| «‹ January 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
| 其實我真放唔低 |
分類: 未分類 |
今日終於打風啦,真係好久違,算係咁啦,入左稟考車,又食左大餐,今日都真係算唔錯。
夜深啦,每晚GE呢個時候,我都總係會等佢GE微信,雖然好耐好耐之前佢講左話「唔得」「No」「Sorry」,但係我依然唔死心,係死唔到心,雖然有一排我唔知將自己擺係咩位置,見到面都係得尷尬,而且又同時又仲未死心,後來仲傻到@佢個陣,打左句「希望你可以每晚都@下我」,佢真係有做,佢晚晚都有@我,我好感動,點解可以咁好。
後來就咁樣過左一個星期到,微信個陣有時都會不經意加個「bro」上去,或者咁樣可以真係可以消除尷尬啦,或者係大家都自欺欺人,ha,我又係到胡思亂想...個個星期我晚晚都係到諗,「如果可以咁樣落去,真係幾好」「咁樣落去,我又可以點」「我好自私」,後來同番個「心靈友」傾番,佢講:「佢又真係幾好人架wor」
我聽完之後,即刻就心酸,我心諗「係lor,佢本來就係咁好,仲未夠咩?夠啦。」我攞起部手機,對左好耐,可能只係一陣,不過唔緊要,到左最後我係微信同佢講,「多謝你呢幾晚都@我,夠架啦,你男朋友好夠運氣」到依家我都未攪清楚究竟我係同緊佢講,定係同緊我自己講,我真係唔知,係呢到我都要多謝陳小春先生GE一首不歡而散。
原來好多野都可以釀成酒,就連一D莫可名狀情感都可以,又到左例行練舞班GE日子,終於又見到佢啦,今日導師Andy教番一D基本功之後就開始講番隻齊舞,我點都諗唔到佢接下黎講GE野,「5男4女,嗯...咁好啦,依家你地每個男仔搵一個女partner」
呢個時候,我心諗「賴野啦...」但係我心裡面最深層個度係期待緊,我地馬上就用「荷媽」GE方式進行配對,其中澤西同九爺已經揀好自己 GE partner,神手就跟Andy,我心諗得番:「我,豪,佢,Carman,兩男兩女唔好咁巧啊」
好波,真係驚個樣就黎個樣,好,頂硬上,硬就硬啊,成身都硬晒囉,尷尬又緊張,個part舞基本上都係有D身體接觸,我睇得出佢都有D唔自然,都好尷尬,練左兩三次之後,佢就電話響左,呼,我諗我地兩個心入面都會話:「黎得及時。」
就咁,佢就傾左好耐,直到排完,雖然我明白自己一個練習係有D怪,心裡面更係不斷亂諗,好想走,但係我同自己講,「你係男仔,大方D,得GE」所以我繼續扮冇野。
個一晚,真係發生左好多事。
|
2012 年 6 月 1 日 星期五  |
都過去了  |
分類: 未分類 |
一年啦,無啦啦又畢左業,考埋大學,又搵埋份工,一切好似都係琴日先發生GE事......或者我成個2012最深刻GE記憶就只有3月~6月呢段時間。
諗番起以前,日子一日又一日咁過,渾渾噩噩咁,同死屍冇物分別,直到入左新葡京自助山到做,同龍哥佢地班友一齊番工,放工,吹水,個段時間我充滿左對工作GE熱情,同對未來GE憧憬,成個人有左靈魂,但係中間都發生左D令我唔開心GE野。
我知道最後一年GE班際籃球對你地黎講好重要,對我都一樣,只係番工同籃球比,我會選擇工作,我唔係貪錢啊,而係我想實在,我想得到安全感啊,我GE家庭,我GE父母,都充斥著現實呢兩個字,打波係好玩啊,但係贏左之後呢?輸左之後呢?我只能回家,我得到甚麼呢?沒有,但係工作後至少我能得到一筆錢,我能做很多我想做的事。
我知道我自己好貪慕虛榮,我認啊!細細個人地爸爸媽媽都可以買好多好玩同好吃GE野比自己吃,我呢?我GE父母為左屋企周圍奔波,我明白,今日GE一部暴龍機,就代表一次大出血,所以我從來缺錢都唔會問屋企攞,我想有可以自己自由支配GE錢。
所以Alan,其實我個一期堅係好憎你,覺得你真係好討厭,我打工有糧出,要焗住番,但係我自己自由時間都要全部比晒你地練波??可能係我誇張左,但係我呢個人唔逼得,我唔明點解你要比說話我聽,我唔想同你鬧翻,因為我唔想比人杯葛,同埋我知你係D咁GE人,所以我仲驚,就算我有幾唔開心,我都唔可以宣之於口!比賽輸贏對我來說真的不算甚麼!
