如題,今日落雨冇得打波,不爽之一,之後落雨搞到對鞋濕晒,不爽其二,之後下午放學同alan去買禮物,佢怕尷尬叫我入去買,個老板娘望住我笑,不爽其三,番到學校汁野,豪哥係到玩唔做功課,搞到我不爽,此乃不爽其四,呢個時候一定有人問:「咁你都不爽?」因為豪哥未做完數學唔走得,而我又要借功課所以都唔走得,對鞋又濕wor,so,不爽,這一切都是雨天造成的, 所以不爽雨天。
番到家啦,沖左個熱水涼,比雨天摧殘ge我即刻原地復活,之後本來黃豪佢地約我去感受中秋feel,我應承左,但我唔係太在意d咩節日feel,生日啊,國慶啊,聖誕個d咁ge野,對我黎講,可以放假就係好事,之後龍哥打過黎問我有咩搞,我話去黑沙環感受節日feel,佢話我潮童,我心諗:「咁又係......」之後我就問佢:「咁你有咩搞,佢話去打機。」我心諗:「你都ok毒下wor。」因為每次放假條柒龍唔係叫我地去打機就.......真係冇咩做,偏偏咁樣又係我樂意架wor,唔去豪個個好似唔合群,唔去龍個個好似太委屈自己。
跟住諗左幾秒,得出左個結論,同龍話我去,跟住佢就話你係黎先好,我呢到就好唔爽,我幾時放過你飛機啊,有都係得個一次,你開心同唔開心,你叫到我個d基本上「隨傳隨到」,同我講個電話真係咁唔耐煩?有咩不爽ge你咪講lor,洗唔洗當9我仇人咁啊。
激動左少少,同埋我真係有少少想放你飛機。
|
