今日訓到7點幾醒左,即刻好似裝左摩打咁諗住刷牙換衫個d,就係落床個刻,醒起今日放假就回歸三分鐘之前做ge事-------訓,12點幾先醒爽到爆啊,好幸福啊,萬惡ge生理時鐘今日終於英雄無用武之地啦,真係人生一大樂事也。
吃左d野醫肚,上msn睇人地freeze,跟住神手@我問善明會今日開唔開,叫我去問,我心諗呢d濕碎野都要我問,我呢d係做大事ge人才,就打出句,你唔去問 我唔問啊,佢無言的親親親了~,之後佢又問我幾時去跳舞,我話3點半去,佢就話太晏自己去先,我話好啊,之後見到本好正ge小說,拖到5點半先去,ha。
去到就成功使出左freeze五秒,連9鴻都話ok啊,勁le。
甲:威威....(被我一陣暴打)
跳完舞火速番家吃野,因為佢地8點幾去睇煙花,本來我係唔想去架,可惜比某條扮愛國ge人以愛國理由拖左我去,借用kevin--------狂泣!跟住我地一行5個男仔睇住d煙花唔知講咩好,就係到猛哇 哇哇 哇哇哇 哇哇哇哇 死了都要哇咁樣,跟住放完一round後,個主持話要玩遊戲,無啦啦搬左張枱出黎,擺出五支可樂,跟住抽5個人上黎鬥快飲,最快個個有獎品,我地心諗:可樂?小朋友先飲,諗得出呢d遊戲ge人,智商都唔荒高,何況獎品,不出所料,獎品係一個可樂杯,我分明見到個個野想將個個杯亨落個個主持個頭,不過好在人地個EQ高唔同佢計較。
之後佢換湯不換藥,汁走左d可樂換左啤酒上黎,今次佢講話最快個個可以得到紅酒兩支,佢地四個都推舉我上去,可惜比我拒絕左,原因有三,啤酒唔係落黎玩,係開心同傷心先飲,此乃其一;主持話要十八歲先得,乃其二;我上到去我驚我打擊到眾酒鬼ge自尊,乃其三。
結果我比4條友暴打,最後主持抽左幾個靚仔上去,都係五六七歲到,就問佢地1+1*2等於幾多啊,佢數一二三,第一個舉手ge答:4,我地笑而不語,主持亦不點破,只說:有冇聽過一句叫做先物物後物物ge啊,好,我再抽第二個,123,第二個答:4 ,123 第三個答:6 ,再數 第四個答:8 再數 第五個 22 ,到左呢到基本上成場都笑爆嘴,好,是你逼我的,我地五個直程摀低身笑,笑到就斷氣咁制,d靚仔真係好盞鬼。
唉,好攰啊,攰到咩都唔記得晒,之後知道我同神手係南湖個頭行番筷子基,因為d車太多人,我地兩個上唔到,唯有行。
番到黎熟悉ge環境,我提議去吃個麵再去飲酒,之後個個都因為攰走晒,所以我就買左個雲吞麵番家吃,就咁完左且成功放了alan飛機。
|