以上呢段係3月~4月GE回憶...... |
| 2011 年 12 月 27 日 星期二 |
其實都唔洗咁down姐  |
分類: 未分類 |
早個兩日,發生左d事,搞到自己自憐自憫咁,諗番起真係有d傻,人地都冇話咩,自己就已經崩潰先啦,勁渣lor,真係接受唔到。
好在呢幾日將自己重新定位,加上又要番學了,Xziga又講得岩,諗咁多野做咩啊,不如搞掂依家先啦,反正以後等到自己有d資本搾係手,就算自己有所「行動」,都唔洗猶豫,多謝你ge開解,今晚ge聚會,雖然我有d靜,可能係太耐冇見,我有d緊張,but其實我有留心聽你地講野,所以下次我會放一d。
仲有就係,我對依家ge「目標」睇得好清楚,我要沉住氣,慢慢黎,一步一步,最終我會得到我想要的,繼續保持相處態度! |
| 2011 年 12 月 25 日 星期日 |
| 至少,我仲有杜康 |
分類: 未分類 |
琴晚ge平安夜,老實講,快樂同不快樂各佔半數,快樂ge係因為平安夜既同左屋企人過,又同左班fd過,但係我......我真係好唔開心,龍哥,雖然你叫我唔好將自己d感情野po出黎,但係我冇辦法,我需要一個「樹窿」,或者我可以校成得自己一個睇,但係有咩意思,還不如收在心裡,現在的我真的很不開心。
---------------為什麼要讓我知道,為什麼自己會那麼想知道,其實我知道消息一定是壞到極點了。
朱古力巴菲很甜,很好吃,儘管在品嘗的過程中有一點難度,可我仍然有嘗試的可能性,但是,為什麼在我快要吃第二口的時候,跟我說,這份巴菲原來是隔壁的那位客人的呢,雖然也嘗到了一口,可是,這比吃不到更難受......朱古力巴菲太好吃了,好吃到我心碎了...
終於番到屋企,最後都係得你陪我......杜康
冷雨夜我不想歸家
盼望你背影
只想再看清楚
不敢再作打算
|
| 2011 年 12 月 20 日 星期二 |
| 2011-12-20 |
分類: 未分類 |
離上一次打blog已經有成年lu,呢次黎番qooza 都係因為偶然ge機會。
過埋今年就真係要走啦,呢年真係發生好多事,憎左好多人,不爽好多人,睇穿好多人,識左更多人,最重要ge係,我唔後悔。
近排有件事真係唔講唔得,個晚同幾個fd飲酒(邊幾個自己知就夠),飲下飲下癲左,亂咁講野,but係真說話,你地幾個雖然都話我醉啊,耍晒太極咁,其實我又點會唔知自己做緊咩啊,幾罐酒精度得 零點幾度ger酒,你地覺得真係有可能令到一個人神智欲昏咩,xx恩個單野個晚雖然我係咁講,但係我知道只係我一時心軟,到我清醒之後,我心裡面個團火又會升起,其實到左依家,我都未搞清楚,我係嬲緊d咩,恨緊d咩.....
Carla(一個朋友)當初講得好岩,但係岩係邊我唔知道,我正係知如果當初我照佢咁做,忘記所有ger一切,我會舒服好多,但係比我揀到一次,我都會去恨,都會去不忿,都會去記住,我明白,恨一個人,傷害ger永遠係個心,同埋真係好攰,但係我冇辦法唔咁做。
老師,5年了,雖然你常說自己班一定要團結,唔係就好似散沙咁,前幾日你搵過我同大A傾,又係傾xx恩d野,坦白講啊,如果個日你唔提起架話,可能係我心中最平靜ge一日,因為有樣更加令我感到憂心ge野困擾我,但係你一提起,我好想訓,唔想醒,唔想再聽到個個人把聲,佢越開心我越不快,這時我才明白,為什麼自己今天會神使鬼差地買了一支大水,原來是給自己冷靜用的......
我醜陋嗎? 當然醜陋。
能像風一般的過去嗎?能像風一般的帶走嗎?
(p.s:大A,你開門見山吧,我想明說話) |
1 | 2 | 3 | 4 | 5 | 6 | 7 | 8 | 9 | 10 | ... | 13 | »
|
