬當大家一起玩樂既時光
我懷緬撫慰心靈既笑聲
我懷緬多次離別既果一剎那
勾起無數回憶既原因係,孤獨容易令人沉悶
而睇電影,就係我調劑心靈既靈藥
令我呢個麻煩友無神神又講埋一堆無里頭既說話既主要原因係
我睇左幾套名為「American pie」 既電影
無錯,佢十分色情,可以係話all about sex
但係佢既劇情,卻命中地擊中我心靈既弱點
儘管我高大,有時看起來極嚴肅,有時卻看起來極白痴
但係我不得不承認,我頗堅強,卻極脆弱
我堅強於我既言行,我既生活
我脆弱於我既心靈,我既人生
「情」一字,在我既人命中影響最大
不論親情,友情,愛情
唔知大家有無想像過當父母係某日離去既情景?
好多人覺得好唔吉利,都不願多想,
但係無里頭既我,總係唸埋D無里頭既野
我好記得,那年係小六,
某日,我喊住甘跪係一張白床邊
成個人陷入崩潰既狀態
不斷大叫,大叫住一個人,一個熟悉既人
「媽咪!媽咪!」
就係甘,我驚醒左,成個枕頭濕晒,
心跳快到好似睇鬼片甘
太真實,實在太真實,
明知佢只係一場夢,但係係接住果幾日我重停留係惡夢中,
甚至到而家,記憶都係揮之不去
係果一刻我就知到,親情,對果時既我,真係極為重要
隨分秒既流逝,係我家庭入面都發生左好多事
然後我經我漸漸發覺,友情,慢慢爬升到與親情幾乎同等既位置
那年,係中五畢業
人有悲歡離合,月有陰情圓缺,而天下,總無不散之筵席
HEY,5D班,大家重記得LAST WEEK既日子麻?
大家已經陷入澈底既瘋狂,
我完全已經唔記得我好地地做咩無比人係班房追9條街
重要比人拍埋片TAG埋名,雖然毫無頭緒,
但係而家睇番條片,都十分感觸
大家重記得從排練到表演既日子麻?
可能大家都好憎我,憎我獨裁,憎我衝動
憎我係一次既排練中發火問候大家既屋企人,
I'M SO SORRY!
係舞台上既演出雖然毫不完美,但係我卻忘不了大家一起既時光
時間從未停步,日子瞬間推後2年
那些年,係中六七
YO!~S班,
大家重記得一齊睇東風破麻?
大家重記得一齊無限LOOP那些年既主題曲麻?
大家重記得LAST MONTH既日子麻?
每日番學好似開PARTY甘,放學利用無敵既班房玩好多好多既「遊戲」
三五七日就討論番那些年,
「對牙,我就是幼稚! 」「大笨蛋」
sportday既1500米,長洲既瘋狂雀局
重有重有,STUDY LEAVE大家努力「溫書」既時光
係ms choi生日唱既果首gag歌
上晒位既sky綁自己出去既果刻
YA!ON膠ON膠團,
記得我地一齊行山既時光麻?
記得第一次有2條虧佬san同蛋搭車上山
然後另一次同埋劍同肥行到虧
另外一個次次活動話無約佢唔出現既衰仔Lok啦
重記得麻?有人爛賭到踩完車都要去打牌既lu 同朱
坐左係我格離1年同我鬥on9,每次活動都幾乎有出席既大好膠金
後來加入變得活躍,揚言下次要同我地去旅行既好仔Max
五丁友一齊去番禺果時,我真係好好好開心
有時我真係係到唸,一個經典既情節,
父/母and朋友掉左落海,
我又應該去拉邊個上船呢?
不容質疑,一定係父母,如果唔係就真係好不孝
但係,我就應該就會自己跳落水,推朋友上船(事關我識游水!?  )
懷緬左甘多甘多,又令我唸番起american pie
劇中既主角們,當時只係同我地而家既年記相約,
相隔13年,其實係8年,(nvm,呢個唔係重點)
搵番原班人馬,拍 american pie: reunion
當初18,9,可能只係20出頭既男女,
轉眼間變成30出頭既成人,
大家重聚,懷緬當年生活
我真係一路睇,就一路笑,一路喊
令我不禁唸起,8,9年後,大家會變成點呢?
其實我不斷係wtsapp見到不斷有人搞班聚同小聚
我真係好感動,同時感情大家無隨手掉走呢份情
係8,9年後,大家重可唔可以保持呢份感情,呢份熱血呢?
比起8,9年既那天,我更期待半年後既暑期,
朋友們,記住要留多D時間比我wor :P
最後,其實我係一個好容易感動,容易滿足,又極度眼淺既人,
或者你地班膠人已經diu左我十幾二十萬次,
好地地又做咩打埋D無里頭既野,
拿,你地話知我姐,唔爽就暑期隻秋
不過我都想同大家分享呢份感動,得閒既話,記住睇左果幾套movie佢
感謝你地浪費左人生既幾分鐘去睇我既白痴感受
而無里頭地,我個鍵盤濕Q左
|
