琴日12點幾訓醒,跟住睇小說睇笑口組呢d野到7點幾,之後問下光頭有冇野做,佢話8點幾去打波,吃完飯我就出發,一落場我ge英氣四散,王霸之氣一出令到d人唔敢阻我,本來頗為擁擠ge球場係個刻好似無人之境咁,帶波上籃呢個平平無奇ge動作卻比我演繹得完美無瑕,熱完身啦,班友終於忍唔住要開場同我呢個天縱之才分個高低啊可惜主角往往都係最後先出場,所以我神情自若咁坐左係度,期間不時有好多期待ge目光向我個邊望,我心諗ge係:「是嗎,你們想得到我肯定的目光啊!」終於大戰過後,到我鳴哥出場啦,可能會有人覺得我無恥,話我等人冇晒力先出黎,其實我只不過係比個下台階佢地咋,試諗下如果等陣佢地輸左,大家都會慣性認為佢地太攰先輸,你地睇下我幾善良,終於輪到我出場啦,當我每踏出一步伴隨ge都只會係幾聲尖叫,當時我地打得難分難解,對方連吃奶的力氣都拿出黎,終於比佢地領先一球,但係係個一刻我虎軀一振,爆晒power,我向籃框快速衝刺,就係只差一個身位咋,竟然有條友阻我,我一個轉身跨步射籃,個陣時一切都係黎得咁突然, 係電光石火之間已經ko左佢,分數已拉為9:9,由於對方已經疲憊不堪,所以我地放過佢地。
(多謝以下人員客串,我方:光頭仔,神手倍;對方:狗熊,大A同柒龍)
路人甲:豈有此理,兄弟打柒佢。 鄺大俠:啊!別打別打.....
隨後在街巷中傳出n聲慘叫。 派膠行動結束,多謝參閱。
|
