哈哈...我仲好記得今日係你既生日~雖然我地依家無乜點睇過面，

最後見你果陣己經係上一年既9月頭啦..真係好掛住你呀!!!

我上次寄左張生日咭俾你，唔知你收到未呢??

我記得你係信入面話過~你永遠都唔會唔記得我既生日，其實我

同你都一樣嫁..希望你每年既生日都可以開開心心啦!!

P.S   唔單止只係每年既生日，仲要係每日添呀^(++++)^

        祝你:生日快樂!!!!

今日落好大雨呀...落完又停~停完一陣又落，莫非個天好唔開心??

尋日夜晚~家姐問我有無甜品食..我話無，跟住佢就話我做咩唔整

"姐喱"..呵~唔通我上次整得好好味~所以佢就咁問我呢??哈哈~

 唔知呢..今次我整左兩色既，最底下果層係黑加侖子~而上面果層

就係荔枝味，整左出黎d顏色好令...好期待今晚又可以食啦^^

下次我要整三色再加雜果落去先得~~

唉...今日8點幾俾阿爸嘈醒左我~本來諗著訓多陣嫁，但係又訓唔番喎..

所以就起左身lu~以為仲係一號風球添..開電視之後睇到己經係三號啦~

上左個半鐘網就同媽咪一齊出左去買送，開左門出去果時都唔算係太大

風既..落到樓下至街市果段路就真係超級大風啦~大風到差d行唔郁添呀，

雖然覺得十分之涼爽..但係吹到d頭髮亂晒，搞到我成日都要撥番好去~

好在無落雨咋~如果唔係一定仲會勁狼狽添呀...

番到屋企擺好d送落雪櫃之後，就即刻整我其中一樣我最愛既甜品"姐喱"~

哈哈..整左芒果同青檸味~今晚應該有得食嫁啦^^