今日同樣訓到日上三竿,之後幫阿媽買左本經濟一週後就上msn傾計,傾左冇耐就到3點啦,從台m集合,朝著拱北口岸ge方向前進,以促進國內經濟為目標而進行「荷包革命」,我地一行6個人:菠蘿,龍樂,光頭,神手,我,9鴻。
過左關之後我地暫時兵分兩路,a小隊:龍樂,我&神手去吃野後再陪龍樂睇牙;b小隊就去剪頭髮,半小時左右後,b小隊過左黎同我地會合,可能由於龍樂吃完野冇吃air-waves,搞到個牙醫頂唔順佢陣口氣,就叫佢下兩個星期再黎過,跟住我地就陪b小隊ge成員去吃野,之後又去睇碟又買衫咁,搞到7點幾就快8點到先番到澳門。
之後比菠蘿以唔識做功課為理由,呃晒a小隊吃完飯到台m會戰,點知龍同志因為要做自己野而置身事外,神手倍就以事隔多年唔記得晒d野為理由黎擋,得番我......中伏了。
膠完一番後就到「老地方」跳舞,真係風涼水冷wor,跳左一陣番家。
|
