父親節的一天
終於都有得放星期日了,真係感動T_T
咁岩今日可以放正父親節~雖然阿爸唔係放假...
尋日返工之前特登去訂左個蛋糕,除左訂蛋糕之外,我都諗唔到應該買d咩禮物俾佢好
諗住去食飯,阿爸返到黎9點幾...我就無所謂既,但媽咪一定話夜唔出去食
買衫果d佢又有,其他既野對佢黎講又唔實際,食就岩哂...最鐘意就係食,
都岩既~食得是福=]
訂左蛋糕之後,叫家姐唔好話俾佢地知住
今日12點出左去攞~哈哈...連媽咪都係我拎左返黎先知我訂左,我太勁了!!
返到屋企放左個蛋糕入雪櫃,同媽咪出左去太古行一陣
首先去左椰林閣食少少野,我食左個吉列魚柳沙律+凍檸茶...係我最愛吃既沙律呀~好開心:)
跟住就搭地鐵,嘩...去到Jusco勁多人囉,又係20號感謝日~加上星期日~仲係父親節...
想唔迫就真係幾難的= =
行左一陣,行左過中心果邊~返到黎M記食左杯雪糕...買埋少少野聽日整壽司,
返到黎屋企樓下買左阿爸鐘意食既綠豆沙,哈哈~今晚佢一定好開心,有咁多驚喜=]
雖然呢d唔稱得上d咩特別驚喜,簡簡單單,都可以係一種喜悅感~對嗎?
P.S: 去拎蛋糕果陣,個店務員同我講"多謝哂,祝你父親節快樂"
我呆左一呆,下...祝我父親節快樂???
我都唔係人地父親~不過諗諗下都岩既,父親節...我都可以過得快樂
父親節............並唔係所有父親既專利,而係每一個人應該每日都要過得開開心心
HApPY DadDy DaY
|
