| «‹ March 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
2010 年 10 月 11 日 星期一  |
大難不死,再來一劫  |
分類: 未分類 |
今日好好,好凍,即係坐係個位到溫數學公式,到左測個陣,咩都唔記得晒,好好,唔錯,一個朝早過去,我除左上歷史同數學比較留心d之外,我基本上係訓。
到左下午就驚心動魄啦,我懷著忐忑的心番到學校大門前,每一步都伴隨著劇烈ge心跳聲,而且行得好慢,但係都無可回避咁番到課室,唉,是福不是禍,是禍躲不過,我都囧了,點算啊,派化學卷啦,今次實死啦,miss仲話有6個人唔合格,成班34個人,幾率有80%我係其中一個,一張張卷從前面位慢慢咁傳到我ge手中,我合埋對眼唔敢睇,不知甚麼時候起,我的臉上已全是冷汗,再看看左右隔離,有d合格有d唔知格,好吧,我也豁出去了,反正改變不了結果,去面對吧。
眼蓋張開,咦,74-3wor haha ,老子不死啊,hahahhaa,傻笑了幾分鐘後訓。
下午比賽輸了,麻痺的,又是他,高3咩腦梁志誠,你放了我吧,乒乓球又是你,羽毛球又是你,你也牛b了點吧。
|
| 2010 年 10 月 9 日 星期六 |
我知道,其實我早就知道是這個結果...  |
分類: 未分類 |
今天過得與往常一樣,很平淡,不同的是這個星期的測驗搞定了,拖著疲憊的身心回家,睡吧,睡吧,睡一下或許醒來後會好點,但我不能睡,因為2點要到漁人碼頭上helloween訓練班,兩位導師很不錯,以風趣幽默的性格與我們達成了互動效果,沒有了一層隔閡,就像是老朋友再次見面一起玩遊戲,學到了不少東西,膽子也大了許多,我很快樂,2點至6點彷似風一般的過去了。
坐車回到關閘,我,龍哥和9鴻到「澳門街」吃東西,人不多可叫的食物卻不少,但一樣沒能難得住有著「焚化爐」之稱的我們,大快朵頤後,我地約左神手出黎到網吧一玩,詳情就唔多講,總之開心就夠。
不過在此要補充一樣,大家記得下次家長會最好自己也能在場旁聽,因為老子中伏了,本來今日上緊堂(hello)個陣,老媽子打電話黎問我係邊,我就話去跳舞,我問佢咩事,佢話想去家長會,同我講聲先wor,我同佢講:你唔係話唔去咩,點知佢話咩見得閒去埋,我就講有冇搞錯啊,你填左表話唔去,你咁樣人地冇預你位要你企埋一邊架咁樣黎同佢講。點知比佢秒殺,佢話佢已經講緊la wor。
之後某某人 msn @我-------hahaha 我話:笑咩啊? 某人:我知道晒你d野啦,準備爆大獲 我笑道:我有咩大獲會比你知道,平時我都唔講ge, 佢話:你媽咪今日講晒比我知lo 我個口當時可以塞隻橙入去,原來個劉沛沛因為要同緊其他家長講緊野,叫啊某人去招呼媽子先,結果一發不可收拾。
番到屋企,係msn傾左陣,我向龍哥傾左陣,我同佢講左d,佢又問左d,我又答左d,聽到幾個我一直渴望想知道ge答案後,或者係一個月前我會接受唔到,我都唔知會點,但係當佢講出一切之後,我舒服左好多,好似比人釋放左咁,我一開始係好失落好唔開心,但係我好清楚知道我呢d係自尊心作祟,我自己ge條件反射,因為我早就知道個結果,只係唔想去承認。
龍哥,你好好,你好了解我,好明白我,而我都知道,所以我會講比你聽。
兄弟,我在這一世看見了你! |
| 2010 年 10 月 7 日 星期四 |
| 一個字:爽 |
分類: 未分類 |
