有得必有失
呢句說話相信大家都聽過千千萬萬次
而我,對呢句更頗有體會
我唸大概由我家族漸變富有開始
家中擺放既相片愈黎愈少
由印象中既全家幅,
變成大家既單獨照,
最後只剩下父母既結婚相
亦唔知由幾時開始,相中既我
由開懷大笑,至強顏歡笑,最後更失去笑容
我失去當日既開朗,當年既童真
當我回望相中冷酷既自己
覺得簡直污染相片既存在
也許,呢個係令我避忌影相既原因
相片,應該用黎記下那動人,愉快既一刻
總括而言,自從我得到財富,我失去了家庭關係
然後我領悟到另一件事,得與失,係一個循環
也許我失去了家庭關係,有趣地我係朋友關係中獲益唔少
其後,我再發現另一件有趣既事,係循環當中,存在加成關係
我得到了包容我真本性既朋友,同時亦得到群體自信
但其實擁有呢個群體自信既我,失去與人單獨相處既自信,勇氣
我害怕孤獨,因為我不知所措
亦因為甘,我失去另一樣野,一樣我曾渴望,想珍惜,想愛 既野
故事一直延伸擴展,但有一其中一條分枝我唸極都唸唔明
曾經係英文話劇一份子既我,自中一開始不斷墮落
我從未討厭英文,但成績卻每況愈下,
我失去英文能力,但係,我究竟得到咩野
中五我差點因為甘失去原校升讀既機會
中七,我確實因為甘而失去去讀我想讀既學科既機會
到而家,我極有可能又係因為甘而失去呢次原校升學既機會
我一而再,再而三甘失去,究竟我得到咩野
難得可以追逐我既興趣,係連番既失去後我一無所有
呢個公式無理由有缺憾,但究竟我所得到既咩野要令我付出甘沉重既代價
最後兩星期,心情極為複雜,我一方面急不及待想番香港,見我想見既大家
另一方面,我想時間可以無限延長,直至我了結呢個心願為止
中五,英文僥倖合格,
中七,英文又再次僥倖合格
有邏輯既我點唸都覺得,三次僥倖既機率,
應該比係飛行棋掉到三次六既機率更小
其實英文你係米真係甘討厭我,
三番四次甘影響我既前途,乜我真係樣衰到甘?
長輩成日同我講,無論結果係點,盡左力就可以
但我真係接受唔到,係出左力同失去左甘多之後,
竟然.....毛都無條,唉
或者,呢個世界真係無公平
|
