今日朝早無聊刨小說到中午,跟住時不時就打電話騷擾下豪哥,之後就同神手一齊去左龍哥屋企睇佢染髮,真是有毛病,別人染係齋係個d頭髮到茶個d野,佢好似洗頭咁,俗語都有話:你未吃過豬肉,都見過豬跑掛,去左咁多次「四眼仔」都未識,我予之鄙視,又跟住無啦啦比班小學雞叫左出去,出到黎佢地又走wor,我真係比佢地吹脹,因為本來神手玩緊信長好爽ge,點知要掛機搞到比人gg,我笑了。
到左6點幾就去左善明會練舞,哇,真係身水身汗,指ge係去個陣時,點知去到係睇班女仔跳,我汗,等左n耐筋都拉埋,到我地啦,今日總算係正正經經咁練左一獲,跟住導師要同女仔做個簡單ge「小測」,我地男仔就好似lady gaga個首bad romance中個d俄國黑手黨咁係到睇,雖然我好努力咁忍住笑,但係我隔離班友唔係ge,有咁大聲就笑咁大聲,啊,呢班友真係唔厚道啊。
最後去左台m吃野兼「做」(心照不宣啦)功課,講下笑下又做下吃下,就咁樣搞到10點幾,之後就番屋企啦。
|
