| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 9 月 7 日 星期二  |
無聊一天  |
分類: 未分類 |
今日7點半起左身,都已經著晒校服個d架啦,都唔知點解係都要拖到8點先出門口,真係好怪,跟住朝早五堂又係平凡咁過,到左下午第一堂自修,第二堂電腦,哇唔講唔得,我自問意志力都算係唔錯,聽十次金剛經不昏厥係沒問題,但係一聽到呢個miss講野,都唔知佢個d廣東話跟邊個學架,又唔正又煩,自認意志力高強ge我頂唔住趴左係左枱到,點知唔夠兩秒比佢叫住,比人小左,唉冇癮,跟住last一堂督課,一次過做晒d野之後放學去練舞,今日又教左新野,到左8點半左右,我地走個陣,對門冇貼上推同拉兩個字,英文都冇啊,咁我就推一野,啪,超大聲,樣衰左.....之後回程個陣,屌個神手個柒頭上面有隻虫,想幫佢撥,佢屌9我,話9我玩野,呢到我真係有小小火啦,真係我玩都唔係咁玩啦下,咁都唔信我,下次唔鬼提你。
|
| 2010 年 9 月 6 日 星期一 |
up blog  |
分類: 未分類 |
幾日冇up blog 係時候要出動啦,之前d野就唔講啦,就講番今日,我地一眾伙伴番學等放學,到左5點幾放學,就去搵啊be佢地個幾個,之後就一齊去練舞,練左好耐就休息下睇班女仔跳,唉!好無面,人地個d舞都排得咁好,我地黎黎去去都係得個幾步,冇計啦,我唯有安慰下自己,就當係我地天資聰敏,所以阿sir怕教得我地太快,會超前女仔,蒼天啊,大地啊,你看看,我地幾好人。
睇左陣我地就開始拍d膠野,唔好提啦,真係太膠,玩左一陣就全部回家。 |
2010 年 9 月 3 日 星期五  |
| 2010 年 9 月 2 日 星期四 |
| 正! |
分類: 未分類 |
今日起身梳洗左之後番學,派完書交完錢都到左8點9個字,係呢個時候miss話要10點先比走,我個口即係張到n大,就黎可以擺個橙入去,冇計啦,唯有屈服,之後就同前後隔離聯誼一番,放左學就等去跳舞,今次練舞個個進展唔錯,仲搵到首好好ge歌-------------「beggin」,之後我地班友就狂跳,個hi-fi有咁大聲就開咁大,去到廁所都聽到,超爽,到左晚上就同老媽子去吃自助餐,完。 |
| 2010 年 9 月 1 日 星期三 |
| 今日過得都算ok |
分類: 未分類 |
今日訓到早上8點幾先起身,梳洗一番之後就番學啦,我以媲美烏龜ge速度趕番學校,點知一去到就要聽miss講d無聊野,跟住仲要學人派糖,仲要係「思密達」出ge,我都無言兼怒了,幸好有隻君ge手信,算係彌補番我失落ge心情,順帶一提個包「小年糕」真係唔錯,alan懷疑我呃佢好食wor,咁真係好食啊ma,不識貨,鄙視一下,跟住落左去上週會,本來我都諗住進入休眠狀態架啦,大家都心照啦,點知係呢個時侯校長竟然對著某位同學舉起一指,冇錯,就係傳說中ge中指,係眾目睽睽之下,佢做出呢個動作,事後仲理直氣壯咁係度講「大道理」,面不紅氣不喘,真乃大宗師之風范,在下深感拜服。(校長就是不一樣。)
到左中午放學番屋企吃完飯就係度玩機,直到3點幾豪哥約我出黎去善明會,途中買左幾枝筆,到達目的地後,我因為唔識聽「咇」而陷入呆滯,幸好一班好友由唔識教到我識為止,係呢到我要講聲多謝先,肥寶(男個個,唔係嘉寶)黎到之後,我地學左個八字,六步,同d唔知咩步法,差唔多就係個d。
夜晚佢地叫我出黎打機,我甩左底,係到又要講聲sorry先,因為比老媽子聽到,直接把我罵了個狗血淋頭,那真叫一個爽字,之後很不爽地出左去散步,岩岩先番,就係咁多啦。 |
« | 4 | 5 | 6 | 7 | 8 | 9 | 10 | 11 | 12 | 13 | »
|
