尋晚放7:30,約左八點去銅鑼灣食韓燒呀...今次好齊人
家姐+光哥哥+迪哥哥+雪雪姐姐+美寶姐姐+Toby+妹妹+我
一行八個人,對一次咁齊人既時候,應該係兩年前既BBQ了= =
最開心既係見到妹妹,最初佢都唔記得我係邊個...後來傾傾下先有少少記得(好在姐)
Toby仍然都係咁鐘意搞亂檔,哈哈~唔知係好事定係壞事呢?
不過係佢地兩個小朋友係度,真係加左好多既氣氛!!
同大家相處左短短既兩個鐘,時間唔長...但係已經足夠令我開心左一個晚上
臨走既時候,估唔到Toby同我講左句"生日快樂"(仲要係好正經果隻咁講)......
我呆左一呆,講左句"多謝"~之後又拜拜 又飛吻俾我地@@
雖然我生日係下個星期日,多謝哂大家為我預祝生日...哀心的感謝~~
同妹妹影左幾張即影即有相,keep左張淨係得我同佢既合照...
仲影左好多相相添呀!!
P.S: 最初妹妹唔記得左我係邊個,唔多唔少係會失望...
咁又唔怪得佢地既~我成日都就唔到時間同佢地出去玩,唔記得我都正常既
到左影相果陣,妹妹話"我要同士巴拿姐姐影相",
就係呢一句既說話~已經令到我之前既失望念頭消失哂=]
我係唔會忘記18.7.2010 呢一晚
再一次多謝大家,同埋Toby既"生日快樂"...多謝
希望可以好快再見到大家!!!
| 
