今日8點3醒左~不過又係俾阿爸把聲嘈醒既..唉，都慣左lu~
阿爸約左細姑姐同爺爺飲早茶~所以佢同媽咪一齊出去酒樓搵位先~
我同家姐遲d先出..哈哈~去到酒樓果陣...細姑姐同爺爺己經黎左，
最遲係我地兩個..其實我都預左嫁啦~
過左半個鐘到，見到一對新郎、新娘同佢地既親戚黎飲茶..佢地坐係
我地前兩至三張既大檯果度~可惜中間有d野遮住左，睇唔到新娘個樣..
只係見到佢著住一條又紅又閃既中國傳統裙掛~無幾耐之後，我地係
洗手間入面見到個新娘係度洗緊手..其他人見到都會望下佢...
(其實唔係望住佢~係望住佢帶係手上面既手飾)
我地出到去洗手間門口見到新郎等佢出黎，哈~好在個新娘都出得黎快~
如果唔係一定等屎個新郎..呵呵..12點到我地就走左啦
跟住我地去左百佳超級廣場~買完之後搭地鐵番柴灣~
去聖安娜拎埋個蛋糕就番屋企~
到左6點，等埋其他人一齊切蛋糕食..其實都唔可以話好齊人~
因為有部份放左工先直接去酒樓食晚飯，果時先話係晒最齊人..
但係都唔緊要啦~哈，到左6點半就出門口又搭番地鐵，出左
地鐵之後見到表弟同表妹...跟住一齊行去酒樓~阿爸就同叔叔
負責點菜，哈哈~今晚既晚餐十分豐富又好味..食完飯同表妹玩
馬拉松同估歌仔，真好玩~不過又係果句啦~開心特別時間快...
到左9點幾就要走左喇~番到屋企睇哈利波特^^
P.S: 爺爺生日快樂!!! | 