今天很好,測了化學人也放鬆了,數學不聽,語文不上,文史上周公online,爽啊,中午全餐麵加一支統一奶茶,正啊,容易滿足也不錯,下午電腦堂超冇癮,個miss都唔知係變態架,係都要人地跟足佢,扼殺我地ge創意,事情係咁ge,一開始佢叫我地用flash唔知物物畫一把紙扇,咁紙扇呢d野通常係有d字黎以示風雅,咁我咪作左首野同埋加左兩朵花去點綴一番lor,當我舉手登分個陣,佢話我成堆字,要畫畫,佢都膠架,4行野,每行8字都叫一堆字,知唔知咩叫風雅啊,讀下書先啦,真係不如係把扇上面畫沱屎比佢算數,顏色仲要用最搶眼個隻。
下午羽毛球比賽我係到睇,一直到左放學去唱k,又有個人比肥寶呃左去入會,陰公,一日就咁過去啦。 |
| 2010 年 10 月 4 日 星期一 |
飽了~嗝!  |
分類: 未分類 |
今日一起身,物功課都未做,破天荒咁7點半番到學校,簡直快過多啦a夢用隨意門,一開門擺低d野就即刻進入緊急戰鬥狀態,隨手一野攞左唔知邊個本野黎抄,手握之筆於功課簿上龍蛇飛舞,好一副狂草啊,我決定將佢定為「新膠神體」。
朝早可能抄功課個陣用神過多再加上第一堂體育,搞到除左歷史之外,物都冇聽過,咁就過左一朝啦,之後去左美味園吃左個黑椒雞扒飯,狠狠咁奢侈左一次並大聲咁講:「老子現在有錢了,hahahahaha.........!」番到屋企訓左一陣再上msn騷擾下黃豪就番學。
下午第一堂化學開新課,雖然講到一半個陣我都feel到今日我係在劫難逃,點解?因為幾次爽爽姐ge目光都集中係我個邊,我個邊冇咩人,就係前面林cc,隔離kevin,唔抽我抽邊個,當佢叫到我個陣,好吧,在心裡對自己也對老天說:我認了,就糗一次吧。
幸好我呢堂課冇物走過神,miss都冇令我太難堪,呼......!不死,跟住黎ge係週會堂,今次換左呂sir上,唔係,係呂主任先岩,佢ge出現真係令週會堂生色不少,一向死寂ge氣氛完全比佢一掃而空,如果次次都係佢上就好啦。
到左last一堂,我攞晒d咩功課啊筆記啊之類個d出黎,搞左n耐,都只係做左化學同埋一半ge地理,數學我完全將白旗高高掛起。
番到家,老媽子提議到新八佰伴吃野,反正冇咩做,咪去試下lor,戰斗一番後,立馬喊出一個爽字同埋叫出口號-------我地ge新八佰伴,我決定出左糧請人黎呢到吃野。 |
| 2010 年 10 月 3 日 星期日 |
| 又一日 |
分類: 未分類 |
今日同樣訓到日上三竿,之後幫阿媽買左本經濟一週後就上msn傾計,傾左冇耐就到3點啦,從台m集合,朝著拱北口岸ge方向前進,以促進國內經濟為目標而進行「荷包革命」,我地一行6個人:菠蘿,龍樂,光頭,神手,我,9鴻。
過左關之後我地暫時兵分兩路,a小隊:龍樂,我&神手去吃野後再陪龍樂睇牙;b小隊就去剪頭髮,半小時左右後,b小隊過左黎同我地會合,可能由於龍樂吃完野冇吃air-waves,搞到個牙醫頂唔順佢陣口氣,就叫佢下兩個星期再黎過,跟住我地就陪b小隊ge成員去吃野,之後又去睇碟又買衫咁,搞到7點幾就快8點到先番到澳門。
之後比菠蘿以唔識做功課為理由,呃晒a小隊吃完飯到台m會戰,點知龍同志因為要做自己野而置身事外,神手倍就以事隔多年唔記得晒d野為理由黎擋,得番我......中伏了。
膠完一番後就到「老地方」跳舞,真係風涼水冷wor,跳左一陣番家。 |
« | 3 | 4 | 5 | 6 | 7 | 8 | 9 | 10 | 11 | 12 | ... | 13 | »
|
