唔記得係幾時,
有位女性朋友同我講過以下呢番說話,
你既性格有時的確幾吸引,但係你唔係果種吸引人地去愛你既人
真係幾甘.....振奮人心...既一席話
然之後係每一次既離別,中五,中七,
總會有朋友,甚至老師透過各種方式,
講出對我既睇法,er..maybe係批評
有人話我係一個開心果,有我既地方,笑聲無聲不在,
同時有人話我好兇狠,係街見親我都係眉頭深鎖,惡形惡相
有人話我係一條橋樑,團體既要員,總有方法拉到大家係一齊,
亦有人話我係一個炸彈,專搞破壞,好多時候搞到大家既氣氛緊張晒
有人話我好有自信,自信到有點,(極度!?)自大,
但係有人話我太怕羞,尤其對女性,呢句我係tutor到聽得最多
有人話我好細心,好有心思,好識去哄人開心,
而有人就話我極度粗心,成日做錯野,跟本唔明人地唸乜
有人話我冷靜,轉數快,有IDEA,係一個決策者,
有更多人話我好衢動,無主見,無計劃,無聆聽既能力
有人話我熱情繽放,不少親近既人話我對人冷漠無情
有人話我好堅強,難以想像我會落淚,
但我忘不了那次在圖書館被輔導,打開心窗既一刻
好多人問,究竟我係一個點既人,
究竟我骨子裹係一個點既人
想要成功,就先要承認自己既過錯,缺點
究竟我係一個點既人,我自己都好想知
乜都唔知,又真係有D難去改變自己
為左得到答案,我有一排瘋狂甘去搵資料
嘗試係呢星座分析,六型人格,九型人格等等去find out, Who I Am
但係最後我都係放棄左,因為結果都係一樣
我有時真係好想知,
究竟我係一個傷痛既人戴住面具去扮小丑
定係一個小丑戴住面具去無病申吟
過左甘多年,發生左甘多事,
所有既經歷都好真實,真實到令我有D迷茫
我究竟係一個點既人
好多人話,遇到問題既時候,千其唔好迷失自己
只要搵到自己,明白自己,所有問題都可以迎刃而解
可惜,偏偏我就迷失左係迷霧森林既深心處
有時我係塊鏡到望見自己,我真係想問對住佢問,
究竟你係邊個,究竟...我係邊個
|
