自從9月25號個日去見工到依家都好耐下,14日話長唔長,話短唔短,終於比我挨完啦,出黎做野ge感覺我體驗到啦,雖則都可以話扮鬼可以當係玩咁,但係真係好攰同埋冇時間,番左成日學仲要趕賭場車去番工,番工又吃得唔飽,遇到d無聊人客又搞到自己不爽,番到去又冇時間溫習又眼訓,家人又擔心自己,唉~!真係一言難盡,箇中艱辛真係不足為外人所道.
從第一日開始我地joker六人滿腔熱誠去工作,一齊番家個陣已經有少少挨唔落去ge感覺,我真係唔知我係點撐落去架,工作ge熱誠? 早就比d無聊人客消磨得一干二淨,為左錢? 有咩比得上自己學業同睡眠,支持我到依家ge係----------友情同夢想。
每一日ge番工放工,即使唔想承認都好,疲倦已經係大家面上ge寫照,但我地有夢想同友情,就算每晚都傾住出左糧之後我地點洗點洗呢個話題,但係我們仍然樂此不疲,我們都知道自己不能退出,因為我地係 JoKeR ,係一個整體,一個因傷退出可以理解,但第二個,第三個,第四個,到了某個晚上,發現得番自己一個孤身回家,何等無趣,所以我地都苦苦堅持,即使疲倦但有朋友陪住自己,就覺得有無限ge動力。
到左10月30日,由6點到凌晨2點ge戰役終於完結,我地joker已經征服左萬聖節,我地贏左。
|
