琴晚好好,好攰,頻頻扑扑,去完個度去呢度,我囧,9點比人水左去關m,食住m記等班茂利,半個鐘後黎左一半啦,齊人之後出發,成班傻仔好似要搵失去ge童年咁,周圍係到買野,螢光捧,吹泡泡個d水,個黃偉真係笑死我啦,跟住eling同埋lily到玩埋一份,追住d泡泡黎打,唔得唔寫個服字同大叫一聲:老公萬歲,唔係,係童年萬歲。
玩左個半鐘到,被人急call,即刻以快過劉「長」,勁過飛「基」ge速度,衝過去筷子基個頭,我真係想暈,可惜龍哥班友使用奪命追魂call叫我,到左之後,二話不說,老闆,45號機三個鐘,可惜上天注定我要做一個三陪撚,我坐左半個鐘到,alan打過黎,「喂,係邊啊,過黎飲酒啦。」我講:「黃豪唔係話你地唔去咩?」佢話唔係,言下之意即係我比黃豪水左,比他耍了,瞭不?傻小子。(現在我通通都瞭,都瞭,ahahahah~) 注:採用「北極圈」。
不過我都係要拖佢一陣,有d矜持,點知兩個字之後,eling打過黎,哇,咇哩啪啦咁,冇辦法,我輸了,月黑風高殺人夜,毒撚齊聚派膠天,我單刀赴會,一副「鴻門之行,捨我其誰,比他們耍也認了」的樣子跑去。
去到見到一男兩女,男ge一副膠樣,兩個女ge亦算正常,不用多說就是他們了,去到同佢地傾計,講膠野,傾觀念,還真的一副孔子教學ge款,到左2點幾,龍哥又黎,我頂,堅叔黎到,即刻閃人。
打左一個鐘信長,各自番家訓。
|
